ప్రముఖ స్మార్ట్ఫోన్ బ్రాండ్ Vivo జీ-సిరీస్ స్మార్ట్ఫోన్ పై పని చేస్తున్నట్లు తెలుస్తోంది. వివో నుంచి రాబోయే కొత్త జీ-సిరీస్ ఫోన్ పేరుని Vivo G2 గా నిర్ణయించినట్లు సమాచారం. అయితే వివో నుంచి దీనికి సంబంధించి ఇంకా అధికార ప్రకటన బయటకు రాలేదు. త్వరలోనే వివో నుంచి ఈ కొత్త సిరీస్ ప్రకటన రానుంది. ఇక తాజాగా Vivo G2 డివైజ్ గూగుల్ ప్లే కన్సోల్ వెబ్సైట్ పై లిస్ట్ అయ్యింది. దీంతో స్పెసిఫికేషన్స్, రెండర్స్ రివీల్ అయ్యాయి. ఆ విశేషాలు తెలుసుకుందాం పదండి.
Vivo G2 గూగుల్ ప్లే కన్సోల్ లిస్టింగ్
- Vivo G2 స్మార్ట్ఫోన్ గూగుల్ ప్లే కన్సోల్ వెబ్సైట్ పై PD2318 అనే మోడల్ నంబర్ తో లిస్ట్ అయ్యింది.
- Vivo G2 అనే పేరు కూడా గూగుల్ ప్లే కన్సోల్ లిస్టింగ్ లో స్పష్టంగా కనిపిస్తోంది.
- Vivo G2 రెండర్ ఇమేజ్ ద్వారా ఈ డివైజ్ పంచ్ హోల్ కటౌట్ తో వస్తున్నట్లు తెలుస్తోంది.
- Vivo G2 లో బ్యాక్ ప్యానెల్ పై స్క్వేర్ షేప్డ్ కెమెరా మాడ్యూల్ ఉంది. ఇందులో రెండు కెమెరా సెన్సర్స్ ఉన్నాయి.
- Vivo G2 డివైజ్ యొక్క బ్లూ కలర్ ఆప్షన్ రెండర్ ఇమేజ్ ద్వారా రివీల్ అయ్యింది.
Vivo G2 స్పెసిఫికేషన్స్ (గూగుల్ ప్లే కన్సోల్ లిస్టింగ్)
- డిస్ప్లే: Vivo G2 లో 720*1612 పిక్సెల్స్ రెజుల్యూషన్, 320 డీపీఐ డెన్సిటీ ఉన్నాయి.
- ప్రాసెసర్: Vivo G2 డివైజ్ మీడియాటెక్ ఎమ్టీ833 చిప్సెట్ తో గూగుల్ ప్లే కన్సోల్ పై లిస్ట్ అయ్యింది. ఇది 2.2 గిగాహెర్ట్జ్ క్లాక్ స్పీడ్ కలిగి ఉంది. ఈ ఫోన్ లో మీడియాటెక్ డైమెన్సిటీ 700 చిప్సెట్, మాలి జీ57 జీపీయూ ఉండే అవకాశం ఉంది.
- ర్యామ్: Vivo G2 డివైజ్ 6జిబి ర్యామ్ తో వస్తున్నట్లు లిస్టింగ్ ద్వారా రివీల్ అయ్యింది.
- ఓఎస్: Vivo G2 డివైజ్ ఆండ్రాయిడ్ 13 ఓఎస్ తో వస్తున్నట్లు తెలుస్తోంది.
- కెమెరా: Vivo G2 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా ఉండవచ్చు.
- బ్యాటరీ: Vivo G2 బ్యాటరీ కెపాసిటీ వివరాలు లిస్టింగ్ ద్వారా వెల్లడి కాలేదు. అయితే, ఈ ఫోన్ 5,000 ఎంఏహెచ్ బ్యాటరీ, ఫాస్ట్ చార్జింగ్ సపోర్ట్ తో వస్తుందని అంచనా వేయవచ్చు.