చైనాకు చెందిన స్మార్ట్ఫోన్ తయారీదారు Tecno తాజాగా గ్లోబల్ మార్కెట్ లో ఒక చవక ఫోన్ లాంచ్ చేసింది. Tecno Spark Go 1 పేరుతో ఈ డివైజ్ మార్కెట్ లోకి ఎంట్రీ ఇచ్చింది. ఈ ఫోన్ లో 5000 ఎంఏహెచ్ బ్యాటరీ, యూనిఎస్ఓసీ టీ615 ప్రాసెసర్, 8జిబి వరకు ర్యామ్ పవర్ అందించారు. ఓసారి ఈ స్మార్ట్ఫోన్ ధర మరియు పూర్తి స్పెసిఫికేషన్స్ తెలుసుకుందాం.
Tecno Spark Go 1 ధర, కలర్స్
Tecno Spark Go 1 స్మార్ట్ఫోన్ కంపెనీ యొక్క అధికార వెబ్సైట్ పై లిస్ట్ అయ్యింది. ధర వివరాలు త్వరలోనే వెల్లడి కానున్నాయి. ధర తక్కువగానే ఉంటుందని భావిస్తున్నారు. ఇకపోతే, ఈ ఫోన్ స్టార్ ట్రెయిల్ బ్లాక్ మరియు గ్లిట్టరీ వైట్ కలర్స్ లో లభిస్తుంది.
Tecno Spark Go 1 స్పెసిఫికేషన్స్
డిస్ప్లే: Tecno Spark Go 1 లో 6.67-ఇంచ్ హెచ్డీ+ స్క్రీన్, ఐపీఎస్ ఎల్సీడీ ప్యానెల్, పంచ్-హోల్ కటౌట్, 120 హెర్ట్జ్ రిఫ్రెష్ రేట్ ఉన్నాయి.
ప్రాసెసర్: Tecno Spark Go 1 స్మార్ట్ఫోన్ లో యూనిఎస్ఓసీ టీ615 చిప్సెట్ వాడారు. బడ్జెట్ ప్రకారం, ఇది మంచి ప్రాసెసర్ అని చెప్పవచ్చు. మల్టీటాస్కింగ్, గేమింగ్ విషయాల్లో దీని పనితం బాగానే ఉంటుంది.
మెమొరీ: Tecno Spark Go 1 డివైజ్ 4జిబి ర్యామ్, 4జిబి వర్చువల్ ర్యామ్ మరియు 128జిబి వరకు స్టోరేజీ ఆప్షన్స్ లో లభిస్తుంది. వర్చువల్ ర్యామ్ ఫీచర్ తో యూజర్కి గరిష్టంగా 8జిబి ర్యామ్ పవర్ లభిస్తుంది.
కెమెరా: Tecno Spark Go 1 లో 13ఎంపి మెయిన్ కెమెరా, ఎల్ఈడీ ఫ్లాష్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఇచ్చారు.
బ్యాటరీ: Tecno Spark Go 1 లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Tecno Spark Go 1 లో డ్యూయల్ సిమ్, 4జీ, బ్లూటూత్, వై-ఫై, టైప్-సీ పోర్ట్ ఉన్నాయి.
ఇతర ఫీచర్లు: Tecno Spark Go 1 లో ఐపీ54 రేటింగ్, సైడ్ మౌంటెడ్ ఫింగర్ప్రింట్ స్కానర్ ఇచ్చారు. 4 ఏళ్ళ పాటు ఈ ఫోన్ అల్టిమేట్ స్మూథ్ పెర్ఫామెన్స్ ఇస్తుందని కంపెనీ చెబుతోంది.
