హైలైట్స్
- స్నాప్ డ్రాగన్ 870 చిప్సెట్ తో చైనాలో లాంచైన Vivo S16 5G స్మార్ట్ ఫోన్
- 50ఎంపి ఫ్రంట్ కెమెరా, 64ఎంపి రియర్ కెమెరాతో లాంచైన ఫోన్
- ముందు వెనక ఎల్ఈడీ ఫ్లాష్ లైట్ తో వచ్చిన Vivo S16 5G
ప్రముఖ స్మార్ట్ ఫోన్ బ్రాండ్ వివో తన ఎస్-సిరీస్ ఫోన్లను చైనాలో లాంచ్ చేసింది. ఈ సిరీస్ లో Vivo S16, Vivo S16 Pro, Vivo S16e ఫోన్లు మార్కెట్ లోకి వచ్చాయి. ప్రస్తుతం చైనా మార్కెట్ కే పరిమితమైన ఈ ఫోన్లు త్వరలోనే భారత్ తో సహా గ్లోబల్ మార్కెట్స్ లో కూడా లాంచ్ కాబోతున్నాయి. ప్రస్తుతం మనం Vivo S16 5G యొక్క స్పెసిఫికేషన్స్, ధర ఇతర వివరాలు తెలుసుకుందాం పదండి.
Vivo S16 5G స్పెసిఫికేషన్స్
Vivo S16 5G స్మార్ట్ ఫోన్ 20:9 యాస్పెక్ట్ రేషియోతో లాంచైంది. ఇది 6.78-ఇంచ్ ఫుల్ హెచ్డీ+ డిస్ప్లే, 2400*1080 పిక్సెల్ రెజుల్యూషన్ కల్గి ఉంది. పంచ్-హోల్ స్టైల్ అమోలెడ్ ప్యానెల్, 120 హెర్ట్జ్ రిఫ్రెష్ రేట్ ఈ ఫోన్ లో ఉన్నాయి. Vivo S16 5G స్మార్ట్ ఫోన్ లో ఇన్-డిస్ప్లే ఫింగర్ ప్రింట్ స్కానర్ ఉంటుంది. హెచ్డీఆర్10+ సపోర్ట్ తో ఈ ఫోన్ వచ్చింది.
Vivo S16 5G ఆండ్రాయిడ్ 12 ఓఎస్ తో లాంచైంది. ఒరిజిన్ఓఎస్ 3 కస్టమ్ స్కిన్ పై ఫోన్ పని చేస్తుంది. క్వాల్కమ్ స్నాప్ డ్రాగన్ 870 చిప్సెట్ ని ఈ ఫోన్ లో వాడారు. ఇది 3.2 గిగాహెర్ట్జ్ కలిగిన ఆక్టా-కోర్ ప్రాసెసర్. ఈ చిప్ 7 నానోమీటర్ ఫాబ్రికేషన్ పై తయారైంది. గ్రాఫిక్స్ కోసం ఈ ఫోన్ లో అడ్రెనో 650 జీపీయూ వాడారు. ఈ ఫోన్ ఎల్పీడీడీఆర్4ఎక్స్ ర్యామ్, యూఎఫ్ఎస్ 3.1 స్టోరేజీతో లాంచైంది.
ఈ ఫోన్ యొక్క కెమెరా విభాగం గురించి తెలుసుకుందాం. Vivo S16 5G లో ట్రిపుల్ రియర్ కెమెరా సెటప్ ఉంది. ఇందులో 64ఎంపి ప్రైమరీ సెన్సర్, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో లెన్స్ ఉంటాయి. సెల్ఫీలు, వీడియో కాల్స్ కోసం ఈ ఫోన్ లో 50 ఎంపి భారీ ఫ్రంట్ కెమెరా అందించారు. ఈ కెమెరాతో పాటు డ్యూయల్ ఎల్ఈడీ ఫ్లాష్ కూడా ఉంటుంది.
Vivo S16 5G డ్యూయల్ సిమ్, 5జీ, ఎస్ఏ/ఎన్ఎస్ఏ, డ్యూయల్ 4జీ వొల్టీ తో వచ్చింది. బ్లూటూత్, వై-ఫై, ఎన్ఎఫ్సీ, జీపీఎస్ వంటి ఇతర బేసిక్ కనెక్టివిటీ ఆప్షన్స్ ఈ ఫోన్ లో ఉన్నాయి. 3.5ఎంఎం ఆడియో జాక్ కూడా ఈ ఫోన్ లో ఉంది. పవర్ బ్యాకప్ కోసం Vivo S16 5G లో 4600 ఎంఏహెచ్ బ్యాటరీ ఉంటుంది. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది.
Vivo S16 5G ధర, వేరియంట్స్
Vivo S16 5G స్మార్ట్ ఫోన్ చైనాలో 4 వేరియంట్లలో లాంచైంది. అవి: 8జిబి ర్యామ్ + 128జిబి స్టోరేజీ, 8జిబి ర్యామ్ + 256జిబి స్టోరేజీ, 12జిబి ర్యామ్ + 256జిబి స్టోరేజీ, 12జిబి ర్యామ్ + 512జిబి స్టోరేజీ. ఈ ఫోన్ బ్లాక్, గ్రీన్, గ్రేడియంట్ కలర్ ఆప్షన్స్ లో లభిస్తుంది. ఈ ఫోన్ యొక్క ధరలు ఏ విధంగా ఉంటాయో ఇక్కడ చూద్దాం.
- Vivo S16 5G 8జిబి+128జిబి వేరియంట్ ధర: 2499 యువాన్లు (సుమారు రూ.29,500).
- Vivo S16 5G 8జిబి+256జిబి వేరియంట్ ధర: 2699 యువాన్లు (సుమారు రూ.32,000).
- Vivo S16 5G 12జిబి+256జిబి వేరియంట్ ధర: 2999 యువాన్లు (సుమారు రూ.35,500.
- Vivo S16 5G 12జిబి+512జిబి వేరియంట్ ధర: 3299 యువాన్లు (సుమారు రూ.39,000).
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.