ప్రముఖ స్మార్ట్ఫోన్ బ్రాండ్ Vivo నేడు భారతీయ మార్కెట్ లో టీ3 సిరీస్ లో కొత్త ఫోన్ లాంచ్ చేసింది. Vivo T3 Pro 5G పేరుతో ఈ ఫోన్ మార్కెట్ లో విడుదలైంది. ఈ ఫోన్ లో స్నాప్డ్రాగన్ 7 జెన్ 3 చిప్సెట్, కర్వ్డ్ అమోలెడ్ స్క్రీన్, 5500 ఎంఏహెచ్ బ్యాటరీ, 50ఎంపి కెమెరా ఉన్నాయి. ఓసారి ఈ ఫోన్ ధర, లభ్యత మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Vivo T3 Pro 5G ధర, లభ్యత
Vivo T3 Pro 5G స్మార్ట్ఫోన్ రెండు స్టోరేజీ వేరియంట్స్ లో లాంచ్ అయ్యింది. వీటి ధరలు తెలుసుకుందాం.
8జిబి ర్యామ్ + 128జిబి స్టోరేజీ వేరియంట్ ధరను రూ.24,999 గా పెట్టారు. 8జిబి ర్యామ్ + 256జిబి స్టోరేజీ మోడల్ ధర రూ.26,999 గా ఉంది.
Vivo T3 Pro 5G ఫోన్ శాండ్స్టోన్ ఆరెంజ్ మరియు ఎమరాల్డ్ గ్రీన్ కలర్స్ లో లభిస్తుంది.
హెచ్డీఎఫ్సీ, ఐసీఐసీఐ కార్డులపై రూ.3,000 ఇన్స్టంట్ డిస్కౌంట్ లభిస్తుంది. దీంతో ఈ ఫోన్ని వరుసగా రూ.21,999 మరియు రూ.23,999 కే సొంతం చేసుకోవచ్చు.
బ్యాంక్ ఆఫర్ కాకుండా, రూ.3,000 ఫ్లాట్ ఎక్స్చేంజ్ బోనస్ కూడా అందుబాటులో ఉంది. అలాగే 6 నెలల కాలపరిమితితో నో కాస్ట్ ఈఎంఐ ఆప్షన్ కూడా ఉంది.
సెప్టెంబర్ 3వ తేదీ నుంచి ఫ్లిప్కార్ట్ లో Vivo T3 Pro 5G సేల్ మొదలవుతుంది.
Vivo T3 Pro 5G స్పెసిఫికేషన్స్
డిస్ప్లే: Vivo T3 Pro 5G లో 6.77-ఇంచ్ ఫుల్హెచ్డీ+ స్క్రీన్, 3డీ కర్వ్డ్ అమోలెడ్ ప్యానెల్, 120 హెర్ట్జ్ రిఫ్రెష్ రేట్, 100% డీసీఐ-పీ3 కలర్ గ్యామట్, 4500 నిట్స్ పీక్ బ్రైట్నెస్, 387 పీపీఐ పిక్సెల్ డెన్సిటీ ఉన్నాయి.
ప్రాసెసర్: Vivo T3 Pro 5G లో క్వాల్కమ్ స్నాప్డ్రాగన్ 7 జెన్ 3 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. దీని అంటుటు స్కోర్ 812119 పాయింట్లుగా ఉంది. గ్రాఫిక్స్ కోసం అడ్రెనో 720 జీపీయూ వాడారు.
ర్యామ్, స్టోరేజీ: Vivo T3 Pro 5G డివైజ్ 8జిబి ఎల్పీడీడీఆర్4ఎక్స్ ర్యామ్, 256జిబి యూఎఫ్ఎస్ 2.2 స్టోరేజీ ఆప్షన్స్ లో లభిస్తుంది. 8జిబి ఎక్స్టెండెడ్ ర్యామ్ ఫీచర్ సాయంతో 16జిబి వరకు ర్యామ్ పవర్ లభిస్తుంది.
కెమెరా: Vivo T3 Pro 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్882 ఓఐఎస్ ప్రైమరీ కెమెరా, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంది.
బ్యాటరీ, చార్జింగ్: Vivo T3 Pro 5G లో పవర్ బ్యాకప్ కోసం 5500 ఎంఏహెచ్ బ్యాటరీ ఇచ్చారు. ఇది 80 వాట్ ఫాస్ట్ చార్జింగ్ సపోర్ట్ తో వచ్చింది.
సాఫ్ట్వేర్: Vivo T3 Pro 5G స్మార్ట్ఫోన్ ఆండ్రాయిడ్ 14 ఓఎస్ ఆధారిత ఫన్టచ్ ఓఎస్ 14 కస్టమ్ స్కిన్ తో లాంచ్ అయ్యింది. రెండేళ్ళు మేజర్ ఆండ్రాయిడ్ అప్డేట్స్, 3 ఏళ్ళు సెక్యూరిటీ అప్డేట్స్ ఈ ఫోన్కి లభిస్తాయి.
కనెక్టివిటీ: Vivo T3 Pro 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
ఇతర ఫీచర్లు: Vivo T3 Pro 5G లో లిక్విడ్ కూలింగ్ సిస్టమ్, అల్ట్రా గేమ్ మోడ్, 4డీ గేమ్ వైబ్రేషన్, ఇన్-డిస్ప్లే ఫింగర్ప్రింట్ స్కానర్, డ్యూయల్ స్టీరియో స్పీకర్లు, వెట్ టచ్ టెక్నాలజీ, ఐపీ64 ప్రొటెక్షన్ ఉన్నాయి.