ప్రముఖ స్మార్ట్ఫోన్ బ్రాండ్ Vivo నేడు భారతీయ మార్కెట్ లో Vivo V29 సిరీస్ ని లాంచ్ చేసింది. ఈ లైనప్ లో Vivo V29, V29 Pro డివైజెస్ మార్కెట్ లోకి వచ్చాయి. మెరుగైన కెమెరా, స్టైలిష్ లుక్స్ తో వచ్చిన ఈ ఫోన్లు యూజర్లను ఆకట్టుకోవడం ఖాయమనిపిస్తోంది. సరే, ఈ ఆర్టికల్ లో మనం Vivo V29 Pro గురించి తెలుసుకుందాం. Vivo V29 Pro డివైజ్ 12జిబి ర్యామ్, 80 వాట్ ఫాస్ట్ చార్జింగ్, 50ఎంపి కెమెరాతో వచ్చింది. సరే, ఓసారి ఈ ఫోన్ ధర ధర, పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Vivo V29 Pro ధర, ఆఫర్లు
Vivo V29 Pro డివైజ్ రెండు ర్యామ్ వేరియంట్స్ లో లభిస్తుంది. 8జిబి ర్యామ్ + 256జిబి స్టోరేజీ మోడల్ ధర రూ.39,999 గా ఉంది. 12జిబి ర్యామ్ + 256జిబి స్టోరేజీ వేరియంట్ ధరను రూ.42,999 గా నిర్ణయించారు. నేటి నుంచే ఈ ఫోన్ ప్రీ-బుకింగ్స్ మొదలయ్యాయి. అక్టోబర్ 10 నుంచి ఫ్లిప్కార్ట్, ఆఫ్లైన్ స్టోర్స్, వివో పార్ట్నర్ రిటైల్ స్టోర్స్ ద్వారా ఈ డివైజ్ ని కొనుగోలు చేయవచ్చు. కంపెనీ హెచ్డీఎఫ్సీ, ఎస్బీఐ కార్డ్స్ పై రూ.3,500 డిస్కౌంట్ ఆఫర్ ప్రకటించింది. దీంతో ఫోన్ రూ.36,499 కే లభించనుంది.
Vivo V29 Pro స్పెసిఫికేషన్స్
- డిస్ప్లే: Vivo V29 Pro లో 6.78-ఇంచ్ ఫుల్ హెచ్డీ+ స్క్రీన్, 2800*1260 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, అమోలెడ్ ప్యానెల్, 1300 నిట్స్ పీక్ బ్రైట్నెస్ ఉన్నాయి.
- చిప్సెట్: Vivo V29 Pro లో మీడియాటెక్ డైమెన్సిటీ 8200 చిప్ వాడారు. ఇది 4 నానోమీటర్ ఫ్యాబ్రికేషన్ ప్రాసెస్ పై తయారైంది.
- మెమొరీ: Vivo V29 Pro డివైజ్ 8జిబి/12జిబి ర్యామ్, 256జిబి స్టోరేజీ ఆప్షన్స్ లో లభిస్తుంది. ఎల్పీడీడీఆర్5ఎక్స్ ర్యామ్, యూఎఫ్ఎస్3.1 స్టోరేజీ టెక్నాలజీని ఈ ఫోన్ లో వాడారు.
- కెమెరా: Vivo V29 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ మెయిన్ కెమెరా, 12ఎంపి పొట్రెయిట్ కెమెరా, 8ఎంపి అల్ట్రావైడ్ యాంగిల్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా అందించారు.
- బ్యాటరీ: Vivo V29 Pro లో పవర్ బ్యాకప్ కోసం 4,600 ఎంఏహెచ్ బ్యాటరీ అందించారు. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Vivo V29 Pro లో డ్యూయల్ సిమ్, 5జీ, 4జీ, వై-ఫై, బ్లూటూత్, జీపీఎస్ వంటి ఆప్షన్స్ ఉన్నాయి.
- కలర్ ఆప్షన్స్: Vivo V29 Pro డివైజ్ హిమాలయన్ బ్లూ, స్పేస్ బ్లాక్ కలర్ ఆప్షన్స్ లో లభిస్తుంది.
- చుట్టుకొలత, బరువు: Vivo V29 Pro డివైజ్ 164 మి.మీ పొడవు, 74.37 మి.మీ వెడల్పు, 7.4 మి.మీ మందం, 188 గ్రాముల బరువు ఉంటుంది.