ప్రముఖ స్మార్ట్ ఫోన్ బ్రాండ్ Vivo త్వరలో Vivo V29 సిరీస్ ని లాంచ్ చేసేందుకు సిద్ధమవుతోంది. తొలుత భారతీయ మార్కెట్ లో Vivo V29e డివైజ్ లాంచ్ కానుంది. ఈ ఫోన్ ఆగస్టు 28 వ తేదీన భారత్ లో లాంచ్ అవుతుందని సమాచారం. ఫ్లిప్కార్ట్ ద్వారా ఈ ఫోన్ సేల్ కి వస్తోంది. అయితే లాంచ్ కి ముందు Vivo V29e డివైజ్ ఇండియన్ మార్కెట్ ధర లీక్ అయ్యింది. ఆ విశేషాలేంటో తెలుసుకుందాం పదండి.
Vivo V29e ధర (లీక్)
Vivo V29e కి సంబంధించిన పోస్టర్ ని The Tech Outlook షేర్ చేసింది. ఆ పోస్టర్ లో మెమొరీ వేరియంట్స్ మరియు వాటి ధరల వివరాలు పేర్కొనబడి ఉన్నాయి. లీక్ ప్రకారం, 8జిబి ర్యామ్ + 128జిబి స్టోరేజీ వేరియంట్ ధర రూ.26,999 గా ఉంది. 8జిబి ర్యామ్ + 256జిబి స్టోరేజీ మోడల్ ధర రూ.28,999 గా ఉంది. లీక్ ప్రకారం, Vivo V29e డివైజ్ ఆర్టిస్టిక్ బ్లాక్ మరియు ఆర్టిస్టిక్ బ్లూ కలర్ ఆప్షన్స్ లో లభిస్తుంది. అయితే మెమొరీ వేరియంట్ మరియు కలర్ ఆప్షన్స్ తదితర విషయాలపై వివో నుంచి అధికార ప్రకటన రావాల్సి ఉంది. సరే, ఓసారి Vivo V29e స్పెసిఫికేషన్స్ ఎలా ఉన్నాయో తెలుసుకుందాం.
Vivo V29e స్పెసిఫికేషన్స్
- స్క్రీన్: Vivo V29e స్మార్ట్ ఫోన్ లో 6.78-ఇంచ్ ఫుల్ హెచ్డీ+ డిస్ప్లే, 2402*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 1300 నిట్స్ పీక్ బ్రైట్నెస్ ఉంటాయి.
- బ్యాక్ కెమెరా: Vivo V29e స్మార్ట్ ఫోన్ లో డ్యూయల్ రియర్ కెమెరా సెటప్ ఉంటుంది. ఇందులో 64ఎంపి ఓఐఎస్ ప్రైమరీ కెమెరా, ఒక సెకండరీ లెన్స్ ఉంటాయి. రియర్ కెమెరా నైట్ మోడ్, పొట్రెయిట్ లెన్స్ ఉంటాయి.
- సెల్ఫీ కెమెరా: Vivo V29e డివైజ్ లో సెల్ఫీస్, వీడియో కాల్స్ కోసం 50ఎంపి ఫ్రంట్ కెమెరా ఉంటుంది. ఇది ఐ ఆటో ఫోకస్ టెక్నాలజీతో వస్తోంది.
- ప్రాసెసర్: Vivo V29e లో క్వాల్కమ్ స్నాప్ డ్రాగన్ 695 చిప్ ఉంటుంది. ఇది 6 నానోమీటర్ ప్రాసెస్ పై తయారైన ఆక్టా-కోర్ ప్రాసెసర్. ఈ చిప్ 2.2 గిగాహెర్ట్జ్ క్లాక్ స్పీడ్ ని కలిగి ఉంటుంది.
- ర్యామ్: Vivo V29e లో 8జిబి వరకు ర్యామ్ అందుబాటులో ఉంటుంది. ర్యామ్ 3.0 సపోర్ట్ ద్వారా 8జిబి వరకు ర్యామ్ ని పెంచుకోవచ్చు. అంటే యూజర్ కి 16జిబి ర్యామ్ లభిస్తుంది. 256జిబి వరకు స్టోరేజీని ఈ ఫోన్ ఆఫర్ చేస్తోంది.
- బ్యాటరీ: Vivo V29e స్మార్ట్ ఫోన్ లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది.
- ఫాస్ట్ చార్జింగ్: Vivo V29e స్మార్ట్ ఫోన్ లో 44 వాట్ ఫాస్ట్ చార్జింగ్ ని ఆఫర్ చేస్తున్నారు. నిమిషాల్లోనే ఈ ఫోన్ 0 నుంచి 50 శాతం వరకు చార్జ్ అవుతుందని కంపెనీ చెబుతోంది.