ప్రముఖ స్మార్ట్ఫోన్ బ్రాండ్ Vivo త్వరలో టీ-సిరీస్ లో కొత్త ఫోన్లు లాంచ్ చేయనుంది. ఈ లైనప్ లో Vivo T3 Pro మరియు Vivo T3 Ultra అనే మోడల్స్ విడుదల కానున్నాయి. వీటిలో ముందుగా ఆగస్టు 27న Vivo T3 Pro లాంచ్ అవ్వనుంది. అల్ట్రా వేరియంట్ తాజాగా బ్యూరో ఆఫ్ ఇండియన్ స్టాండర్డ్స్ వెబ్సైట్ పై లిస్ట్ అయ్యింది. అలాగే బ్లూటూత్ ఎస్ఐజీ సర్టిఫికేషన్ కూడా పొందింది. ఓసారి ఆ వివరాలు తెలుసుకుందాం.
Vivo T3 Ultra బీఐఎస్ మరియు బ్లూటూత్ ఎస్ఐజీ లిస్టింగ్ వివరాలు
Vivo T3 Ultra స్మార్ట్ఫోన్ సర్టిఫికేషన్ వివరాలను Tech Outlook తన కథనం ద్వారా వెల్లడించింది.
Vivo T3 Ultra స్మార్ట్ఫోన్ బ్లూటూత్ ఎస్ఐజీ లిస్టింగ్ పై V2426 అనే మోడల్ నంబర్ తో లిస్ట్ అయ్యింది. బీఐఎస్ పై కూడా ఇదే మోడల్ నంబర్ తో లిస్ట్ అయ్యింది.
బీఐఎస్ మరియు బ్లూటూత్ ఎస్ఐజీ ప్లాట్ఫామ్స్ పై Vivo T3 Ultra లిస్ట్ అవ్వడంతో.. త్వరలోనే ఈ ఫోన్ లాంచ్ ఉండనుందని అర్థమవుతోంది.
లిస్టింగ్స్ ద్వారా ఫోన్ యొక్క ఇతర వివరాలు ఏమీ రివీల్ కాలేదు. త్వరలోనే మరిన్ని వివరాలు బయటకు వచ్చే అవకాశం ఉంది.
Vivo T3 Pro స్పెసిఫికేషన్స్
డిస్ప్లే: Vivo T3 Pro 5G లో 3డీ కర్వ్ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్నెస్, పంచ్ హోల్ కటౌట్ ఉంటాయి.
ప్రాసెసర్: Vivo T3 Pro 5G లో స్నాప్డ్రాగన్ చిప్ ఉంటుందని టీజర్ ద్వారా తెలుస్తోంది. రిపోర్ట్ ప్రకారం, ఈ ఫోన్ లో స్నాప్డ్రాగన్ 7 జెన్ 3 చిప్ ఉంటుందని అంచనా.
కెమెరా: Vivo T3 Pro 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి సోని ఐఎంఎక్స్882 సెన్సర్ ఉంటుందని సమాచారం.
బ్యాటరీ: Vivo T3 Pro 5G లో పవర్ బ్యాకప్ కోసం 5500 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ సపోర్ట్ తో వస్తోంది.
ఇతర ఫీచర్లు: Vivo T3 Pro 5G లో ఐపీ64 రేటింగ్ ఉంటుంది. ఇంకా 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.