చైనాకు చెందిన స్మార్ట్ఫోన్ తయారీదారు Tecno త్వరలో భారతీయ మార్కెట్ లో Tecno Spark 20C డివైజ్ ని లాంచ్ చేయనుంది. 91mobiles కి Tecno Spark 20C యొక్క లైవ్ ఇమేజెస్ రావడంతో ఈ ఫోన్ ఇండియా లాంచ్ సమీపిస్తుందనే విషయం స్పష్టమైంది. ఇక లైవ్ ఇమేజెస్ని గమనిస్తే, Tecno Spark 20C ఫోన్ లెదర్ బ్యాక్ ప్యానెల్ తో వస్తున్నట్లు తెలుస్తోంది. సరే, ఓసారి పూర్తి వివరాలను తెలుసుకుందాం పదండి.
Tecno Spark 20C లైవ్ ఇమేజ్ (లీక్)
- Tecno Spark 20C స్మార్ట్ఫోన్ లో బ్యాక్ ప్యానెల్ పై భారీ కెమెరా మాడ్యూల్ ఉంది.
- Tecno Spark 20C డివైజ్ డ్యూయల్ రియర్ కెమెరా సెటప్, ఒక ఎల్ఈడీ ఫ్లాష్ తో వస్తోంది. స్క్వేర్-షేప్డ్ మాడ్యూల్ లో కెమెరా సెన్సర్స్, ఫ్లాష్ ఉన్నాయి.
- కెమెరా మాడ్యూల్ గోల్డ్ కలర్ ఫినిషింగ్ కలిగి, డ్యూయల్-టోన్ డిజైన్ లాగా కనిపిస్తోంది.
- Tecno Spark 20C లో ఉన్న లెదర్ బ్యాక్ ప్యానెల్ ఫోన్ కి ప్రీమియమ్ లుక్ ఇస్తోంది. ఇక ఫోన్ ఫ్లాట్ బ్యాక్ ప్యానెల్, రౌండెడ్ ఎడ్జెస్, బాక్సీ ఛాసిస్ ని కలిగి ఉంది.
- Tecno Spark 20C లో వాల్యూమ్ మరియు పవర్ బటన్స్ కుడివైపున ఉన్నాయి. బ్యాక్ ప్యానెల్ పై కంపెనీ బ్రాండింగ్ ఉంది.
- అదిరిపోయే విషయం ఏంటంటే, టెక్నో సంస్థ ఈ ఫోన్ లో వాట్సాప్ కాల్ రికార్డింగ్ ఫీచర్ ని అందిస్తోంది. మరి ఇదెలా సాధ్యమో చూడాలి.
Tecno Spark 20C స్పెసిఫికేషన్స్ (అంచనా)
- డిస్ప్లే: Tecno Spark 20C లో 6.6-ఇంచ్ హెచ్డీ+ స్క్రీన్, పంచ్-హోల్ కటౌట్, 90 హెర్ట్జ్ రిఫ్రెష్ రేట్, 720*1612 పిక్సెల్స్ రెజుల్యూషన్ ఉంటాయి.
- ప్రాసెసర్: Tecno Spark 20C లో మీడియాటెక్ ప్రాసెసర్ ఉంటుంది. ఇది ఆక్టా-కోర్ చిప్సెట్.
- ర్యామ్, స్టోరేజీ: Tecno Spark 20C డివైజ్ 4జిబి/8జిబి ర్యామ్, 128జిబి స్టోరేజీ ఆప్షన్స్ లో లభిస్తుంది. ఈ ఫోన్ లో 8జిబి వరకు వర్చువల్ ర్యామ్ సపోర్ట్ ఉంటుంది.
- కెమెరా: Tecno Spark 20C లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, ఏఐ సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఉంటుంది.
- బ్యాటరీ: Tecno Spark 20C లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఈ డివైజ్ 18 వాట్ ఫాస్ట్ చార్జింగ్ సపోర్ట్ తో వస్తోంది.
- ఓఎస్: Tecno Spark 20C డివైజ్ ఆండ్రాయిడ్ 13 ఓఎస్ పై పని చేస్తుంది.
- కనెక్టివిటీ: Tecno Spark 20C లో డ్యూయల్ సిమ్, 4జీ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ ఉంటాయి.