హైలైట్స్
- చైనాలో లాంచైన Vivo S16e 5జీ స్మార్ట్ ఫోన్
- శాంసంగ్ ఎగ్జినోస్ 1080 చిప్సెట్ తో లాంచైన Vivo S16e
- 50ఎంపి కెమెరా, 66 వాట్ ఫాస్ట్ చార్జింగ్ తో వచ్చిన Vivo S16e
ప్రముఖ చైనీస్ స్మార్ట్ ఫోన్ బ్రాండ్ వివో చైనాలో ఎస్-సిరీస్ ఫోన్లను లాంచ్ చేసింది. ఇందులో మొత్తం మూడు మోడల్స్ ఉన్నాయి. అవి: Vivo S16, Vivo S16 Pro, Vivo S16e. ఈ మూడు ఫోన్లు కూడా 5జీ కనెక్టివిటీతో వచ్చాయి. ఇప్పుడు మనం Vivo S16e స్మార్ట్ ఫోన్ గురించి తెలుసుకుందాం. ఈ ఫోన్లు భారత్ లో Vivo V27 సిరీస్ గా లాంచ్ కానున్నాయి.
Vivo S16e శాంసంగ్ ఎగ్జినోస్ 1080 చిప్సెట్, 50ఎంపి ట్రిపుల్ రియర్ కెమెరా సెటప్, 66 వాట్ ఫాస్ట్ చార్జింగ్ తో లాంచైంది. Vivo S16e యొక్క పూర్తి స్పెసిఫికేషన్స్, ధర ఇతర వివరాలను తెలుసుకుందాం పదండి.
Vivo S16e స్పెసిఫికేషన్స్
Vivo S16e స్మార్ట్ ఫోన్ 6.62-ఇంచ్ ఫుల్ హెచ్డీ+ డిస్ప్లే, 2400*1080 పిక్సెల్ రెజుల్యూషన్, అమోలెడ్ ప్యానెల్, 120 హెర్ట్జ్ రిఫ్రెష్ రేట్ తో లాంచైంది. 20:9 యాస్పెక్ట్ రేషియోని ఈ డిస్ప్లే కలిగి ఉంది. భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ అందించారు.
శాంసంగ్ ఎగ్జినోస్ 1080 చిప్సెట్ ని ఈ ఫోన్ లో వాడారు. ఇది 5 నానోమీటర్ ఫ్యాబ్రకేషన్ పై తయారైన 2.2 గిగాహెర్ట్జ్ క్లాక్ స్పీడ్ కల్గిన ప్రాసెసర్. గ్రాఫిక్స్ కోసం ఇందులో మాలి జీ78 జీపీయూ ఉపయోగించారు. ఎల్పీడీడీఆర్4ఎక్స్ ర్యామ్, యూఎఫ్ఎస్ 3.1 స్టోరేజీ టెక్నాలజీని ఈ ఫోన్ లో అందించారు. Vivo S16e డివైజ్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 3 కస్టమ్ స్కిన్ పై పని చేస్తుంది.
Vivo S16e ట్రిపుల్ రియర్ కెమెరా సెటప్ ని కలిగి ఉంటుంది. ఇందులో 50ఎంపి ప్రైమరీ కెమెరా, 2ఎంపి డెప్త్ సెన్సర్, 2ఎంపి మ్యాక్రో లెన్స్ ఉంటాయి. సెల్ఫీలు, వీడియో కాల్స్ కోసం ఇందులో 16 మెగా పిక్సెల్ కెమెరా అందించారు.
డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి అన్ని బేసిక్ కనెక్టివిటీ ఫీచర్లు ఈ ఫోన్ లో ఉన్నాయి. పవర్ బ్యాకప్ కోసం 4600 ఎంఏహెచ్ బ్యాటరీ ఉంటుంది. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ బరువు 187 గ్రాములు.
Vivo S16e ధర, కలర్ ఆప్షన్స్
Vivo S16e స్మార్ట్ ఫోన్ చైనాలో మూడు వేరియంట్స్ లో లాంచైంది. అవి: 8జిబి/12జిబి ర్యామ్, 128జిబి/256జిబి స్టోరేజీ.
8జిబి + 128జిబి వేరియంట్ ధర 2099 యువాన్లు (సుమారు రూ.24,800).
8జిబి + 256జిబి వేరియంట్ ధర 2299 యువాన్లు (సుమారు రూ.27,000.
12జిబి + 256జిబి వేరియంట్ ధర 2499 యువాన్లు (సుమారు రూ.29,500).
Vivo S16e స్మార్ట్ ఫోన్ బ్లాక్, పర్పుల్ మరియు గ్రీన్ కలర్ ఆప్షన్స్ లో లభిస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.