తక్కువ ధరలో ఎక్కువ ఫీచర్లు గల ఫోన్లను తీసుకొస్తూ యూజర్లలో మంచి పేరు సంపాదించింది టెక్నో సంస్థ. తాజాగా ఈ కంపెనీ పోవా సిరీస్ లో ఒక కొత్త డివైజ్ ని లాంచ్ చేసింది. అదే Tecno Pova Neo 3. టెక్నో సంస్థ అధికార వెబ్ సైట్ లో ఈ డివైజ్ లిస్ట్ అయ్యింది. Tecno Pova Neo 3 యూనిక్ డిజైన్ తో వచ్చింది. సరే, ఓసారి Tecno Pova Neo 3 పూర్తి స్పెసిఫికేషన్స్, ఇతర వివరాలు తెలుసుకుందాం.
Tecno Pova Neo 3 డిజైన్
Tecno Pova Neo 3 డివైజ్ టర్బో మెకా డిజైన్ తో వచ్చింది. ఈఫోన్ మెకా బ్లాక్, అంబర్ గోల్డ్, హరికేన్ బ్లూ కలర్ ఆప్షన్స్ లో లభించనుంది. బ్యాక్ సైడ్ నుంచి ఫోన్ డిఫరెంట్ లుక్ లో కనిపిస్తోంది. బ్యాక్ ప్యానెల్ పై భారీ కెమెరా మాడ్యూల్, డ్యూయల్ ఎల్ఈడీ ఫ్లాష్ ఉన్నాయి. అలాగే బాటమ్ లో టెక్నో పోవా బ్రాండింగ్ ఉంది.
Tecno Pova Neo 3 స్పెసిఫికేషన్స్
- డిస్ప్లే: Tecno Pova Neo 3 లో 6.82-ఇంచ్ ఐపీఎస్ ఎల్సీడీ హెచ్డీ+ డిస్ప్లే, 1640*720 పిక్సెల్ రెజుల్యూషన్, 90 హెర్ట్జ్ రిఫ్రెష్ రేట్, పంచ్-హోల్ కౌటౌట్ ఉన్నాయి.
- చిప్సెట్: Tecno Pova Neo 3 లో మీడియాటెక్ హీలియో జీ85 చిప్సెట్ వాడారు.
- స్టోరేజీ: Tecno Pova Neo 3 లో 8జిబి వరకు ర్యామ్, 128జిబి వరకు స్టోరేజీ ఉన్నాయి.
- బ్యాటరీ: Tecno Pova Neo 3 లో 7000 ఎంఏహెచ్ బ్యాటరీ అందించారు. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
- కెమెరా: Tecno Pova Neo 3 లో 16ఎంపి డ్యూయల్ రియర్ కెమెరా సెటప్ ఉంది. దీనికి తోడు ఒక ఎల్ఈడీ ఫ్లాష్ ఉంది. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- ఓఎస్: Tecno Pova Neo 3 డివైజ్ ఆండ్రాయిడ్ 13 ఓఎస్ ఆధారిత హైఓఎస్ 13 కస్టమ్ స్కిన్ పై పని చేస్తుంది.
Tecno Pova Neo 3 స్మార్ట్ ఫోన్ ధర
Tecno Pova Neo 3 స్మార్ట్ ఫోన్ ధరను కంపెనీ ఇంకా ప్రకటించలేదు. రానున్న రోజుల్లో ధర వెల్లడయ్యే అవకాశం ఉంది.