ప్రముఖ స్మార్ట్‌ఫోన్ బ్రాండ్ Vivo నుంచి త్వరలో S19 సిరీస్ లాంచ్ కానుంది. తొలుత ఈ సిరీస్ చైనాలో ఎంట్రీ ఇవ్వనుంది. ఈ లైనప్ లో Vivo S19, Vivo S19 Pro మరియు Vivo S19e స్మార్ట్‌ఫోన్లు వచ్చే అవకాశం ఉంది. అయితే ఇంకా దీనికి సంబంధించి వివో నుంచి ఇంకా అధికార ప్రకటన రాలేదు. తాజాగా Vivo S19 Pro మోడల్ గీక్‌బెంచ్ పై లిస్ట్ అయ్యింది. దీంతో ప్రధాన స్పెసిఫికేషన్స్ రివీల్ అయ్యాయి. ఓసారి ఆ వివరాలు తెలుసుకుందాం పదండి.
Vivo S19 Pro గీక్‌బెంచ్ లిస్టింగ్
Vivo S19 Pro స్మార్ట్‌ఫోన్‌ని గీక్‌బెంచ్ డేటాబేస్ పై తొలుత MySmartPrice వెబ్‌సైట్ గుర్తించింది. Vivo S19 Pro ఫోన్ గీక్‌బెంచ్ పై V2362A అనే మోడల్ నంబర్ తో లిస్ట్ అయ్యింది.
Geekbench పై Vivo S19 Pro సింగిల్-కోర్ టెస్ట్ లో 1567 పాయింట్లు, మల్టీ-కోర్ టెస్ట్ లో 5019 పాయింట్లు స్కోర్ చేసింది.
గీక్‌బెంచ్ లిస్టింగ్ ద్వారా 3.35GHz హయ్యస్ట్ క్లాక్ స్పీడ్ గల చిప్సెట్, మాలి-జీ715 ఇమ్మోర్టాలిస్ ఎంసీ11 జీపీయూ రివీల్ అయ్యాయి.
Vivo S19 Pro డివైజ్ మీడియాటెక్ డైమెన్సిటీ 9200+ ప్రాసెసర్, 8జిబి ర్యామ్ తో రానున్నట్లు అంచనా వేస్తున్నారు.
Vivo S19 Pro స్మార్ట్‌ఫోన్ ఆండ్రాయిడ్ 14 ఓఎస్ ఆధారిత ఒరిజిన్ఓఎస్ కస్టమ్ స్కిన్ తో లాంచ్ కానుంది. ఈ విషయాలు తప్పా, మరే ఇతర వివరాలు గీక్‌బెంచ్ ద్వారా రివీల్ కాలేదు.
Vivo S19 Pro డివైజ్ ఇటీవలె 3సీ సర్టిఫికేషన్ డేటాబేస్ పై లిస్ట్ అయ్యింది. దీని ద్వారా 80 వాట్ ఫాస్ట్ చార్జింగ్ టెక్నాలజీ రివీల్ అయ్యింది.
రానున్న రోజుల్లో Vivo S19 Pro కి సంబంధించిన మరింత సమాచారం బయటకు వచ్చే అవకాశం ఉంది.
Vivo S18 Pro స్పెసిఫికేషన్స్
డిస్ప్లే: Vivo S18 Pro లో 6.78-ఇంచ్ కర్వ్డ్ అమోలెడ్ డిస్ప్లే, 2800*1260 పిక్సెల్స్ రెజుల్యూషన్, 20:9 యాస్పెక్ట్ రేషియో, 120 హెర్ట్జ్ రిఫ్రెష్ రేట్, 2800 నిట్స్ పీక్ బ్రైట్నెస్ ఉన్నాయి.
ప్రాసెసర్: Vivo S18 Pro లో మీడియాటెక్ డైమెన్సిటీ 9200+ చిప్సెట్, మాలి-జీ715 ఇమ్మొర్టాలిస్ ఎంపీ11 జీపీయూ ఉన్నాయి.
ర్యామ్, స్టోరేజీ: Vivo S18 Pro డివైజ్ 12జిబి/16జిబి ఎల్పీడీడీఆర్5ఎక్స్ ర్యామ్, 512జిబి యూఎఫ్ఎస్ 3.1 స్టోరేజీ ఆప్షన్స్ లో లభిస్తుంది.
కెమెరా: Vivo S18 Pro లో 50ఎంపి సోని ఐఎంఎక్స్920 ఓఐఎస్ ప్రైమరీ కెమెరా, 50ఎంపి శాంసంగ్ జెఎన్1 అల్ట్రావైడ్ లెన్స్, 12ఎంపి సోని ఐఎంఎక్స్663 టెలీఫోటో 2ఎక్స్ లెన్స్ ఉన్నాయి. సెల్ఫీస్, వీడియో కాల్స్ కోసం 50ఎంపి ఫ్రంట్ కెమెరా ఉంది.
సాఫ్ట్‌వేర్: Vivo S18 Pro డివైజ్ ఆండ్రాయిడ్ 14 ఓఎస్ ఆధారిత ఒరిజిన్ ఓఎస్ 4 కస్టమ్ స్కిన్ పై పని చేస్తుంది.
కనెక్టివిటీ: Vivo S18 Pro లో డ్యూయల్ సిమ్, బ్లూటూత్ 5.3, వై-ఫై, ఎన్ఎఫ్‌సీ, జీపీఎస్ ఉన్నాయి.
సెక్యూరిటీ: Vivo S18 Pro లో భద్రత కోసం ఇన్-డిస్ప్లే ఫింగర్ ప్రింట్ స్కానర్ అందించారు.
