ప్రముఖ స్మార్ట్ఫోన్ బ్రాండ్ Vivo నుంచి త్వరలో S19 సిరీస్ లాంచ్ కానుంది. ఈ లైనప్ లో S19, S19 Pro అనే డివైజెస్ లాంచ్ కానున్నాయి. తాజాగా ఎస్19 సిరీస్ యొక్క పోస్టర్ లీక్ అయ్యింది. దీంతో డివైజెస్ యొక్క డిజైన్ రివీల్ అయ్యింది. సరికొత్త లుక్ తో ఈ సిరీస్ మార్కెట్ లోకి ఎంట్రీ ఇవ్వనున్నట్లు అర్థమవుతోంది. బ్యాక్ ప్యానెల్ పై కెమెరా మాడ్యూల్ డిజైన్ పూర్తిగా మారిపోయింది. ఓసారి ఎస్19 సిరీస్ పోస్టర్ విశేషాలు తెలుసుకుందాం పదండి.
Vivo S19 సిరీస్ పోస్టర్ (లీక్)
Vivo S19 సిరీస్ యొక్క పోస్టర్ నెట్టింట్లో ప్రత్యక్షమైంది. దీంతో ఈ లైనప్ డిజైన్ ఎలా ఉండనుందో తెలిసిపోయింది. ప్రధానమైన మార్పులతో ఈ సిరీస్ వస్తోంది. కెమెరా మాడ్యూల్ లుక్ పూర్తిగా మారిపోయింది.
టిప్స్టర్ classmate Wu Datou ఎస్19 సిరీస్ పోస్టర్ ని సోషల్ మీడియాలో షేర్ చేశారు. ఈ లీక్ ద్వారా అఫీషియల్ మార్కెటింగ్ పోస్టర్ మరియు స్పెసిఫికేషన్స్ రివీల్ అయ్యాయి.
Vivo S19 సిరీస్ బ్యాక్ ప్యానెల్ డిజైన్ గమనిస్తే, గత మోడల్ తో పోల్చితే కెమెరా మాడ్యూల్ విభిన్నంగా ఉంది. ఓవల్ షేప్ లో మాడ్యూల్ ఉంది.
పోస్టర్ లో Vivo S19 మరియు Vivo S19 Pro పేర్లు పేర్కొనబడి లేవు. కానీ, ఈ రెండు ఫోన్లు ఇదే డిజైన్ తో రానున్నాయని సమాచారం.
Vivo S19, Vivo S19 Pro స్పెసిఫికేషన్స్
లీక్ ప్రకారం, Vivo S19 Pro లో 50ఎంపి సోని ఐఎంఎక్స్921 ఓఐఎస్ ప్రైమరీ కెమెరా ఉంటుందని తెలుస్తోంది.
ఇంకా Vivo S19 Pro లో 50ఎంపి టెలీఫోటో ఓఐఎస్ లెన్స్ ఉంటుంది. ఇది 50ఎక్స్ జూమ్ ఫీచర్ తో వస్తోంది. ఇందులో సోని ఐఎంఎక్స్816 సెన్సర్ ని వాడే అవకాశం ఉంది. మూడో కెమెరాగా 8ఎంపి అల్ట్రావైడ్ కెమెరా ఉండే అవకాశం ఉంది.
Vivo S19 Pro లో సెల్ఫీస్, వీడియో కాల్స్ కోసం 50ఎంపి ఫ్రంట్ కెమెరా ఉండవచ్చు.
స్టాండర్డ్ మోడల్ Vivo S19 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 8ఎంపి అల్ట్రావైడ్ ఓఐఎస్ కెమెరా ఉంటాయి.
Vivo S19 లో సెల్ఫీస్, వీడియో కాల్స్ కోసం 50ఎంపి ఫ్రంట్ కెమెరా ఉండే అవకాశం ఉంది.