ప్రముఖ స్మార్ట్ ఫోన్ బ్రాండ్ వివో త్వరలో Vivo V29 సిరీస్ ని లాంచ్ చేయబోతోంది. వీ-సిరీస్ ఫ్యాన్స్ ఈ ఫోన్ల కోసం ఎంతగానో ఎదురు చూస్తున్నారు. జూన్ నెలలో ఈ సిరీస్ భారత్ లో లాంచ్ కానుందని సమాచారం. నేడు వివో సంస్థ యొక్క ఫిలిప్పైన్స్ వెబ్ సైట్ లో Vivo V29 Pro మోడల్ లిస్ట్ అయ్యింది. దీంతో లాంచ్ కి ముందు డివైజ్ కి సంబంధించిన ముఖ్యమైన స్పెసిఫికేషన్స్ బయటకు వచ్చాయి.
వివో వీ-సిరీస్ కి భారత మార్కెట్ లో చాలా డిమాండ్ ఉంది. జనాలు వివో వీ-సిరీస్ ఫోన్లను కొనేందుకు ఎంతో ఆసక్తి కనబరుస్తారు. ఇక వారి అంచనాలకు తగ్గట్లే తమ వీ-సిరీస్ ఫోన్లను వివో అన్ని రకాల ఫీచర్లతో తీసుకొస్తోంది. ఈసారి రాబోవు వివో వీ29 సిరీస్ ద్వారా సదరు సంస్థ జనాలను ఏ మేరకు ఆకట్టుకుంటుందో చూడాలి.
Vivo V29 Pro స్మార్ట్ ఫోన్ గురించి తెలిసిన ప్రధాన స్పెసిఫికేషన్స్ ఏంటో తెలుసుకుందాం పదండి.
Vivo V29 Pro స్పెసిఫికేషన్స్
డిస్ప్లే
- 6.7-ఇంచ్ ఓఎల్ఈడీ డిస్ప్లే
- 120 హెర్ట్జ్ రిఫ్రెష్ రేట్
Vivo V29 Pro స్మార్ట్ ఫోన్ లో 6.7-ఇంచ్ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 1080 పిక్సెల్ రెజుల్యూషన్ ఉంటాయని వెబ్ సైట్ లో పేర్కొనబడి ఉంది.
కెమెరా విభాగం
- 64ఎంపి కెమెరా
Vivo V29 Pro డివైజ్ లో ట్రిపుల్ రియర్ కెమెరా సెటప్ ఉంటుందని ప్రొడక్ట్ పేజీలో తెలపబడింది. 64ఎంపి ప్రైమరీ సెన్సర్ తో ఈ డివైజ్ వస్తోంది. మిగతా సెన్సర్స్ వివరాలు ఇంకా తెలియాల్సి ఉంది. సెల్ఫీస్, వీడియో కాల్స్ కోసం 50ఎంపి కెమెరా ఉంటుంది.
బ్యాటరీ, చార్జింగ్
- 5000 ఎంఏహెచ్
- 66 వాట్
Vivo V29 Pro లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఈ ఫోన్ 66 వాట్ ఫాస్ట్ చార్జింగ్ టెక్నాలజీతో వస్తోంది.
మెమొరీ వేరియంట్
- 12జిబి ర్యామ్
- 256జిబి స్టోరేజీ
Vivo V29 Pro సింగిల్ మెమొరీ వేరియంట్ వివో ఫిలిప్పైన్స్ వెబ్ సైట్ పై కనిపించింది. ఈ ఫోన్ 12జిబి ర్యామ్, 256జిబి స్టోరేజీని కలిగి ఉంది.
