Vivo S17 సిరీస్ త్వరలో చైనాలో లాంచ్ కానుందని అంచనా వేస్తున్నారు. ఈ సిరీస్ గ్లోబల్ మార్కెట్స్ లో Vivo V29 బ్రాండింగ్ తో లాంచ్ అయ్యే అవకాశం ఉంది. అయితే లాంచ్ కి ముందే Vivo S17 Pro కి సంబంధించిన కొన్ని ముఖ్యమైన విషయాలు నెట్టింట్లో ప్రత్యక్షమయ్యాయి. ప్రముఖ లీక్స్టర్ డిజిటల్ చాట్ స్టేషన్ చైనీస్ సామాజిక మాధ్యమం వీబో పైన ఈ ఫోన్ విషయాలను పంచుకున్నారు.
డిజిటల్ చాట్ స్టేషన్ లీక్ చేసిన సమాచారాన్ని బట్టి, Vivo S17 Pro డివైజ్ ట్రిపుల్ రియర్ కెమెరా సెటప్ తో రానుందని తెలుస్తోంది. సరే, ఓసారి Vivo S17 Pro యొక్క లీకైన వివరాలను తెలుసుకుందాం పదండి.
Vivo S17 Pro కెమెరా వివరాలు
డిజిటల్ చాట్ స్టేషన్ ప్రకారం, Vivo S17 Pro డివైజ్ ట్రిపుల్ రియర్ కెమెరా సెటప్ తో వస్తున్నట్లు తెలుస్తోంది. ఇందులో 50ఎంపి ప్రైమరీ ఓఐఎస్ కెమెరా ఉంటుందని సమాచారం. దీనిలో వివో సోని ఐఎంఎక్స్766వి సెన్సర్ వాడనుందని టాక్. ఇకపోతే మెయిన్ సెన్సర్ తో పాటు ఒక 8ఎంపి అల్ట్రావైడ్ యాంగిల్ లెన్స్, మరొక 12ఎంపి సోని ఐంఎంఎక్స్663 పొట్రెయిట్ టెలీఫోటో కెమెరా ఉంటాయని సమాచారం. ఒకసారి వివో ఎస్17 ప్రో స్పెసిఫికేషన్స్ ఎలా ఉండనున్నాయో తెలుసుకుందాం పదండి.
Vivo S17 Pro స్పెసిఫికేషన్స్
ఇటీవలె ఒక రిపోర్ట్ లో Vivo V29 Pro స్పెసిఫికేషన్స్ రివీల్ అయ్యాయి. ఒకవేళ ఈ హ్యాండ్సెట్ Vivo S17 Pro కి రీబ్రాండ్ అని అనుకుంటే, స్పెసిఫికేషన్స్ కూడా ఒకే విధంగా ఉండే అవకాశం ఉంది. దాని ప్రకారం లీకైన వివరాలను ఇక్కడ చూద్దాం.
డిస్ప్లే: Vivo S17 Pro స్మార్ట్ ఫోన్ లో 6.7-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, ఇన్-డిస్ప్లే ఫింగర్ ప్రింట్ స్కానర్ ఉంటాయి. ఈ హ్యాండ్సెట్ లో 1.5కే రెజుల్యూషన్ ఉండనుంది.
చిప్సెట్: Vivo V29 Pro (Vivo S17 Pro) డివైజ్ మీడియాటెక్ డైమెన్సిటీ 8200 ప్రాసెసర్, 12జిబి ర్యామ్, 256జిబి స్టోరేజీ తో వచ్చే అవకాశం ఉంది. చైనాలో మాత్రం 16జిబి ర్యామ్ వేరియంట్ కూడా ఉండవచ్చు.
ఓఎస్: వివో స్మార్ట్ ఫోన్ ఆండ్రాయిడ్ 13 ఓఎస్ తో వస్తోంది.
ఫ్రంట్ కెమెరా: ఈ డివైజ్ లో సెల్ఫీస్, వీడియో కాల్స్ కోసం 64ఎంపి ఫ్రంట్ కెమెరా ఉంటుందని సమాచారం.
ఫాస్ట్ చార్జింగ్: Vivo S17 Pro డివైజ్ 80 వాట్ ఫాస్ట్ చార్జింగ్ సపోర్ట్ తో రానుందని అంచనా.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.