ప్రముఖ స్మార్ట్ ఫోన్ బ్రాండ్ వివో సంస్థ వీ-సిరీస్ లో Vivo V29 Lite 5G డివైజ్ ని గ్లోబల్ మార్కెట్ లో లాంచ్ చేసేందుకు రెడీ అవుతోంది. ఈ స్మార్ట్ ఫోన్ కొన్ని రోజుల క్రితం Google Play Console లిస్టింగ్ పై కనిపించింది. ఇప్పుడు ఈ ఫోన్ GCF సర్టిఫికేషన్ వెబ్ సైట్ పై కనిపించింది. దీంతో అతి త్వరలో Vivo V29 Lite 5G డివైజ్ గ్లోబల్ గా లాంచ్ కానుందని అర్థమవుతోంది. సరే, ఓసారి Vivo V29 Lite 5G వివరాలు తెలుసుకుందాం పదండి.
GCF సర్టిఫికేషన్ పై కనిపించిన Vivo V29 Lite 5G
జీసీఎఫ్ సర్టిఫికేషన్ వెబ్ సైట్ పై Vivo V29 Lite 5G లిస్ట్ అయ్యింది. త్వరలోనే గ్లోబల్ గా ఈ ఫోన్ లాంచ్ కానుందని ఈ లిస్టింగ్ ద్వారా తెలిసింది. స్పెసిఫికేషన్స్ మరియు ఫీచర్స్ గురించి మాట్లాడితే, ఎటువంటి సమాచారం బయటకు రాలేదు. పేరుని బట్టి ఈ ఫోన్ 5జీ కనెక్టివిటీతో వస్తోందని అర్థమవుతోంది.
జీసీఎఫ్ సర్టిఫికేషన్ అనేది ఫోన్లు మరియు ఇతర మొబైల్ డివైజెస్ ని సర్టిఫై చేసే గ్లోబల్ అథారిటీ. మొబైల్ ఇండస్ట్రీ కి సంబంధించిన టెలీకామ్, ఆటోమోటివ్స్, ఐవోటీ, రిటైల్ మరియు ఇతర ఎన్నో ఏరియాల్లో సర్టిఫికేషన్స్ ప్రోగ్రామ్స్ ని జీసీఎఫ్ అథారిటీ ఆఫర్ చేస్తుంది.
Vivo V29 Lite 5G స్పెసిఫికేషన్స్ (అంచనా)
డిస్ప్లే: Vivo V29 Lite 5G స్మార్ట్ ఫోన్ లో ఫుల్ హెచ్డీ+ డిస్ప్లే ఇచ్చే అవకాశం ఉంది. ఇందులో వాటర్ డ్రాప్ నాచ్ లో సెల్ఫీ కెమెరా ఉంటుంది. డిస్ప్లే కి నాలుగు వైపులా సన్నని బెజెల్స్ ఉంటాయి.
చిప్సెట్: Vivo V29 Lite 5G స్మార్ట్ ఫోన్ లో స్నాప్ డ్రాగన్ 695 చిప్సెట్ ఉండే అవకాశం ఉంది. దీంతో పాటు ఈ ఫోన్ లో అడ్రెనో 619 జీపీయూ గ్రాఫిక్స్ వినియోగించనున్నారు.
ర్యామ్, స్టోరేజీ: Vivo V29 Lite 5G స్మార్ట్ ఫోన్ 8జిబి ర్యామ్, 128జిబి స్టోరేజీ తో రానుంది. ఇతర వేరియంట్స్ లో కూడా ఈ ఫోన్ వచ్చే అవకాశం ఉంది.
కనెక్టివిటీ: Vivo V29 Lite 5G లో 5జీ, డ్యూయల్ బ్యాండ్ వై-ఫై, బ్లూటూత్, జీపీఎస్, గ్లొనాస్, యూఎస్బీ టైప్-సీ చార్జింగ్ పోర్ట్, 3.5ఎంఎం ఆడియో జాక్ ఉండే అవకాశం ఉంది.
బ్యాటరీ, ఓఎస్: Vivo V29 Lite 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉండనుంది. ఈ డివైజ్ ఆండ్రాయిడ్ 13 ఓఎస్ ఆధారిత ఫన్టచ్ఓఎస్ 13 కస్టమ్ స్కిన్ పై పని చేయనుంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
