ప్రముఖ స్మార్ట్ఫోన్ బ్రాండ్ Vivo నుంచి త్వరలో X Fold 3 Pro ఫోల్డబుల్ ఫోన్ లాంచ్ కానుంది. ఇప్పటికే ఈ ఫోన్ చైనాలో లాంచ్ అయ్యింది. తాజాగా ఇండియా లాంచ్ ఖరారైంది. ఈ-కామర్స్ సైట్ ఫ్లిప్కార్ట్ పై Vivo X Fold 3 Pro యొక్క మైక్రోసైట్ లిస్ట్ అయ్యింది. దీంతో ఇండియా లాంచ్ పై స్పష్టత వచ్చింది. ఈ ఫోల్డబుల్ ఫోన్ ధర రూ.1 లక్షకి పైగా ఉంటుందని అంచనా వేస్తున్నారు. ఓసారి ఈ డివైజ్ స్పెసిఫికేషన్స్ మరియు ధర వివరాలు తెలుసుకుందాం.
Vivo X Fold 3 Pro ధర
Vivo X Fold 3 Pro స్మార్ట్ఫోన్ ధర భారత్ లో రూ.1.5 లక్షలు ఉంటుందని అంచనా వేస్తున్నారు. ఈ ఫోన్ రెండు మెమొరీ వేరియంట్స్ లో లాంచ్ కానుంది. ప్రారంభ ధర రూ.1,25,000 వద్ద ఉండవచ్చు. మరి ఇంత అధిక ధరతో శాంసంగ్, వన్ప్లస్ లను వివో ఎలా ఎదురుకుంటుందో చూడాలి.
Vivo X Fold 3 Pro స్పెసిఫికేషన్స్ (చైనా)
డిస్ప్లే: Vivo X Fold 3 Pro లో 6.53-ఇంచ్ ఎక్స్టర్నల్ స్క్రీన్, 2480*2200 పిక్సెల్స్ రెజుల్యూషన్, 8.03 ఇంచ్ ఇంటర్నల్ డిస్ప్లే (2748*1172 పిక్సెల్స్), ఎల్టీపీవో ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్, 4500 నిట్స్ బ్రైట్నెస్ ఉన్నాయి.
ప్రాసెసర్: Vivo X Fold 3 Pro డివైజ్ ఆండ్రాయిడ్ 14 ఓఎస్ ఆధారిత ఒరిజిన్ఓఎస్ 4 కస్టమ్ స్కిన్ పై పని చేస్తుంది.
కెమెరా: Vivo X Fold 3 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి ఒవి50హెచ్ మెయిన్ కెమెరా, 50ఎంపి అల్ట్రావైడ్ లెన్స్, 64ఎంపి పెరిస్కోప్ లెన్స్ ఉన్నాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా అందించారు.
బ్యాటరీ: Vivo X Fold 3 Pro లో పవర్ బ్యాకప్ కోసం 5700 ఎంఏహెచ్ బ్యాటరీ ఉంది. ఇది 100 వాట్ వైర్డ్ ఫాస్ట్ చార్జింగ్, 50 వాట్ వైర్లెస్ చార్జింగ్ కి సపోర్ట్ చేస్తుంది.
కనెక్టివిటీ: Vivo X Fold 3 Pro లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి ఆప్షన్స్ ఉన్నాయి.
