హైలైట్స్:
- భారత మార్కెట్ లో తన 5జీ పోర్ట్ఫోలియోని పెంచుకుంటోన్న TECNO బ్రాండ్
- 6000ఎంఏహెచ్ బ్యాటరీ, 50ఎంపి కెమెరా, 120హెర్ట్జ్ రిఫ్రెష్ రేట్ తో లాంచ్ అయిన టెక్నో పోవా నియో 5జీ స్మార్ట్ ఫోన్
- భారత్ లో Tecno Pova Neo 5G ధర రూ.15,499
నేడు భారత మార్కెట్ లో టెక్నో కంపెనీ కొత్త స్మార్ట్ ఫోన్ Tecno Pova Neo 5G ని లాంచ్ చేసింది. 6000ఎంఏహెచ్ బ్యాటరీ, 50ఎంపి కెమెరా, 120హెర్ట్జ్ రిఫ్రెష్ రేట్, మీడియాటెక్ డైమెన్సిటీ 810 చిప్సెట్ వంటి సూపర్బ్ స్పెసిఫికేషన్స్ ని Tecno Pova Neo 5G కలిగి ఉంది. ఇక ఈ ఫోన్ ధర భారత మార్కెట్ లో రూ.15,499 గా నిర్ణయించారు.
Tecno Pova Neo 5G స్పెసిఫికేషన్స్
ఇప్పుడు Tecno Pova Neo 5G ఫీచర్లు, స్పెసిఫికేషన్స్ గురించి తెలుసుకుందాం. ఈ టెక్నో ఫోన్ 6.8-ఇంచ్ ఫుల్ హెచ్డీ+ పంచ్-హోల్ డిస్ప్లే తో లాంచ్ అయ్యింది. ఇందులో 120 హెర్ట్జ్ రిఫ్రెష్ రేట్ ఉంది. అలాగే 240 హెర్ట్జ్ టచ్ శాంప్లింగ్ రేట్ ఈ ఫోన్ సొంతం. ఈ ఫోన్ స్క్రీన్ 393 పిక్సెల్స్ పర్ ఇంచ్ డెన్సిటీ, 500 నిట్స్ బ్రైట్నెస్ సపోర్ట్ కలిగి ఉంది.
ఆండ్రాయిడ్ 12 ఓఎస్ తో Tecno Pova Neo 5G లాంచ్ అయ్యింది. ఈ ఫోన్ HiOS 8.6 కస్టమ్ స్కిన్ ని కలిగి ఉంది. Tecno Pova Neo 5G లో మీడియాటెక్ డైమెన్సిటీ 810 చిప్సెట్, మాలి జీ57 జీపీయూ గ్రాఫిక్స్ ఉన్నాయి. 3జిబి వర్చువల్ ర్యామ్ సాయంతో ఈ ఫోన్ మొత్తంగా 7జిబి ర్యామ్ శక్తిని అందిపుచ్చుకుంటుంది.
Tecno Pova Neo 5G లో డ్యూయల్ రియర్ కెమెరా ఉంది. ఇందులో 50 మెగా పిక్సెల్ ప్రైమరీ సెన్సర్, ఏఐ సెన్సర్, ఎల్ఈడీ ఫ్లాష్ ఉన్నాయి. సెల్ఫీలు, వీడియో కాల్స్ కోసం ఇందులో ముందు వైపున 8 మెగా పిక్సెల్ కెమెరాను అమర్చారు.
Tecno Pova Neo 5G లో డ్యూయల్ సిమ్ ఆప్షన్ ఉంది. అలాగే ఇది 4జీ, 5జీ కనెక్టివిటీలను కలిగి ఉంది. భద్రత కోసం ఈ ఫోన్లో సైడ్-మౌంటెడ్ ఫింగర్ ప్రింట్ సెన్సర్ అందించారు. Tecno Pova Neo 5G లో 6000 ఎంఏహెచ్ బ్యాటరీ ఉంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
Tecno Pova Neo 5G ధర
Tecno Pova Neo 5G సింగిల్ వేరియంట్ మాత్రమే భారత్ లో లాంచ్ అయ్యింది. 4జిబి ర్యామ్ + 128జిబి స్టోరేజీ మోడల్ ధరను రూ.15,499 గా నిర్ణయించారు. టెక్నో కంపెనీ ఇతర వేరియంట్లను విడుదల చేస్తుందేమో చూడాలి. స్ప్రింట్ బ్లూ, సఫైర్ బ్లాక్ కలర్ ఆప్షన్స్ లో Tecno Pova Neo 5G ని కొనుగోలు చేయవచ్చు.
లేటెస్ట్ స్మార్ట్ ఫోన్, టెలీకామ్, టెక్నాలజీ, ఆటోమొబైల్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
