వివో సంస్థ కొన్ని రోజుల క్రితం చైనాలో Vivo S16 సిరీస్ ని లాంచ్ చేసింది. భారత్ లో ఈ సిరీస్ ని Vivo V27 సిరీస్ పేరుతో తీసుకొచ్చారు. ఇప్పుడు కంపెనీ నుంచి Vivo S17 సిరీస్ రానున్నట్లు సమాచారం. Tech Outlook వెబ్ సైట్ కథనం ప్రకారం, Vivo S17 సిరీస్ లో మొత్తం మూడు ఫోన్లు లాంచ్ కానున్నాయి. అవి: Vivo S17, Vivo S17e, Vivo S17 Pro. సరే, తాజాగా లీకైన Vivo S17 సిరీస్ స్పెసిఫికేషన్స్ ఎలా ఉన్నాయో తెలుసుకుందాం పదండి.
లీకైన Vivo S17 సిరీస్ లాంచ్ టైమ్ లైన్, స్పెసిఫికేషన్స్
Vivo S17 సిరీస్ మిడ్-రేంజ్ కొనుగోలుదారులని టార్గెట్ చేస్తూ తీసుకొస్తున్నారు. తొలుత ఈ సిరీస్ చైనాలో లాంచ్ కానుంది. తర్వాత భారత్ తో పాటు ఇతర మార్కెట్స్ లో వేరే పేరుతో లాంచ్ అయ్యే అవకాశం ఉంది. ఇకపోతే టెక్ ఔట్లుక్ ప్రకారం, S17, S17 Pro, S17e డివైజెస్ వరుసగా V2283A, V2284A, V2285A అనే మోడల్ నంబర్లను కలిగి ఉన్నాయి. ఈ లైనప్ లోని కొన్ని మోడల్స్ ని చైనాకి బయట ఇతర మార్కెట్స్ లో Vivo V29 సిరీస్ పేరుతో లాంచ్ చేయనున్నట్లు సమాచారం. రిపోర్ట్ ద్వారా Vivo S17 సిరీస్ యొక్క ప్రధాన స్పెసిఫికేషన్స్, ఫీచర్లు కూడా రివీల్ అయ్యాయి.
Vivo S17 సిరీస్ సూపర్ అమోలెడ్ డిస్ప్లే తో రానున్నట్లు సమాచారం. అలాగే 3 మోడల్స్ కర్వ్డ్-ఎడ్జ్ డిస్ప్లే ని కలిగి ఉంటాయని తెలుస్తోంది. అంతేకాదండోయ్, ఈ ఫోన్లు కలర్ చేంజింగ్ టెక్నాలజీతో వస్తున్నట్లు సమాచారం. Vivo S17 సిరీస్ 256జిబి వరకు స్టోరేజీని ఆఫర్ చేయనుంది.
Vivo S17 హ్యాండ్సెట్ 8జిబి ర్యామ్, 128జిబి స్టోరేజీ, 8జిబి + 256జిబి, 12జిబి + 256జిబి వేరియంట్స్ లో లభించనుంది. అంతేకాదు, Vivo S17 Pro లైనప్ 16జిబి వరకు ర్యామ్ ని ఆఫర్ చేయనుంది. ఇంకా ఈ ఫోన్ ఆప్టికల్ ఇమేజ్ స్టెబిలైజేషన్ తో రానున్నట్లు సమాచారం. ఇప్పటికైతే, కెమెరా సెన్సర్స్ కి సంబంధించిన సమాచారం తెలియదు.
2023 మూడో త్రైమాసికంలో Vivo S17 సిరీస్ లాంచ్ కానుందని అంచనా వేస్తున్నారు. దీనర్థం, జులై మరియు సెప్టెంబర్ మధ్యలో చైనాలో ఈ ఫోన్లు లాంచ్ కానున్నాయి. ఇక భారత్ లో ఇదే సిరీస్ Vivo V29 సిరీస్ గా వచ్చేందుకు సమయం పట్టనుంది. అయితే వివో కంపెనీ నుంచి దీనికి సంబంధించిన అధికార ప్రకటన రావాల్సి ఉంది. అప్పటివరకు ఏ విషయం కచ్చితంగా చెప్పలేం.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.