ప్రముఖ స్మార్ట్ఫోన్ బ్రాండ్ Vivo త్వరలో V40 సిరీస్ను లాంచ్ చేయనుంది. ఆగస్టు 7వ తేదీన లాంచ్ సమయాన్ని కంపెనీ ఖరారు చేసింది. ఈ లైనప్ లో Vivo V40 5G, Vivo V40 Pro 5G స్మార్ట్ఫోన్లు మార్కెట్ లోకి అడుగుపెట్టనున్నాయి. దీంతో గత మోడల్ Vivo V30 5G ధరను వివో రూ.2,000 తగ్గించింది. అంతేకాదు, రూ.3,600 వరకు డిస్కౌంట్ కూడా యూజర్లకు లభించనుంది. అంటే Vivo V30 5G డివైజ్ ప్రస్తుతం రూ.5,600 (రూ.2,000 + రూ.3600) తక్కువకే లభించనుంది. పూర్తి వివరాలు తెలుసుకుందాం పదండి.
Vivo V30 5G ధర తగ్గింపు, ఆఫర్లు
Vivo V30 5G డివైజ్ 3 మెమొరీ వేరియంట్స్ లో లాంచ్ అయ్యింది. 8జిబి ర్యామ్ + 128జిబి స్టోరేజీ వేరియంట్ లాంచ్ ధర రూ.33,999 గా ఉండగా, రూ.2,000 తగ్గింపుతో ఇది రూ.31,999 కి చేరింది.
Vivo V30 5G 8జిబి+256జిబి మోడల్ లాంచ్ ధర రూ.35,999 గా ఉండగా, రూ.2,000 తగ్గింపుతో ఇది రూ.33,999 కి చేరింది.
12జిబి ర్యామ్ + 256జిబి స్టోరేజీ లాంచ్ ధర రూ.37,999 గా ఉండగా రూ.2,000 తగ్గింపుతో ఇది రూ.35,999 కి చేరింది.
మరోవైపు రూ.3,600 వరకు బ్యాంక్ ఆఫర్ ప్రయోజనం కూడా యూజర్లకు లభించనుంది.
Vivo V30 5G 8జిబి+128జిబి వేరియంట్ పై రూ.3,200 బ్యాంక్ డిస్కౌంట్, 8జిబి+256జిబి మోడల్ పై రూ.3,400 బ్యాంక్ డిస్కౌంట్, 12జిబి+256జిబి వేరియంట్ పై రూ.3,600 బ్యాంక్ డిస్కౌంట్ అందుబాటులో ఉంది.
బ్యాంక్ డిస్కౌంట్ ఆఫర్ ఆగస్టు 1 వ తేదీ నుంచి ఆగస్టు 31వ తేదీ వరకు అందుబాటులో ఉంటుంది. ఈ ఆఫర్ కేవలం ఈ-స్టోర్స్ లో హెచ్డీఎఫ్సీ, ఎస్బీఐ మరియు ఐసీఐసీఐ క్రెడిట్/డెబిట్ కార్డ్స్ లావాదేవీలపై మాత్రమే వర్తిస్తుంది.
Vivo V30 5G స్పెసిఫికేషన్స్
డిస్ప్లే: Vivo V30 5G లో 6.78-ఇంచ్ ఫుల్ హెచ్డీ+ స్క్రీన్, అమోలెడ్ ప్యానెల్, 2800*1260 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 2800 నిట్స్ పీక్ బ్రైట్నెస్ ఉన్నాయి.
ప్రాసెసర్: Vivo V30 5G లో క్వాల్కమ్ స్నాప్డ్రాగన్ 7 జెన్ 3 చిప్సెట్ వాడారు. అల్ట్రా స్మార్ట్ కూలింగ్ సిస్టమ్ను ఈ ఫోన్లో అందించారు.
మెమొరీ: Vivo V30 5G డివైజ్ 8జిబి/12జిబి ర్యామ్, 256జిబి వరకు స్టోరేజీ ఆప్షన్స్ లో లభిస్తుంది. వర్చువల్ ర్యామ్ ఫీచర్ను ఈ ఫోన్ లో అందించారు. దీని ద్వారా 24జిబి వరకు ర్యామ్ పవర్ పెంచుకునే వీలుంది.
కెమెరా: Vivo V30 5G లో డ్యూయల్ రియర్ కెమెరా సెటప్ ఉంది. ఇందులో 50ఎంపి ఓఐఎస్ ప్రైమరీ కెమెరా, 50ఎంపి అల్ట్రావైడ్ యాంగిల్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 50ఎంపి ఫ్రంట్ కెమెరా అందించారు.
బ్యాటరీ: Vivo V30 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: Vivo V30 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.
