ప్రముఖ స్మార్ట్ఫోన్ బ్రాండ్ Vivo త్వరలో S18 సిరీస్ ని లాంచ్ చేయనుంది. ఈ లైనప్ లో Vivo S18, Vivo S18e, Vivo S18 Pro డివైజెస్ లాంచ్ కానున్నాయి. డిసెంబర్ 18 న ఈ సిరీస్ చైనాలో లాంచ్ కానుంది. Vivo S18 సిరీస్ లాంచ్ కి ఇంకా ఒక వారం రోజుల సమయం ఉంది. ఈలోపు Vivo S18 లైనప్ లోని డివైజెస్ యొక్క చిప్సెట్ వివరాలు రివీల్ అయ్యాయి. సరే, ఓసారి ఆ విశేషాలను తెలుసుకుందాం పదండి.
Vivo S18 సిరీస్ చిప్సెట్ వివరాలు
Vivo S18 సిరీస్ లో 3 ఫోన్లు లాంచ్ కానున్నాయి. అవి: Vivo S18, Vivo S18e, Vivo S18 Pro. వీటిలో ప్రో వేరియంట్ Vivo S18 Pro మీడియాటెక్ డైమెన్సిటీ 9200+ చిప్సెట్ తో వస్తోంది. స్టాండర్డ్ వేరియంట్ Vivo S18 క్వాల్కమ్ స్నాప్ డ్రాగన్ 7 జెన్ 3 చిప్సెట్ తో వస్తున్నట్లు ఖరారైంది. Vivo S18e మీడియాటెక్ డైమెన్సిటీ 7200 ప్రాసెసర్ తో రానుంది.
Vivo S18, Vivo S18 Pro స్పెసిఫికేషన్స్
- డిస్ప్లే: Vivo S18 మరియు Vivo S18 Pro డివైజెస్ లో కర్వ్డ్ ఓఎల్ఈడీ ప్యానెల్స్, 120 హెర్ట్జ్ రిఫ్రెష్ రేట్ ఉంటాయి.
- చిప్సెట్: Vivo S18 లో క్వాల్కమ్ స్నాప్ డ్రాగన్ 7 జెన్ 3 ప్రాసెసర్ ఉంటుంది.
మరోవైపు Vivo S18 Pro లో మీడియాటెక్ డైమెన్సిటీ 9200+ చిప్సెట్ ఉంటుంది. - చార్జింగ్: Vivo S18 డివైజ్ 80 వాట్ ఫాస్ట్ చార్జింగ్ సపోర్ట్ తో వస్తోంది. మరోవైపు Vivo S18 Pro 100 వాట్ ఫాస్ట్ చార్జింగ్ సపోర్ట్ తో రానున్నట్లు సమాచారం.
- కెమెరా: Vivo S18 Pro లో 50ఎంపి వీసీఎస్ సోని ఐఎంఎక్స్920 ప్రైమరీ ఓఐఎస్ లెన్స్, 50ఎంపి శాంసంగ్ జెఎన్1 అల్ట్రావైడ్ లెన్స్ ఉంటాయి. Vivo X90S లో ఉన్నటువంటి టెలీఫోటో లెన్స్ Vivo S18 Pro లో ఉంటుందని సమాచారం. ఇంకా ఈ ఫోన్ లో 12ఎంపి సోని ఐఎంఎక్స్663 2x లెన్స్ ఉంటుంది. వీసీఎస్, పొట్రెయిట్ ఆల్గారిథమ్స్ తో పాటు ఫోటోగ్రఫీని మెరుగుపరిచేందుకు Vivo X100 సిరీస్ స్మార్ట్ఫోన్లలో ఉపయోగించిన బ్లూ హార్ట్ ఏఐ మోడల్ ని Vivo S18 Pro లో అందిస్తున్నారు.