భారత్ లో వివో వీ27 సిరీస్ ని లాంచ్ చేశాక, వివో సంస్థ Vivo T2 సిరీస్ ని లాంచ్ చేసేందుకు సిద్ధమవుతోంది. అయితే ఇంకా లాంచ్ తేదీని కంపెనీ ప్రకటించాల్సి ఉంది. ఈ సిరీస్ భారత్ లో ఏప్రిల్ రెండోవారం తర్వాత లాంచ్ కానుందని రీసెంట్ గా ఓ రిపోర్ట్ తెలియజేసింది. తాజాగా ఫ్లిప్కార్ట్ లో Vivo T2 5G మైక్రోసైట్ ప్రత్యక్షమైంది.
కొత్త Vivo T2 సిరీస్ గతేడాది వచ్చిన Vivo T1 సిరీస్ కి సక్సెసర్ గా వస్తోంది. సరే, ఓసారి ఈ సిరీస్ విశేషాలు ఏంటో తెలుసుకుందాం పదండి.
ఫ్లిప్ కార్ట్ పై లభించనున్న Vivo T2 సిరీస్
ఫ్లిప్ కార్ట్ లిస్టింగ్ ద్వారా రెండు ఫోన్ల లుక్ బయటకు వచ్చింది. వాటిని Vivo T2, Vivo T2x అని భావిస్తున్నారు. రెండు మోడల్స్ కూడా ట్రిపుల్/డ్యూయల్ కెమెరా సెన్సర్స్ మరియు ఒక ఎల్ఈడీ ఫ్లాష్ ఉన్నాయి. వాల్యూమ్ రాకర్, పవర్ బటన్ ఫోన్ కి కుడివైపున ఉన్నాయి. Vivo T2 కి సంబంధించిన డిస్ప్లే, కెమెరా, చిప్సెట్ వివరాలు ఏప్రిల్ 5, 7, 9 వ తేదీల్లో రివీల్ అవుతాయని ఫ్లిప్ కార్ట్ లిస్టింగ్ తెలియజేసింది.
Vivo T2, Vivo T2x స్పెసిఫికేషన్స్ (అంచనా)
లీకైన స్పెసిఫికేషన్స్ ప్రకారం, Vivo T2 డివైజ్ ఫుల్ హెచ్డీ+ అమోలెడ్ డిస్ప్లే, 1300 నిట్స్ పీక్ బ్రైట్నెస్ కలిగి ఉంటుంది. ఈ ఫోన్ క్వాల్కమ్ స్నాప్ డ్రాగన్ 695 5జీ చిప్సెట్ ని కలిగి ఉంటుందని గూగుల్ ప్లే కన్సోల్ లిస్టింగ్ ద్వారా రివీల్ అయ్యింది. ఈ ఫోన్ 6జిబి/8జిబి ర్యామ్ మరియు 128జిబి స్టోరేజీ ఆప్షన్స్ లో లభించనుంది. మిగతా ఆప్షన్స్ ఉన్నాయో లేదో తెలియదు.
Vivo T2 డివైజ్ 64ఎంపి ఓఐఎస్ ప్రైమరీ కెమెరాతో రానుంది. దీనికి తోడు ఒక డెప్త్ మరియు మరొక మ్యాక్రో సెన్సర్ ఉంటాయి. గూగుల్ ప్లే కన్సోల్ లిస్టింగ్ ద్వారా ఈ ఫోన్ ఆండ్రాయిడ్ 13 ఓఎస్ తో రానుందని రివీల్ అయ్యింది.
మరోవైపు Vivo T2x డివైజ్ మీడియాటెక్ డైమెన్సిటీ 700 చిప్సెట్ తో రానున్నట్లు గూగుల్ ప్లే కన్సోల్ లిస్టింగ్ ద్వారా రివీల్ అయ్యింది. ఒక రిపోర్ట్ ప్రకారం, Vivo T2x హ్యాండ్సెట్ 4జిబి/6జిబి/8జిబి ర్యామ్, 128జిబి స్టోరేజీ ఆప్షన్స్ లో లాంచ్ కానుందని తెలుస్తోంది. ఇప్పుడు ఈ డివైజ్ డిస్ప్లే వివరాలు తెలుసుకుందాం. Vivo T2x స్మార్ట్ ఫోన్ ఫుల్ హెచ్డీ+ ఐపీఎస్ ఎల్సీడీ డిస్ప్లేతో రానున్నట్లు అంచనా వేస్తున్నారు. త్వరలోనే ఈ రెండు ఫోన్లకు సంబంధించిన మరిన్ని వివరాలు బయటకు రానున్నాయి.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.