హైలైట్స్:
* భారత్ లో వివో టీ1ఎక్స్ లాంచ్ కన్ఫర్మ్ అయ్యింది.
* ఈ ఫోన్ ఫ్లిప్ కార్ట్ ద్వారా అమ్మకాలు జరుపుకోనుంది.
* ఇంకా కంపెనీ నుంచి టీ1ఎక్స్ ఇండియా లాంచ్ కి సంబంధించిన ప్రకటన రావాల్సి ఉంది. కానీ వార్తలను బట్టి ఈ నెలాఖరున ఎంట్రీ ఇవ్వబోతున్నట్లు తెలుస్తోంది.
వివో ఇండియా తన కొత్త టీ-సిరీస్ ఫోన్ వివో టీ1ఎక్స్ ని భారత్ లో లాంచ్ చేయబోతున్నట్లు కన్ఫర్మ్ చేసింది. కంపెనీ అధికార వెబ్ సైట్ లో ఈ ఫోన్ కి సంబంధించిన డెడికేటెడ్ మైక్రో సైట్ ద్వారా ఇది స్పష్టమవుతోంది. వెబ్ సైట్ లో ఉన్న ల్యాండింగ్ పేజ్ లింక్ ద్వారా ఈ ఫోన్ Vivo T1x అని అర్థమవుతోంది. టీజర్ ఇమేజ్ ద్వారా కెమెరా మాడ్యూల్ డిజైన్, బ్లూ కలర్ ఆప్షన్ వంటివి తెలియవస్తున్నాయి. ఫోన్ కి సంబంధించి ట్విట్టర్ లో వచ్చిన షార్ట్ వీడియో లో ఫ్లిప్ కార్ట్ అని మెన్షన్ చేయడం ద్వారా, టీ1ఎక్స్ ఫోన్ ఆన్ లైన్ ద్వారా సేల్ కి వస్తున్నట్లు స్పష్టమవుతోంది. ఇది వరకు వివో నుంచి వచ్చిన టీ-సిరీస్ ఫోన్లు ఫ్లిప్ కార్ట్ ద్వారానే అమ్మకాలు జరుపుకున్న సంగతి తెలిసిందే.
ఇక టీజర్ ఇమేజ్ ద్వారా టీ1ఎక్స్ ఫోన్లో డ్యూయల్ రియల్ కెమెరాలు, ఎల్ఈడీ ఫ్లాష్, రెక్ట్యాంగులర్ మ్యాడ్యూల్, బాక్సీ డిజైన్, రౌండెడ్ ఎడ్జెస్ వంటివి స్పష్టంగా కనిపిస్తున్నాయి. దీన్ని బట్టి, ఇతర వివో టీ-సిరీస్ ఫోన్లతో దీనికి పోలికలున్నట్లు అర్థమవుతోంది.
For a generation that always wants to do more every day, your chance to enter the Turbo world is #ComingSoon.
Know More: https://t.co/mqgB5T5RBj#vivoSeriesT #TurboLife #GetSetTurbo #NewLaunch #NewLaunchAlert pic.twitter.com/N1KUdg2M7I— Vivo India (@Vivo_India) July 12, 2022
అధికారికంగా కన్ఫర్మ్ అయిన Vivo T1x
వివో కంపెనీ వివో టీ1ఎక్స్ ఫోన్ లాంచ్ ని అఫీషియల్ గా కన్ఫర్మ్ చేసింది. త్వరలోనే ఈ ఫోన్ లాంచ్ అవ్వనుంది. అయితే కచ్చితమైన తేదీ ఇంకా తెలియలేదు. అయితే ఈ నెలాఖరులో లాంచ్ అవుతుందని అంచనా వేస్తున్నారు. ఇకపోతే, ఈ ఫోన్ ఈ-కామర్స్ సైట్ ఫ్లిప్ కార్ట్ ద్వారా అమ్మకాలు జరుపుకోనుంది. అలాగే వివో అఫీషియల్ స్టోర్స్ ద్వారా కూడా ఫోన్ లభ్యమయ్యే అవకాశాలున్నాయి. ఇదివరకే ఉన్న వివో టీ1 44డబ్ల్యూ, వివో టీ1 5జీ ఫోన్లతో టీ1ఎక్స్ జత చేరనుంది. ఇప్పటికే టీ1 44డబ్ల్యూ, టీ1 5జీ ఫోన్లు ఫ్లిప్ కార్ట్ లో అమ్ముడవుతున్నాయి. అయితే టీ1ఎక్స్ ఫోన్ 4జీ కనెక్టివిటీ తో వస్తున్న తక్కువ ధర కలిగిన ఫోన్ అని రూమర్లు వస్తున్నాయి.
Vivo T1x స్పెసిఫికేషన్స్ (అంచనా)
రూమర్ల ద్వారా తెలియవస్తున్న స్పెసిఫికేషన్స్ ని బట్టి, Vivo T1x ఫోన్ స్నాప్ డ్రాగన్ 680 ప్రాసెసర్, 4జిబి ర్యామ్, 128జిబి స్టోరేజీ, 6.58 అంగుళాల ఫుల్ హెచ్డీ+ ఎల్సీడీ డిస్ప్లే, 2408*1080 రెజుల్యూషన్, 90Hz రిఫ్రెష్ రేట్, 5,000mAh బ్యాటరీ, 18W ఫాస్ట్ ఛార్జింగ్ సపోర్ట్, ఆండ్రాయిడ్ 12 ఆధారిత ఫన్ టచ్ ఓఎస్ కస్టమ్ స్కిన్ వంటి ఫీచర్లను కలిగి ఉండనున్నట్లు తెలుస్తోంది.
ఇప్పుడు కెమెరా విభాగానికి సంబంధించిన వివరాలను ఇక్కడ తెలుసుకుందాం. Vivo T1x ఫోన్లో వెనుక భాగాన 50MP ప్రైమరీ కెమెరా, 2MP సెకండరీ సెన్సర్, 2MP థర్డ్ సెన్సర్ ఉన్నాయి. ఇక సెల్ఫీలు, వీడియో కాల్స్ కోసం ముందు భాగాన 8MP కెమెరా ఉంది. కనెక్టివిటీ ఫీచర్లను ఓసారి చూద్దాం. ఈ ఫోన్లో 4G, Wi-Fi, బ్లూటూత్ 5.0, మల్టీ-టర్బో 5.0, యూఎస్బీ టైప్-సీ పోర్ట్ ఉన్నాయి.
ప్రస్తుతానికి ఈ ఫోన్ కి సంబంధించిన వివరాలివే. ఎలాగూ వివో కంపెనీ, టీ1ఎక్స్ ఫోన్ లాంచ్ ని కన్ఫర్మ్ చేసినందున, త్వరలోనే పూర్తి వివరాలు తెలియనున్నాయి.
