ప్రముఖ చైనీస్ స్మార్ట్ఫోన్ బ్రాండ్ Vivo త్వరలో భారతీయ మార్కెట్ లో వీ-సిరీస్ లో కొత్త ఫోన్ని లాంచ్ చేయనుంది. Vivo V40e పేరుతో ఈ డివైజ్ మార్కెట్ లో విడుదలవుతుంది. తాజాగా ఈ ఫోన్ యొక్క ఇండియన్ మార్కెట్ లాంచ్ తేదీని కంపెనీ ఖరారు చేసింది. సెప్టెంబర్ 25వ తేదీన ఈ ఫోన్ భారతగడ్డపై అడుగుపెట్టనుంది. కాగా, ఇప్పటికే వీ సిరీస్ లో వివో వీ40, వీ40 ప్రో లాంచ్ అయ్యాయి. ఈ లైనప్ లో Vivo V40e మూడవ ఫోన్.
Vivo V40e భారత మార్కెట్ లాంచ్ తేదీ ఖరారు
Vivo V40e స్మార్ట్ఫోన్ భారతీయ మార్కెట్ లో లాంచ్ కాబోయే తేదీని కంపెనీ టీజర్ ద్వారా ప్రకటించింది.
Vivo V40e డివైజ్ సెప్టెంబర్ 25వ తేదీన లాంచ్ అవుతుందని టీజర్ లో కంపెనీ పేర్కొంది.
ఈ-కామర్స్ వెబ్సైట్ ఫ్లిప్కార్ట్ ద్వారా Vivo V40e సేల్ కి రానుంది. గతంలో వివో వీ30ఈ కూడా ఇదే వేదిక ద్వారా అమ్మకానికి వచ్చింది.
Vivo V40e డిజైన్
Vivo V40e స్మార్ట్ఫోన్ యొక్క కలర్ ఆప్షన్స్ మైక్రోసైట్ ద్వారా తెలిసాయి. రాయల్ బ్రాంజ్ మరియు మింట్ గ్రీన్ కలర్స్ లో ఈ ఫోన్ లాంచ్ కానుంది.
బ్యాక్ ప్యానెల్ పై ఓవల్ షేప్డ్ కెమెరా మాడ్యూల్, ఎల్ఈడీ ఫ్లాష్ ఉంటాయి. వీటితో పాటు ఆరా లైట్ ఎల్ఈడీ ఉంటుంది.
Vivo V40e ఫ్రంట్ ప్యానెల్ విషయానికి వస్తే, 3డీ కర్వ్డ్ డిజైన్ అందించారు. కంపెనీ ప్రకారం, ఈ ఫోన్ 0.749 సెంటీమీటర్ల మందం ఉంటుందని తెలుస్తోంది. అలాగే బరువు 183 గ్రాముల బరువు ఉంటుంది.
Vivo V40e డివైజ్ గత మోడల్ తో పోల్చితే డిఫరెంట్ డిజైన్ కలిగి ఉంటుంది. గత మోడల్ లో బ్యాక్ ప్యానెల్ పై సర్క్యులర్ కెమెరా మాడ్యూల్ ఉండేది.
Vivo V40e స్పెసిఫికేషన్స్ (ఖరారైనవి)
డిస్ప్లే: Vivo V40e లో 6.77-ఇంచ్ 3డీ కర్వ్డ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1.07 బిలియన్ ట్రూ కలర్స్, 2392*1080 పిక్సెల్స్ రెజుల్యూషన్, 93.3 పర్సెంట్ స్క్రీన్ టు బాడీ రేషియో, 8,000,000:1 కాంట్రాస్ట్ రేషియో, పీ3 కలర్ గ్యామట్, హెచ్డీఆర్10+ సపోర్ట్, ఎస్జీఎస్ లో బ్లూ లైట్ సర్టిఫికేషన్ ఉంటాయి.
కెమెరా: Vivo V40e లో 50ఎంపి సోని ఓఐఎస్ ప్రొటెయిట్ మెయిన్ కెమెరా, 8ఎంపి అల్ట్రావైడ్ యాంగిల్ లెన్స్ ఉంటాయి. సెల్ఫీస్, వీడియో కాల్స్ కోసం ఐ ఏఎఫ్ గ్రూప్ సెల్ఫీ కెమెరా ఉంటుంది. బ్యాక్ ప్యానెల్ పై ఆరా లైట్ కూడా ఉంటుంది.
బ్యాటరీ, చార్జింగ్: Vivo V40e లో పవర్ బ్యాకప్ కోసం 5,500 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది.
Vivo V40e స్పెసిఫికేషన్స్ (అంచనా)
Vivo V40e స్మార్ట్ఫోన్ మీడియాటెక్ డైమెన్సిటీ 7300 చిప్సెట్, 8జిబి ర్యామ్, 256జిబి స్టోరేజీ, ఆండ్రాయిడ్ 14 ఓఎస్, ఫన్టచ్ఓఎస్ 14 కస్టమ్ స్కిన్ తో లాంచ్ అయ్యే అవకాశం ఉంది.