ప్రముఖ స్మార్ట్ ఫోన్ బ్రాండ్ వివో రేపు Vivo T2 Pro స్మార్ట్ ఫోన్ ని లాంచ్ చేస్తోంది. భారత కాలమానం ప్రకారం ఈ డివైజ్ మధ్యాహ్నం 12 గంటలకు లాంచ్ కానుంది. అయితే, లాంచ్ ఈవెంట్ కి ముందు వివో కంపెనీ Vivo T2 Pro యొక్క కెమెరా స్పెసిఫికేషన్స్ ని అధికారికంగా ప్రకటించింది. సరే, Vivo T2 Pro డివైజ్ కెమెరా వివరాలను తెలుసుకుందాం పదండి.
Vivo T2 Pro కెమెరా స్పెసిఫికేషన్స్
చైనీస్ టెక్ దిగ్గజం రేపు భారతదేశంలో కొత్త స్మార్ట్ఫోన్ను విడుదల చేస్తోంది. T2 ప్రో 5G డివైజ్, T2 లైనప్లో మూడవ ఫోన్. తాజాగా వివో సంస్థ ఈ డివైజ్ కెమెరా స్పెసిఫికేషన్స్ ని అధికారికంగా టీజ్ చేసింది. ఈ-కామర్స్ సైట్ ఫ్లిప్కార్ట్ లో జాబితా ఆధారంగా, T2 ప్రో వెనుకవైపు 64-మెగాపిక్సెల్ ప్రైమరీ కెమెరాను కలిగి ఉంటుందని తెలుస్తోంది. Vivo T2 Pro డివైజ్ iQOO Z7 Pro 5G యొక్క రీబ్రాండెడ్ వెర్షన్ అని ప్రాథమికంగా అర్థమవుతోంది.
కెమెరా: Vivo T2 Pro యొక్క ప్రధాన కెమెరా వెనుకవైపు ఆరో లైట్ LED రింగ్తో పాటు OIS (ఆప్టికల్ ఇమేజ్ స్టెబిలైజేషన్)ను కూడా అందిస్తోంది. వెనుక భాగంలో 2-మెగాపిక్సెల్ డెప్త్ సెన్సార్ కూడా ఉంటుంది.
ఫ్రంట్ కెమెరా: డివైజ్ కి ముందు భాగంలో సెల్ఫీస్, వీడియో కాల్స్ కోసం 16-మెగాపిక్సెల్ సెల్ఫీ షూటర్ ఉంటుంది.
డిస్ప్లే: ఆన్లైన్ లిస్టింగ్ ప్రకారం, డివైజ్ కర్వ్డ్ అమోలెడ్ డిస్ప్లే తో వస్తున్నట్లు తెలుస్తోంది. డిస్ప్లే 1,200Hz టచ్ శాంప్లింగ్ రేట్ మరియు ఫుల్ హెచ్డీ+ రిజల్యూషన్తో పాటు 120Hz రిఫ్రెష్ రేట్ను అందజేస్తుందని భావిస్తున్నారు.
చిప్సెట్: Vivo T2 Pro 5G లో మీడియాటెక్ డైమెన్సిటీ 7200 చిప్ ఉంటుంది.
బ్యాటరీ: Vivo T2 Pro 5G లో పవర్ బ్యాకప్ కోసం 4,600 ఎంఏహెచ్ బ్యాటరీ ఉంటుంది. ఇది 66W ఫాస్ట్ ఛార్జింగ్ కి సపోర్ట్ చేస్తుంది.
కనెక్టివిటీ: ఈ డివైజ్ లో డ్యూయల్ సిమ్, 5జీ, 4జీ, వై-ఫై 6, బ్లూటూత్ 5.3 మరియు అండర్ డిస్ప్లే ఫింగర్ప్రింట్ స్కానర్ వంటి ఫీచర్లు ఉంటాయి.
