Vivo T3 Ultra ఇటీవలె భారతీయ మార్కెట్ లో లాంచ్ అయ్యింది. దీని ప్రారంభ ధర రూ.31,999 గా ఉంది. ఈ ధర శ్రేణిలో Motorola Edge 50 Pro కూడా లాంచ్ అయ్యింది. వివో టీ3 అల్ట్రా కి ఇది ఆల్టర్నేటివ్ ఫోన్ అని చెప్పుకోవచ్చు. ఈ ఆర్టికల్ లో మనం వివో టీ3 అల్ట్రా మరియు మోటోరోలా ఎడ్జ్ 50 ప్రో ఫోన్లను పోల్చి చూసి ఏది బెటర్ ప్రీమియమ్ మిడ్-రేంజ్ ఫోన్ అనే విషయాన్ని తెలుసుకుందాం.
Vivo T3 Ultra vs Motorola Edge 50 Pro: స్పెసిఫికేషన్స్
| స్పెసిఫికేషన్స్ | వివో టీ3 అల్ట్రా | మోటోరోలా ఎడ్జ్ 50 ప్రో |
| డిస్ప్లే | 6.78-ఇంచ్ 1.2కే అమోలెడ్, 120 హెర్ట్జ్ రిఫ్రెష్ రేట్, 4500 నిట్స్ పీక్ బ్రైట్నెస్, 423పీపీఐ, 1260*2800 రెజుల్యూషన్, షాట్ జెన్సేషన్ ఆల్ఫా | 6.7-ఇంచ్ 1.2కే పీఓఎల్ఈడీ, 144 హెర్ట్జ్ రిఫ్రెష్ రేట్, 2,000 నిట్స్ పీక్ బ్రైట్నెస్, 446పీపీఐ, 1220*2712 రెజుల్యూషన్ |
| చుట్టుకొలత | 164.2 x 74.9 x 7.6 మి.మీ | 161.2 x 72.4 x 8.1 మి.మీ |
| బరువు | 192 గ్రాములు | 186 గ్రాములు |
| సాఫ్ట్వేర్ | ఆండ్రాయిడ్ 14 ఆధారిత ఫన్టచ్ఓఎస్ | ఆండ్రాయిడ్ 14 |
| రియర్ కెమెరా | 50ఎంపి ప్రైమరీ ఓఐఎస్, 8ఎంపి అల్ట్రావైడ్ | 50ఎంపి ప్రైమరీ ఓఐఎస్, 13ఎంపి అల్ట్రావైడ్, 10ఎంపి టెలీఫోటో |
| ఫ్రంట్ కెమెరా | 50ఎంపి సెల్ఫీ కెమెరా | 50ఎంపి సెల్ఫీ కెమెరా |
| వీడియో | 4కే/60ఎఫ్పీఎస్ | 4కే/30ఎఫ్పీఎస్ |
| చిప్సెట్ | మీడియాటెక్ డైమెన్సిటీ 9200+ | క్వాల్కమ్ స్నాప్డ్రాగన్ 7 జెన్ 3 |
| బ్యాటరీ, చార్జింగ్ | 5,500 ఎంఏహెచ్ బ్యాటరీ, 80 వాట్ చార్జింగ్ | 4,500 ఎంఏహెచ్ బ్యాటరీ, 125 వాట్ వైర్డ్, 50 వాట్ వైర్లెస్ చార్జింగ్ |
| ర్యామ్, స్టోరేజీ | 8జిబి/12జిబి ర్యామ్, 256జిబి/512జిబి స్టోరేజీ | 8జిబి/12జిబి ర్యామ్, 256జిబి స్టోరేజీ |
| కలర్స్ | లునార్ గ్రే, ఫారెస్ట్ గ్రీన్ | వెనిలా క్రీమ్, లక్స్ లావెండర్, మూన్లైట్ పెర్ల్, బ్లాక్ బ్యూటీ |
Vivo T3 Ultra vs Motorola Edge 50 Pro: ధర
| వివో టీ3 అల్ట్రా | మోటోరోలా ఎడ్జ్ 50 ప్రో |
| 8జిబి+128జిబి ధర రూ.31,999 | – |
| 8జిబి+256జిబి ధర రూ.33,999 | 8జిబి+256జిబి ధర రూ.31,999 |
| 12జిబి+512జిబి ధర రూ.35,999 | 12జిబి+256జిబి ధర రూ.35,999 |
Vivo T3 Ultra vs Motorola Edge 50 Pro: డిజైన్
రెండు ఫోన్లు కూడా ప్రీమియమ్ లుక్ తో ఉన్నాయి. అయితే, వివో టీ3 అల్ట్రా డిజైన్ ను గమనిస్తే.. మినిమలిజమ్, ఎర్గనామిక్స్, సాలిడ్ ఇన్-హ్యాండ్ ఫీల్ పై ఫోకస్ పెట్టినట్లు తెలుస్తోంది. మరోవైపు, మోటోరోలా ఎడ్జ్ 50 ప్రో కర్వ్డ్ డిజైన్, మంచి బిల్డ్ క్వాలిటీ, స్టైలిష్ లుక్ తో ఉంది.
వివో టీ3 అల్ట్రా చూడటానికి స్లిమ్ గా ఉంది. ఎడ్జ్ 50 ప్రో లగ్జరియస్ లుక్ తో ఉంది. రెండు ఫోన్లు కూడా ఐపీ68 రేటింగ్ తో వచ్చాయి. దీని ద్వారా వాటర్ అండ్ డస్ట్ నుంచి ఫోన్లకు రక్షణ లభిస్తుంది. వర్షంలో, నీటి లోపల 1.5 మీటర్ల వరకు అరగంట సేపు ఉన్నా ఈ ఫోన్లకు ఏమీ కాదు.
Vivo T3 Ultra vs Motorola Edge 50 Pro: డిస్ప్లే
వివో టీ3 అల్ట్రా లో 6.78-ఇంచ్ 3డీ కర్వ్డ్ 1.2కే అమోలెడ్ డిస్ప్లే ఉంది. మరోవైపు, మోటోరోలా ఎడ్జ్ 50 ప్రో లో 10-బిట్ 6.7-ఇంచ్ పీఓఎల్ఈడీ 3డీ కర్వ్డ్ స్క్రీన్ ఉంది. అయితే, మోటోరోలా ఎడ్జ్ 50 ప్రో 144 హెర్ట్జ్ రిఫ్రెష్ రేట్ కి సపోర్ట్ చేస్తుంది. వివో టీ3 అల్ట్రా 120 హెర్ట్జ్ రిఫ్రెష్ రేట్ తో వచ్చింది.
వివో టీ3 అల్ట్రా షాట్ జెన్సేషన్ ఆల్ఫా ప్రొటెక్షన్ తో వచ్చింది. దీని వ్లలన స్క్రాచెస్ నుంచి డిస్ప్లేకి రక్షణ లభిస్తుంది. ఓవరాల్ గా రెండు ఫోన్లు కూడా రిచ్ అండ్ స్మూథ్ ఎక్స్పీరియన్స్ అందిస్తాయి.
Vivo T3 Ultra vs Motorola Edge 50 Pro: పెర్ఫామెన్స్
వివో టీ3 అల్ట్రా లో మీడియాటెక్ డైమెన్సిటీ 9200+ చిప్సెట్ అందించారు. ఈ చిప్సెట్ ఎంతో శక్తివంతమైంది. అన్ని రకాల టాస్కులను స్మూథ్ గా చేస్తుంది. అయితే, మేం జరిపిన టెస్టుల సమయంలో, హెవీ లోడ్ ఉన్నప్పుడు పెర్ఫామెన్స్ తగ్గినట్లు అనిపించింది. ఏదేమైనా, జనరల్ యూజ్ విషయంలో డివైజ్ బాగా పెర్ఫామ్ చేస్తుంది.
| బెంచ్మార్క్ ప్లాట్ఫామ్ | వివో టీ3 అల్ట్రా | మోటోరోలా ఎడ్జ్ 50 ప్రో |
| అంటుటు | 14,44,926 | 8,27,231 |
| గీక్బెంచ్ (సింగిల్-కోర్) | 1,854 | 1,142 |
| గీక్బెంచ్ (మల్టీ-కోర్) | 5,066 | 3,119 |
మోటోరోలా ఎడ్జ్ 50 ప్రో లో స్నాప్డ్రాగన్ 7 జెన్ 3 చిప్సెట్ అందించారు. ఇది డెయిలీ టాస్కులు, గేమింగ్ వంటి వాటికి బాగా సరిపోతుంది. ఎక్కువ ఒత్తిడితో కూడిన టాస్కులను హ్యాండిల్ చేసేటప్పుడు వేడెక్కడం, పనితీరు మందగించడం వంటివి మేం గమనించాం. దీంతో, వివో టీ3 అల్ట్రా, మోటో ఎడ్జ్ 50 ప్రో పై పైచేయి సాధించింది.
Vivo T3 Ultra vs Motorola Edge 50 Pro: కెమెరాలు
మోటోరోలా ఎడ్జ్ 50 ప్రో లో విలక్షణమైన కెమెరా సెటప్ ఉంది. ఇది వివో టీ3 అల్ట్రాతో పోల్చితే ఎంతో బాగుంది. రెండు ఫోన్లలో 50ఎంపి ఓఐఎస్ ప్రైమరీ సెన్సర్ ఉంది. మోటోరోలా ఎడ్జ్ 50 ప్రో లో ఉన్న ట్రిపుల్ కెమెరా సెటప్ లో 13ఎంపి అల్ట్రావైడ్ కెమెరా, 10ఎంపి టెలీఫోటో/మ్యాక్రో లెన్స్ ఉన్నాయి. వివో టీ3 అల్ట్రా లో 8ఎంపి అల్ట్రావైడ్ లెన్స్ ఉంది. రెండు ఫోన్లలో 50ఎంపి ఫ్రంట్ కెమెరా ఉంది.
మేం జరిపిన టెస్టులో, వివో టీ3 అల్ట్రా పొట్రెయిట్ ఫోటోగ్రఫీ, లో-లైట్ కండిషన్స్ లో బాగా పెర్ఫామ్ చేసింది. ఇక్కడ ఆరా లైట్ కి థ్యాంక్స్ చెప్పుకోవల్సిందే. కానీ, ఇండోర్ వీడియో ఫ్లికరింగ్ అనేది సమస్యగా మారింది. అలాగే, అప్పుడప్పుడు ఇమేజ్ని ఓవర్-ప్రాసెసర్ చేస్తోంది.
మరోవైపు, మోటోరోలా ఎడ్జ్ 50 ప్రో లో-లైట్ షాట్స్ బాగా తీస్తోంది. డీటెయిల్డ్ పొట్రెయిట్స్ కూడా వివిధ రకాల ఫోకల్ లెంగ్త్స్లో బాగా కనిపించాయి. అయితే, సెల్ఫీలు ఓవర్ఎక్స్పోజ్ అవ్వడం మరియు టెలీఫోటో లెన్స్ తో తీసిన ఇమేజెస్ కలర్ షిఫ్ట్ అవ్వడం మైనస్గా కనిపిస్తోంది.
Vivo T3 Ultra vs Motorola Edge 50 Pro: బ్యాటరీ, చార్జింగ్
వివో టీ3 అల్ట్రా లో 5500 ఎంఏహెచ్ బ్యాటరీ ఇచ్చారు. మోటోరోలా ఎడ్జ్ 50 ప్రో లో 4500 ఎంఏహెచ్ బ్యాటరీ అందించారు. మేం జరిపిన పీసీమార్క్ బ్యాటరీ టెస్ట్ లో మోటోరోలా ఎడ్జ్ 50 ప్రో మంచి ప్రదర్శన కనబరిచింది. టెస్టు ఫలితాలను చూస్తే, మోటో ఎడ్జ్ 50 ప్రో 12 గంటల 30 నిమిషాలు నడవగా, వివో టీ3 అల్ట్రా 12 గంటల 14 నిమిషాల పాటు నడిచింది.
మోటో ఎడ్జ్ 50 ప్రో ను 125 వాట్ ఫాస్ట్ చార్జర్ తో చార్జ్ చేయగా, కేవలం 30 నిమిషాల్లో 100 శాతం చార్జ్ అయ్యింది. మరోవైపు, వివో టీ3 అల్ట్రా ను 80 వాట్ ఫాస్ట్ చార్జర్ తో చార్జ్ చేయగా, పూర్తిగా చార్జ్ అయ్యేందుకు 38 నిమిషాల సమయం పట్టింది. ఫాస్ట్ చార్జింగ్ మోడ్ తీసేసి, చార్జ్ చేయగా, వివో టీ3 అల్ట్రా కి 100 శాతం చార్జ్ అయ్యేందుకు 47 నిమిషాలు సమయం పట్టింది.
Vivo T3 Ultra vs Motorola Edge 50 Pro: సాఫ్ట్వేర్
వివో టీ3 అల్ట్రా ఆండ్రాయిడ్ 14 ఓఎస్ ఆధారిత ఫన్టచ్ఓఎస్ కస్టమ్ స్కిన్ తో లాంచ్ అయ్యింది. మోటోరోలా ఎడ్జ్ 50 ప్రో ఆండ్రాయిడ్ 14 ఓఎస్ తో లాంచ్ అయ్యింది. ఎడ్జ్ 50 ప్రో క్లీన్ ఆండ్రాయిడ్ ఎక్స్పీరియన్స్ అందిస్తుంది. రెండు ఫోన్లకు ఆయా కంపెనీలు, 3 ఏళ్ళు మేజర్ ఓఎస్ అప్డేట్స్, 4 ఏళ్ళు సెక్యూరిటీ ప్యాచెస్ అందించనున్నాయి.
పరిమితమైన ఏఐ ఫీచర్లు, స్మూథ్ యానిమేషన్స్ తో వివో టీ3 అల్ట్రా ఎఫిషియంట్ సాఫ్ట్వేర్ ఎక్స్పీరియన్స్ ను అందిస్తుంది. మరోవైపు, మోటోరోలా ఎడ్జ్ 50 ప్రో ఎన్నో కనెక్టివిటీ ఆప్షన్స్, కస్టమైజేషన్, మోటో కనెక్ట్, మోటో సెక్యూర్ వంటి సెక్యూరిటీ టూల్స్ తో ఫీచర్-రిచ్ ఎక్స్ అనుభూతిని అందిస్తుంది.
ఏది బెటర్?
ఓవరాల్ గా రెండు ఫోన్లు కూడా చెప్పుకోదగిన పెర్ఫామెన్స్ ను అందిస్తాయి. వివో టీ3 అల్ట్రా బెటర్ డిస్ప్లే ప్యానెల్, ప్రొటెక్షన్, సూపీరియర్ చిప్సెట్, లో-లైట్ పెర్ఫామెన్స్ వంటి విషయాల్లో మోటోరోలా ఎడ్జ్ 50 ప్రో కంటే మెరుగ్గా ఉంది.
మరోవైపు, మోటోరోలా ఎడ్జ్ 50 ప్రో.. స్మూథ్ డిస్ప్లే, బెటర్ బ్యాటరీ బ్యాకప్, ఫాస్టర్ చార్జింగ్ స్పీడ్, విలక్షణమైన కెమెరా సెటప్, క్లీన్ సాఫ్ట్వేర్ వంటి విషయాల్లో వివో టీ3 అల్ట్రా కంటే బాగుంది.