తక్కువ ధరలో ఎక్కువ ఫీచర్లు గల ఫోన్లను తీసుకొస్తూ యూజర్లలో Tecno సంస్థ మంచి పేరు సంపాదించింది. త్వరలో ఈ కంపెనీ నుంచి Tecno Spark 20 అనే స్మార్ట్ఫోన్ భారత్ లో లాంచ్ కానుందని సమాచారం. తాజాగా Tecno Spark 20 కి సంబంధించిన లాంచ్ సమాచారంతో పాటు డివైజ్ ధర మరియు కొన్ని ముఖ్యమైన ఫీచర్లు లీక్ అయ్యాయి. టైమ్స్ ఆఫ్ ఇండియా కథనం ద్వారా ఈ వివరాలు బయటకు వచ్చాయి. సరే, ఓసారి ఆ విశేషాలు తెలుసుకుందాం పదండి.
Tecno Spark 20 ఇండియా లాంచ్ వివరాలు (లీక్)
- ఇండస్ట్రీ వర్గాల నుంచి అందుతోన్న సమాచారం ప్రకారం, Tecno Spark 20 స్మార్ట్ఫోన్ భారత్ లో ఫిబ్రవరి 2024 లో లాంచ్ అవ్వనుందని తెలుస్తోంది.
- ఈ ఫోన్ 256జిబి వేరియంట్ ధర రూ.10,000 వద్ద ఉంటుందని అంచనా వేస్తున్నారు.
- అయితే ఇంకా కచ్చితమైన లాంచ్ తేదీ వెల్లడి కాలేదు. త్వరలోనే ప్రకటన వచ్చే అవకాశం ఉంది.
Tecno Spark 20 స్పెసిఫికేషన్స్ (అంచనా)
- స్క్రీన్: Tecno Spark 20 లో 6.56-ఇంచ్ హెచ్డీ+ డిస్ప్లే, 720*1612 పిక్సెల్స్ రెజుల్యూషన్, పంచ్-హోల్ కటౌట్, ఎల్సీడీ ప్యానెల్, 90 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Tecno Spark 20 డివైజ్ లో మీడియాటెక్ హీలియో జీ85 చిప్సెట్ ఉంటుంది.
- ర్యామ్, స్టోరేజీ: Tecno Spark 20 డివైజ్ 8జిబి ర్యామ్ తో Tecno వెబ్సైట్ లో లిస్ట్ అయ్యింది. ఇంకా ఈ ఫోన్ 8జిబి ఎక్స్టెండెడ్ ర్యామ్, 256జిబి స్టోరేజీని ఆఫర్ చేయనుంది. యూజర్ కి గరిష్టంగా 16జిబి వరకు ర్యామ్ పవర్ లభిస్తుంది.
- కెమెరా: Tecno Spark 20 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, ఏఐ సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా అందించారు. ఫ్రంట్ డ్యూయల్ ఫ్లాష్ ఇచ్చారు.
- బ్యాటరీ: Tecno Spark 20 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Tecno Spark 20 లో 4జీ, డ్యూయల్ సిమ్, బ్లూటూత్, వై-ఫై, డ్యూయల్ స్పీకర్స్, ఎఫ్ఎమ్, ఓటీజీ, ఐపీ53 ఉంటాయి.