ప్రముఖ స్మార్ట్ ఫోన్ బ్రాండ్ వివో త్వరలో V29 సిరీస్ ని లాంచ్ చేయబోతోంది. ఈ లైనప్ లో కంపెనీ కనీసం రెండు ఫోన్లను లాంచ్ చేసే అవకాశం ఉంది. అవి: Vivo V29 Lite 5G మరియు Vivo V29 Pro 5G. అయితే ఈ రెండు మోడల్స్ కి మధ్యలో Vivo V29 5G కూడా వచ్చేందుకు చాన్స్ ఉంది. ఇంకా వివో సంస్థ డివైజెస్ వివరాలను కన్ఫర్మ్ చేయలేదు. జూన్ లో Vivo V29 సిరీస్ లాంచ్ కానుందని రూమర్ల ద్వారా తెలుస్తోంది. ఈలోపు ఒక కొత్త లీక్ ద్వారా Vivo V29 Lite 5G డిజైన్ రెండర్స్ లీక్ అయ్యాయి.
టిప్స్టర్ పారస్ గుగ్లాని, The Tech Outlook సౌజన్యంతో Vivo V29 Lite 5G డివైజ్ డిజైన్ రెండర్స్ షేర్ చేశారు. Vivo V29 Lite 5G ఫోన్ V2244 అనే మోడల్ నంబర్ ని కలిగి ఉంది. రిపోర్ట్ ద్వారా కొన్ని ముఖ్యమైన స్పెసిఫికేషన్స్ కూడా రివీల్ అయ్యాయి. ఆ విశేషాలేంటో తెలుసుకుందాం పదండి.
Vivo V29 Lite 5G డిజైన్ రెండర్స్
కొత్త మిడ్ రేంజ్ స్మార్ట్ ఫోన్ Vivo V29 Lite 5G త్వరలోనే లాంచ్ అవుతోంది. ఈలోపు ఫోన్ డిజైన్ రెండర్స్ ఆన్లైన్ లో లీక్ అయ్యాయి. గుగ్లాని షేర్ చేసిన ఇమేజెస్ ని బట్టి, Vivo V29 Lite 5G డివైజ్ కర్వ్డ్ ఫ్రేమ్, రియర్ ప్యానెల్ ని కలిగి ఉన్నట్లు తెలుస్తోంది. ఫోన్ కి కుడివైపున వాల్యూమ్ బటన్స్, పవర్ బటన్ ఉన్నాయి. బాటమ్ లో యూఎస్బీ టైప్-సీ పోర్ట్, స్పీకర్ గ్రిల్, సిమ్ ట్రే ఉన్నాయి.
Vivo V29 Lite 5G ఫోన్ ముందువైపున, సెంటర్డ్ హోల్-పంచ్ కటౌట్, సన్నని బెజెల్స్ ఉన్నాయి. రియర్ ప్యానెల్ పై రెక్టాంగ్యులర్ కెమెరా మాడ్యూల్ ఉంది. ఇందులో ట్రిపుల్ కెమెరా సెటప్ ఉంది. ఇంకా ఒక ఎల్ఈడీ ఫ్లాష్, కెమెరా సెన్సర్స్ ఉన్నాయి.
Vivo V29 Lite 5G స్పెసిఫికేషన్స్
డిస్ప్లే
- అమోలెడ్ డిస్ప్లే
- 6.78-ఇంచ్ స్క్రీన్
Vivo V29 Lite 5G స్మార్ట్ ఫోన్ లో 6.78-ఇంచ్ ఫుల్ హెచ్డీ+ అమోలెడ్ డిస్ప్లే, 2400*1080 పిక్సెల్స్ రెజుల్యూషన్, 90 హెర్ట్జ్ లేదా 120 హెర్ట్జ్ రిఫ్రెష్ రేట్ ఉన్నాయి.
చిప్సెట్, ర్యామ్, స్టోరేజీ
- స్నాప్ డ్రాగన్ 695 చిప్
- 8జిబి ర్యామ్
- 128జిబి స్టోరేజీ
Vivo V29 Lite 5G స్మార్ట్ ఫోన్ లో క్వాల్కమ్ స్నాప్ డ్రాగన్ 695 చిప్సెట్ ఉంటుంది. గూగుల్ ప్లే కన్సోల్ డేటాబేస్ లిస్టింగ్ ద్వారా ఈ విషయం ఖరారైంది. ఈ ఫోన్ లో 8జిబి ర్యామ్, 128జిబి స్టోరేజీ ఉంటాయి.
బ్యాటరీ, చార్జింగ్
- 5000 ఎంఏహెచ్
- 44 వాట్ చార్జింగ్
Vivo V29 Lite 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్, కనెక్టివిటీ
- ఆండ్రాయిడ్ 13
- 5జీ, 4జీ
Vivo V29 Lite 5G స్మార్ట్ ఫోన్ ఆండ్రాయిడ్ 13 ఓఎస్ పై పని చేస్తుంది. ఈ ఫోన్ లో 5జీ, 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి కనెక్టివిటీ ఆప్షన్స్ ఉన్నాయి.
కెమెరా విభాగం
- 64ఎంపి రియర్ కెమెరా
- 16ఎంపి ఫ్రంట్ కెమెరా
Vivo V29 Lite 5G స్మార్ట్ ఫోన్ లో 64ఎంపి రియర్ కెమెరా ఉంటుంది. దీంతో పాటు 2ఎంపి డెప్త్ సెన్సర్, 2ఎంపి మ్యాక్రో కెమెరా ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
Vivo V29 Lite 5G ధర
Vivo V29 Lite 5G డివైజ్ 8జిబి ర్యామ్ ఆప్షన్ ధర 299 డాలర్లు (సుమారు రూ.24,800) గా ఉంటుందని అంచనా.