Vivo సంస్థ 2022 డిసెంబర్ లో చైనాలో Vivo S16 సిరీస్ ని లాంచ్ చేసింది. ఈ లైనప్ లో మొత్తం మూడు స్మార్ట్ ఫోన్స్ ఉన్నాయి. అవి: Vivo S16e, Vivo S16, Vivo S16 Pro. తాజాగా అందిన సమాచారం ఏంటంటే, Vivo S16 సిరీస్ భారత్ లో Vivo V27 సిరీస్ గా లాంచ్ అవుతోంది. Vivo V27 సిరీస్ భారత్ లో ఫిబ్రవరి రెండో వారంలో లేదా చివరి వారంలో లాంచ్ కానుందని తెలుస్తోంది.
గతంలో వచ్చిన కథనాలను బట్టి, Vivo V27 సిరీస్ భారతీయ మార్కెట్ లో 2023 మొదట్లోనే లాంచ్ అవ్వనుందని తెలిసింది. ఇక తాజాగా లాంచ్ టైమ్ లైన్ ని ట్వీట్ చేసిన టిప్స్టర్, Vivo S16 సిరీస్ డివైజెస్ పలు మార్పులు చేర్పులతో Vivo V27 సిరీస్ గా వస్తోందని తెలిపాడు. సరే, ఓసారి Vivo V27 సిరీస్ కి సంబంధించిన పూర్తి వివరాలు తెలుసుకుందాం పదండి.
గతేడాది, వివో సంస్థ Vivo S15 సిరీస్ ని భారతీయ మార్కెట్ లో Vivo V25 పేరుతో లాంచ్ చేసింది. దీంతో రానున్న Vivo V27 సిరీస్ విషయంలో కూడా ఇదే జరగనుంది. అయితే, Vivo V27 సిరీస్ లో భాగంగా ఎన్ని డివైజెస్ ని కంపెనీ లాంచ్ చేస్తుందన్న విషయం ఇంకా తెలియలేదు. సరే, మరొకసారి Vivo S16 స్పెసిఫికేషన్స్ పై కన్నేద్దాం పదండి.
Vivo S16 సిరీస్ స్పెసిఫికేషన్స్
Vivo S16, Vivo S16 Pro ఫోన్స్ 6.78-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, ఫుల్ హెచ్డీ+ రెజుల్యూషన్, హెచ్డీఆర్10+ తో వచ్చాయి. మరోవైపు Vivo S16e స్మార్ట్ ఫోన్ 6.62-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్ తో వచ్చింది.
Vivo S16 స్నాప్ డ్రాగన్ 870 చిప్సెట్, Vivo S16 Pro మీడియాటెక్ డైమెన్సిటీ 8200 చిప్సెట్, Vivo S16e ఎగ్జినోస్ 1080 ప్రాసెసర్స్ తో వచ్చాయి. Vivo S16 Pro డివైజ్ లో వివో 12జిబి ఎల్పీడీడీఆర్5 ర్యామ్ అందించింది. మరోవైపు Vivo S16, Vivo S16e ఫోన్లు 12జిబి ఎల్పీడీడీఆర్4ఎక్స్ ర్యామ్ తో వచ్చాయి. ఈ మూడు ఫోన్లు కూడా యూఎఫ్ఎస్ 3.1 స్టోరేజీ, ఆండ్రాయిడ్ 13 ఓఎస్ తో వచ్చాయి.
Vivo S16 సిరీస్ స్మార్ట్ ఫోన్లు 4600 ఎంఏహెచ్ బ్యాటరీ, 66 వాట్ ఫాస్ట్ చార్జింగ్ సపోర్ట్ ని కలిగి ఉన్నాయి. Vivo S16 Pro లో 50ఎంపి సోని ఐఎంఎక్స్766 సెన్సర్ ఉంది. ఇక Vivo S16 లో 64ఎంపి ప్రైమరీ కెమెరా ఉంది. Vivo S16e లో 50ఎంపి ప్రైమరీ కెమెరా ఉంది. Vivo S16, Vivo S16 Pro ఫోన్లు 50ఎంపి ఫ్రంట్ కెమెరాతో వచ్చాయి. ఇక Vivo S16e 16ఎంపి ఫ్రంట్ కెమెరాతో వచ్చింది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
