ప్రముఖ స్మార్ట్ఫోన్ బ్రాండ్ Vivo తాజాగా T2 Pro 5G లాంచ్ తేదీని ప్రకటించింది. రీసెంట్ గా ఈ డివైజ్ ఇండియా లాంచ్ ని కంపెనీ ఖరారు చేసింది. ఆ వెనువెంటనే లాంచ్ తేదీ ప్రకటన కూడా రావడం విశేషం. Vivo T2 Pro 5G డివైజ్ 64ఎంపి ప్రైమరీ ఓఐఎస్ కెమెరా, మీడియాటెక్ డైమెన్సిటీ 7200 చిప్, 8జిబి ర్యామ్ తో వస్తోంది. సరే, ఓసారి Vivo T2 Pro 5G స్మార్ట్ఫోన్ లాంచ్ తేదీ, పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
Vivo T2 Pro 5G ఇండియా లాంచ్ తేదీ
Vivo T2 Pro 5G స్మార్ట్ఫోన్ సెప్టెంబర్ 22 వ తేదీన మధ్యాహ్నం 12 గంటలకు లాంచ్ అవుతుంది. కంపెనీ యొక్క యూట్యూబ్ చానల్ లో ఈ ఫోన్ లాంచ్ ఈవెంట్ ని లైవ్ ద్వారా చూడవచ్చు. Vivo T2 Pro 5G డివైజ్ ఫ్లిప్కార్ట్, వివో ఆన్లైన్ స్టోర్, రిటైల్ స్టోర్స్ ద్వారా విక్రయానికి వస్తోంది.
Vivo T2 Pro 5G డిజైన్
Vivo T2 Pro 5G స్మార్ట్ఫోన్ లాంచ్ ప్రకటన ఒక టీజర్ ద్వారా వచ్చింది. ఈ టీజర్ తో Vivo T2 Pro 5G డిజైన్ రివీల్ అయ్యింది. కర్వ్డ్ డిస్ప్లే, ఫ్లాషీ గోల్డ్ కలర్, పంచ్-హోల్ డిస్ప్లే, కర్వ్డ్ ఎడ్జెస్ తో ఫోన్ కనిపిస్తోంది. Vivo T2 Pro 5G డివైజ్ కెమెరా మాడ్యూల్ పైన ఆరా లైట్ రింగ్ ఉంది. మొత్తానికి ఈ ఫోన్ యూజర్లను ఆకట్టుకునే విధంగా తయారైనట్లు తెలుస్తోంది.
Vivo T2 Pro 5G స్పెసిఫికేషన్స్ (అంచనా)
- స్క్రీన్: Vivo T2 Pro 5G లో 6.38-ఇంచ్ 3డీ కర్వ్డ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Vivo T2 Pro 5G లో మీడియాటెక్ డైమెన్సిటీ 7200 చిప్ వాడనున్నట్లు సమాచారం.
- స్టోరేజీ: Vivo T2 Pro 5G లో 8జిబి ర్యామ్, 256జిబి స్టోరేజీ, 8జిబి వర్చువల్ ర్యామ్ సపోర్ట్ ఉంటాయి.
- కెమెరా: Vivo T2 Pro 5G లో డ్యూయల్ రియర్ కెమెరా సెటప్ ఉంటుంది. ఇందులో 64ఎంపి మెయిన్ కెమెరా, 2ఎంపి సెకండరీ లెన్స్ ఉంటాయి.
- బ్యాటరీ: Vivo T2 Pro 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది సూపర్వూక్ ఫాస్ట్ చార్జింగ్ టెక్నాలజీతో వస్తోంది.
- ఓఎస్: Vivo T2 Pro 5G డివైజ్ ఆండ్రాయిడ్ 13 ఓఎస్ పై పని చేస్తుంది.
- ఇతర ఫీచర్లు: Vivo T2 Pro 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్, ఫింగర్ ప్రింట్ స్కానర్ ఉంటాయి.
