చవకైన మరియు మన్నికైన ఫోన్లను తయారు చేస్తోన్న టెక్నో సంస్థ తక్కువ సమయంలోనే తనకంటూ మంచి మార్కెట్ ని ఏర్పరచుకుంది. నేడు, తన అధికార ట్విట్టర్ హ్యాండిల్ ద్వారా Tecno Pova Neo 3 డివైజ్ సమాచారాన్ని షేర్ చేసింది. త్వరలోనే ఈ హ్యాండ్సెట్ ని లాంచ్ చేయనున్నట్లు తెలిపింది. Tecno Pova Neo 3 డివైజ్ స్పెసిఫికేషన్స్ ని కూడా టెక్నో పంచుకుంది. 7000 ఎంఏహెచ్ భారీ బ్యాటరీతో Tecno Pova Neo 3 వస్తోంది. సరే, ఓసారి పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Say Hello and meet our new POVA NEO 3, which proves to be a powerhouse with its #7000mAh Mega Battery. ?#POVANEO3 #LightUpYourPower pic.twitter.com/JsFe45UPKa
— tecnomobile (@tecnomobile) July 13, 2023
Tecno Pova Neo 3 స్పెసిఫికేషన్స్
- బ్యాటరీ: Tecno Pova Neo 3 స్మార్ట్ ఫోన్ 7000 ఎంఏహెచ్ బ్యాటరీతో వస్తోంది. ఈ ఫోన్ కి ప్రధాన బలం బ్యాటరీయేనని చెప్పాలి. భారీ బ్యాటరీ పట్ల కొనుగోలుదారులు మొగ్గు చూపే అవకాశం ఉంది. ఫాస్ట్ చార్జింగ్ ఫీచర్ ని కూడా ఈ ఫోన్ లో అందించనున్నారు. అయితే బ్యాటరీ కెపాసిటీని కంపెనీ ఇంకా రివీల్ చేయలేదు.
- ప్రాసెసర్: Tecno Pova Neo 3 స్మార్ట్ ఫోన్ లో మీడియాటెక్ హీలియో జీ85 చిప్సెట్ వాడనున్నట్లు సమాచారం. ఇదొక ఆక్టా-కోర్ ప్రాసెసర్.
- ర్యామ్, స్టోరేజీ: Tecno Pova Neo 3 డివైజ్ 8జిబి ర్యామ్, 128జిబి స్టోరేజీతో లాంచ్ అయ్యే అవకాశం ఉంది. ఈ వివరాలను కంపెనీ ఇంకా వెల్లడించలేదు. అయితే, ఈ ఫోన్ వర్చువల్ ర్యామ్ సపోర్ట్ తో వస్తుందని భావిస్తున్నారు.
- కెమెరా: Tecno Pova Neo 3 స్మార్ట్ ఫోన్ లో డ్యూయల్ రియర్ కెమెరా ఉంటుంది. కెమెరా సెటప్ బ్యాక్ ప్యానెల్ పై టాప్ రైట్ కార్నర్ లో ఉంటుంది. వర్టికల్ గా సెన్సర్స్ ఉంటాయి. ఈ ఫోన్ లో డ్యూయల్ ఎల్ఈడీ ఫ్లాష్ ఉన్నాయి.
- డిస్ప్లే: Tecno Pova Neo 3 స్మార్ట్ ఫోన్ పంచ్-హోల్ డిస్ప్లే తో రానుంది. ఇందులో సెల్ఫీ కెమెరా ఉంటుంది. పంచ్ హోల్ స్క్రీన్ కి టాప్ లో కుడివైపున ఉంటుంది. ఇక స్క్రీన్ కి మూడు వైపులా బెజెల్స్ లేవు. బాటమ్ లో మందపాటి చిన్ ఉంది. ఈ ఫోన్ రౌండెడ్ ఎడ్జ్ డిస్ప్లేని కలిగి ఉంది.
Tecno Pova Neo 3 ధర (అంచనా)
Tecno Pova Neo 3 స్మార్ట్ ఫోన్ లాంచ్ తేదీ, ధర వివరాలను కంపెనీ ఇంకా వెల్లడించలేదు. ప్రాసెసర్ వివరాలు తెలిసాక, ఈ హ్యాండ్సెట్ 4జీ కనెక్టివిటీతో వస్తోందని క్లారిటీ వచ్చింది. అలాగే ఈ ఫోన్ ధర కూడా తక్కువ బడ్జెట్ లోనే ఉంటుందని అంచనా వేయవచ్చు. అఫీషియల్ స్పెసిఫికేషన్స్ ని బట్టి, Tecno Pova Neo 3 ధర రూ.11,000 నుంచి 13,000 మధ్య ఉంటుందని చెప్పవచ్చు. అయితే, కచ్చితమైన ధర వివరాల కోసం కంపెనీ నుంచి రాబోవు తదుపరి ప్రకటన కోసం వేచి చూడాల్సిందే.