Vivo V27 సిరీస్ నేడు భారత్ లో లాంచైంది. ఈ లైనప్ లో Vivo V27 Pro మరియు Vivo V27 మోడల్స్ మార్కెట్ లోకి వచ్చాయి. భారత్ లో V-సిరీస్ కి ఉన్న డిమాండ్ గురించి ప్రత్యేకంగా చెప్పనవసరంలేదు. వి-సిరీస్ లాంచ్ కోసం ఎంతోమంది వివో ఫ్యాన్స్ ఎదురు చూస్తుంటారు. ఈ ఆర్టికల్ లో మనం Vivo V27 Pro విశేషాలను తెలుసుకుందాం.
Vivo V27 సిరీస్ Vivo S16 సిరీస్ కి రీబ్రాండ్ వర్షన్ గా వచ్చినట్లు సమాచారం. Vivo V27 Pro విషయానికి వస్తే మీడియాటెక్ డైమెన్సిటీ 8200 చిప్సెట్, 66 వాట్ ఫాస్ట్ చార్జింగ్, ఆండ్రాయిడ్ 13 ఓఎస్ తో వచ్చింది.
భారత్ లో Vivo V27 Pro ధర, సేల్ వివరాలు
Vivo V27 Pro స్మార్ట్ ఫోన్ 8జిబి ర్యామ్ + 128జిబి స్టోరేజీ, 8జిబి ర్యామ్ + 256జిబి స్టోరేజీ, 12జిబి ర్యామ్ + 256జిబి స్టోరేజీ వేరియంట్స్ లో లభిస్తుంది. 8జిబి+128జిబి యూనిట్ ధర రూ.37,999, 8జిబి+256జిబి వేరియంట్ ధర రూ.39,999, 12జిబి+256జిబి మోడల్ ధర రూ.42,999 గా నిర్ణయించారు. నేటి నుంచి ఈ డివైజ్ ప్రీ-బుకింగ్స్ మొదలయ్యాయి. మార్చి 6 నుంచి సేల్ మొదలవుతుంది.
లాంచ్ ఆఫర్ లో భాగంగా, Vivo సంస్థ ఐసీఐసీఐ, కొటక్, హెచ్డీబీ బ్యాంక్ కార్డ్స్ పై రూ.3,500 క్యాష్బ్యాక్ అందిస్తోంది. ఇంకా Vivo V27 Pro తో పాటు Vivo TWS Air కొంటే ఇయర్ బడ్స్ పై రూ.1000 డిస్కౌంట్ లభిస్తుంది. అలాగే వీ-షీల్డ్ ప్రొటెక్షన్ పై 40 శాతం డిస్కౌంట్ కూడా లభిస్తుంది. ఇవి ఆఫ్-లైన్ స్టోర్స్ ద్వారా లభించే ఆఫర్లు.
ఇక ఆన్లైన్ ద్వారా హెచ్డీఎఫ్సీ, కొటక్, ఐసీఐసీఐ బ్యాంక్ కార్డ్స్ పై రూ.3,000 డిస్కౌంట్ లభిస్తుంది. అలాగే రూ.2,500 వరకు ఎక్స్చేంజ్ బోనస్ లభిస్తుంది. Vivo V27 Pro డివైజ్ ని ఫ్లిప్ కార్ట్ తో పాటు వివో స్టోర్, ఆఫ్ లైన్ స్టోర్స్ లో కొనుగోలు చేయవచ్చు.
Vivo V27 Pro స్పెసిఫికేషన్స్
Vivo V27 Pro స్మార్ట్ ఫోన్ లో 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 2400*1080 పిక్సెల్స్ రెజుల్యూషన్, పంచ్-హోల్ కటౌట్ ఉన్నాయి. మీడియాటెక్ డైమెన్సిటీ 8200 చిప్సెట్ ఈ ఫోన్ లో వాడారు. 8జిబి/12జిబి ఎల్పీడీడీఆర్5 ర్యామ్, 128జిబి/256జిబి యూఎఫ్ఎస్ 3.1 స్టోరేజీ ఈ ఫోన్ లో అందించారు.
Vivo V27 Pro లో 4600 ఎంఏహెచ్ బ్యాటరీ ఇచ్చారు. ఇది 66 వాట్ ఫాస్ట్ చార్జింగ్ కి సపోర్ట్ చేస్తుంది. ఆండ్రాయిడ్ 13 ఓఎస్ ఆధారిత ఫన్టచ్ కస్టమ్ స్కిన్ పై ఈ ఫోన్ పని చేస్తుంది. భద్రత కోసం ఫింగర్ ప్రింట్ స్కానర్ అందించారు. డ్యూయల్ సిమ్ సపోర్ట్, కర్వ్డ్ ఎడ్జెస్ ఈ ఫోన్ లో ఉన్నాయి. 5జీ, 4జీ ఎల్టీఈ, డ్యూయల్ బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఈ ఫోన్ లో ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.