హైలైట్స్:
- భారత్ లో లాంచ్ అయిన వివో వీ25 ప్రో స్మార్ట్ఫోన్
- 6.56 అంగుళాల ఫుల్ హెచ్డీ+ డిస్ప్లే, మీడియాటెక్ డైమెన్సిటీ 1300 చిప్సెట్, 12జిబి వరకు ర్యామ్, ఆండ్రాయిడ్ 12 ఓఎస్ ఈ ఫోన్ ప్రధాన ఫీచర్లు
- భారత్ లో వివో వీ25 ప్రో ధర రూ.35,999 నుంచి ప్రారంభం
వివో వీ25 ప్రో భారత్ లో లాంచ్ అయ్యింది. గతేడాది విడుదలైన వివో వీ23 ప్రో ఫోన్ కి ఇది సక్సెసర్. వీ23 ప్రో మాదిరి ఈ ఫోన్ కూడా రంగులు మార్చే బ్యాక్ ఏజీ ప్లోరైట్ గ్లాస్ ని కలిగి ఉంది. సెల్ఫీ షూటర్ కోసం పంచ్ హోల్ కటౌట్ ఇందులో ఉంది. భద్రత కోసం ఇన్-డిస్ప్లే ఫింగర్ ప్రింట్ సెన్సర్ ను ఇందులో అందించారు. ఇక ఫోన్ వెనకాల రెక్టాంగ్యులర్ మాడ్యూల్ లో ట్రిపుల్ కెమెరా సెన్సర్స్ ఉన్నాయి. వివో వీ25 ప్రో ఫోన్లో కర్వ్డ్ డిస్ప్లేని అందించారు.
6.56 అంగుళాల ఫుల్ హెచ్డీ+ డిస్ప్లే, మీడియాటెక్ డైమెన్సిటీ 1300 చిప్, 12జిబి వరకు ర్యామ్, ఆండ్రాయిడ్ ఓఎస్, 256జిబి వరకు స్టోరేజీ, 64ఎంపి ప్రైమరీ కెమెరా, 66 వాట్ ఫాస్ట్ చార్జింగ్ సపోర్ట్ వంటి ముఖ్యమైన ఫీచర్లను ఈ ఫోన్ కలిగి ఉంది.
భారత్ లో Vivo V25 Pro ధర, లభ్యత
వివో వీ25 ప్రో 8జిబి ర్యామ్ 128జిబి స్టోరేజీ వేరియంట్ ధర రూ.35,999 గా నిర్ణయించారు. ఇక 12జిబి ర్యామ్, 256జిబి స్టోరేజీ మోడల్ ధర రూ.39,999 గా ఉంది. ఇక ఈ ఫోన్ ప్యూర్ బ్లాక్ మరియు సెయిలింగ్ బ్లూ కలర్స్ లో లభ్యమవుతుంది. ఫోన్ ని కొనదలిచిన వారు, ఫ్లిప్ కార్ట్, వివో ఈ-స్టోర్, ఆఫ్లైన్ రిటైల్ ఔట్లెట్స్ ద్వారా ఆగస్టు 25 నుంచి కొనుగోలు చేయవచ్చు. ఆగస్టు 17 నుంచి కస్టమర్లు ఫోన్ ని ప్రీ-బుక్ చేసుకునే అవకాశముంది. అలాగే హెచ్డీఎఫ్సీ క్రెడిట్/డెబిట్, ఈఎంఐ ట్రాన్సాక్షన్స్ ద్వారా ఫోన్ కొంటే రూ.3,500 డిస్కౌంట్ లభించనుంది. ఇక ఎక్చేంజ్ బోనస్ కూడా రూ.3000 వరకు వస్తుంది.
Vivo V25 Pro స్పెసిఫికేషన్స్
వివో వీ25 ప్రో ఫోన్లో 6.56 అంగుళాల ఫుల్ హెచ్డీ+ అమోలెడ్ డిస్ప్లేను అమర్చారు. ఈ డిస్ప్లే 120 హెర్ట్జ్ రిఫ్రెష్ రేట్ ని కలిగి ఉంది. పంచ్ హోల్ కటౌట్, 300 హెర్ట్జ్ టచ్ శాంప్లింగ్ రేట్, 100 శాతం డీసీఐ-పీ3 కలర్ గేముత్, 6,000,000:1 కాంట్రాస్ట్ రేషియో, ఎస్జీఎస్ లో-బ్లూలైట్ సర్టిఫికేషన్, కర్వ్డ్ ఎడ్జెస్, హెచ్డీఆర్10+, మీడియాటెక్ డైమెన్సిటీ 1300 చిప్సెట్, 12జిబి ఎల్పీడీడీఆర్4ఎక్స్ ర్యామ్, 256జిబి స్టోరేజీ ఆండ్రాయిడ్ 12 ఓఎస్, ఫన్టచ్ ఓఎస్ కస్టమ్ స్కిన్, 8జిబి వర్చువల్ ర్యామ్, గేమ్ బూస్ట్ మోడ్, లీనియర్ మోటర్, బయోనిక్ కూలింగ్ సిస్టమ్ వంటి ఫీచర్లు ఈ ఫోన్లో ఉన్నాయి.
5జీ, 4జీ ఎల్టీఈ, వై-ఫై 6, బ్లూటూత్ 5.2, జీపీఎస్, యూఎస్బీ టైప్-సీ పోర్ట్, ఇన్-డిస్ప్లే ఫింగర్ ప్రింట్ సెన్సర్, 3.5ఎంఎం ఆడియో జాక్, 4,830ఎంఏహెచ్ బ్యాటరీ, 66 వాట్ ఫాస్ట్ చార్జింగ్ సపోర్ట్, కలర్ చేంజింగ్ ప్లోరైట్ ఏజీ గ్లాస్ టెక్నాలజీ వంటి ఫీచర్లు ఈ ఫోన్లో ఉన్నాయి.
ఇప్పుడు కెమెరా విభాగం గురించి తెలుసుకుందాం. వివో వీ25 ప్రో లో ట్రిపుల్ కెమెరా సెటప్ ఉంది. ఇందులో ఓఐఎస్, ఈఐఎస్ కలిగిన 64ఎంపి ప్రైమరీ సెన్సర్, 8ఎంపి పోట్రెయిట్ లెన్స్, 2ఎంపి మ్యాక్రో లెన్స్ ఉన్నాయి. సెల్ఫీలు తీసుకునేందుకు, వీడియో కాల్స్ మాట్లాడేందుకు ముందువైపున 32ఎంపి కెమెరాను అమర్చారు. రియర్ కెమెరాలు నైట్ పోట్రెయిట్, బొకే ఫ్లేర్ పోట్రెయిట్, రియల్-టైమ్ ఎక్స్ట్రిమ్ నైట్ మోడ్, ఓఐఎస్ నైట్ వీడియో, బొకే నైట్ వీడియో తదితర ఫీచర్లను కలిగి ఉన్నాయి.