ప్రముఖ స్మార్ట్ఫోన్ బ్రాండ్ Vivo త్వరలో తన తదుపరి ఫ్లాగ్షిప్ సిరీస్ X200 ను లాంచ్ చేయనుంది. ఈ లైనప్లో Vivo X200, Vivo X200 Plus మరియు Vivo X200 Pro అనే మోడల్స్ ఎంట్రీ ఇవ్వనున్నాయి. తాజాగా Vivo X200 Pro యొక్క స్పెసిఫికేషన్స్ లీక్ అయ్యాయి. ఓసారి ఆ విశేషాలను తెలుసుకుందాం.
Vivo X200 Pro స్పెసిఫికేషన్స్ (లీక్)
టిప్స్టర్ డిజిటల్ చాట్ స్టేషన్ షేర్ చేసిన వివరాలు, త్వరలో చైనాలో లాంచ్ కాబోయే ఫ్లాగ్షిప్ ఫోన్వేనని అర్థమవుతోంది. అయితే ఫేరును టిప్స్టర్ పేర్కొనలేదు.
డిస్ప్లే: లీక్ ప్రకారం, Vivo X200 Pro లో 1.5కే 8టీ ఎల్టీపీవో ఐఎస్ఓ-డెప్త్ మైక్రో క్వాడ్-కర్వ్డ్ స్క్రీన్, అల్ట్రా-న్యారో బెజెస్, అల్ట్రాసోనిక్ ఇన్-స్క్రీన్ ఫింటర్ప్రింట్ స్కానర్ ఉంటాయి. గత రిపోర్ట్ ప్రకారం, వివో ఎక్స్200 ప్రో లో 6.7-ఇంచ్ ఓఎల్ఈడీ ప్యానెల్ ఉంటుందని సమాచారం.
కెమెరా: Vivo X200 Pro లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి 22ఎన్ఎమ్ సోని ప్రైమరీ కెమెరా, 50ఎంపి అల్ట్రావైడ్ లెన్స్, 200ఎంపి పెరిస్కోప్ టెలీఫోటో లెన్స్ ఉంటాయి. ఈ టెలీఫోటో లెన్స్ లో అడ్వాన్స్డ్ జూమ్ మరియు టెలీఫోటో మ్యాక్రో షూటింగ్ ఫీచర్స్ ఉంటాయి.
చిప్సెట్: Vivo X200 Pro స్మార్ట్ఫోన్ లో మీడియాటెక్ డైమెన్సిటీ 9400 ప్రాసెసర్ ఉంటుంది.
బ్యాటరీ: Vivo X200 Pro లో పవర్ బ్యాకప్ కోసం 6000 ఎంఏహెచ్ బ్యాటరీ ఉంటుంది.
ఇతర ఫీచర్లు: లీక్ ప్రకారం, Vivo X200 Pro డివైజ్ ఐపీ68/69 వాటర్ అండ్ డస్ట్ రెసిస్టన్స్ రేటింగ్ తో వస్తున్నట్లు తెలుస్తోంది.
Vivo X100, X100 Pro స్పెసిఫికేషన్స్
డిస్ప్లే: Vivo X100 మరియు Vivo X100 Pro డివైజెస్ లో 6.78-ఇంచ్ ఎల్టీపీవో అమోలెడ్ స్క్రీన్, 1.5కే పిక్సెల్ రెజుల్యూషన్, 20:9 యాస్పెక్ట్ రేషియో, హెచ్డీఆర్10+, 120 హెర్ట్జ్ రిఫ్రెష్ రేట్, 3,000 నిట్స్ పీక్ బ్రైట్నెస్, 2160హెర్ట్జ్ పీడబ్ల్యూఎమ్ డిమ్మింగ్ సపోర్ట్ ఉన్నాయి.
ప్రాసెసర్: Vivo X100 సిరీస్ లోని రెండు ఫోన్లలో మీడియాటెక్ డైమెన్సిటీ 9300 చిప్సెట్ వాడారు. గ్రాఫిక్స్ కోసం ఇమ్మోర్టాలిస్-జీ720 జీపీయూ వినియోగించారు.
కెమెరా: Vivo X100 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 64ఎంపి పెరిస్కోప్ టెలీఫోటో 3X ఆప్టికల్ జూమ్ లెన్స్, 50ఎంపి అల్ట్రావైడ్ కెమెరా ఉన్నాయి. Vivo X100 Pro లో ట్రిపుల్ రియర్ కెమెరా సెటప్ ఉంది. ఇందులో 50ఎంపి 1-ఇంచ్ మెయిన్ కెమెరా, 50ఎంపి 4.3X పెరిస్కోప్ టెలీఫోటో లెన్స్, 50ఎంపి అల్ట్రావైడ్ కెమెరా ఉన్నాయి. రెండు ఫోన్లలో 100X డిజిటల్ జూమ్ ఫీచర్ ఉంది. ఇక ప్రో-మోడల్ లో 8K వీడియో రికార్డింగ్ సపోర్ట్ ఉంది.
బ్యాటరీ: Vivo X100 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. Vivo X100 Pro లో పవర్ బ్యాకప్ కోసం 5,400 ఎంఏహెచ్ బ్యాటరీ ఇచ్చారు. ఇది 100 వాట్ వైర్డ్ ఫాస్ట్ చార్జింగ్, 50 వాట్ వైర్లెస్ చార్జింగ్ సపోర్ట్ని కలిగి ఉంది.
ఓఎస్: Vivo X100, Vivo X100 Pro డివైజెస్ ఆండ్రాయిడ్ 14 ఓఎస్ ఆధారిత ఫన్టచ్ ఓఎస్ కస్టమ్ స్కిన్ పై పని చేస్తాయి.
కనెక్టివిటీ: Vivo X100, Vivo X100 Pro ఫోన్లలో 5జీ, డ్యూయల్ సిమ్, బ్లూటూత్, వై-ఫై వంటి ఆప్షన్స్ ఉన్నాయి.
కలర్ ఆప్షన్స్: Vivo X100, Vivo X100 Pro స్మార్ట్ఫోన్లు బ్లాక్, ఆరెంజ్, బ్లూ మరియు వైట్ కలర్ ఆప్షన్స్ లో లభిస్తాయి.