హైలైట్స్:
- వివో ఎక్స్ సిరీస్ ఫోన్లను లాంచ్ చేసేందుకు సెప్టెంబర్ లో ఈవెంట్ నిర్వహించనున్న వివో
- ఈవెంట్ లో వివో ఎక్స్80 ప్రో+, వివో ఎక్స్80 లైట్ ఫోన్లు లాంచ్ అయ్యే అవకాశం
- క్వాల్కమ్ స్నాప్ డ్రాగన్ 8+ జెన్ 1 చిప్ తో రానున్న వివో ఎక్స్80 ప్రో+
వివో తన ఎక్స్80 సిరీస్ ని ఎక్స్పాండ్ చేయనున్నట్లు తెలుస్తోంది. త్వరలోనే వివో నుంచి వివో ఎక్స్80 ప్రో+ డివైజ్ లాంచ్ కానున్నట్లు సమాచారం. ఈ విషయం గతంలో ఓ లీక్ ద్వారా తెలిసింది. తాజాగా, జీఎస్ఎం ఎరీనా వివో ఎక్స్80 సిరీస్ కు సంబంధించి కొంత సమాచారాన్ని వెలికి తీసింది. దీని ప్రకారం, సెప్టెంబర్ లో వివో ఎక్స్80 లైట్, వివో ఎక్స్80 ప్రో+ లాంచ్ కానున్నట్లు సమాచారం.
సెప్టెంబర్ లో యాపిల్ సంస్థ ఐఫోన్ 14 లైనప్ ను లాంచ్ చేయనున్న సంగతి తెలిసిందే. దీంతో అందరి అటెన్షన్ ను తమవైపుకి తిప్పుకోవాలని వివో ప్రో+ ఫోన్ ని సెప్టెంబర్ లో లాంచ్ చేయాలని ప్లాన్ చేస్తున్నట్లు అర్థమవుతోంది. వివో కి చెందిన ఫ్లాగ్ షిప్ లైనప్ లో వివో ఎక్స్80 ప్రో+ అత్యంత ఖరీదైన ఫోన్. 2022 రెండో త్రైమాసికంలో చైనా ప్రీమియమ్ ఫోన్స్ సెగ్మెంట్ లో యాపిల్ తర్వాత, రెండో స్థానంలో నిలిచేందుకు ఎక్స్80 సిరీస్ వివో కి ఎంతగానో ఉపయోగపడింది. దీన్ని బట్టి చైనాలో ఎక్స్80 సిరీస్ ఏ రేంజ్ లో సక్సెస్ అయ్యిందో చెప్పవచ్చు.
Vivo X80 Pro+ స్పెసిఫికేషన్స్, ధర (అంచనా)
వివో ఎక్స్80, వివో ఎక్స్80 ప్రో ఫోన్లు వరుసగా రూ.54,999, రూ.79,999 ధరతో లాంచ్ అయ్యాయి. ఇప్పుడు వివో ఎక్స్80 ప్రో+ ధర మరింత అధికంగా ఉండే అవకాశముంది. అదిరిపోయే స్పెసిఫికేషన్స్ తో సూపర్ ప్రీమియమ్ ఫోన్ గా వివో ఎక్స్80 ప్రో+ రానుంది.
వివో ఎక్స్80 ప్రో+ లో క్వాల్కమ్ స్నాప్ డ్రాగన్ 8+ జెన్ 1 చిప్, ఓఐఎస్ తో కూడిన జీస్-ట్యూన్డ్ కెమెరాస్ ఉండనున్నాయి. క్వాడ్ రియర్ కెమెరా సెటప్ లో 50ఎంపి ప్రైమరీ సెన్సర్, 48ఎంపి అల్ట్రావైడ్ కెమెరా, 50ఎంపి శాంసంగ్ ఐసోసెల్ జెఎన్1, 50ఎంపి ఐసోసెల్ జెఎన్2 సెన్సర్లు ఉండనున్నాయి. వివో ఎక్స్80 ప్రో+ 200 వాట్ చార్జర్ లేదా 120 వాట్ చార్జర్ తో వచ్చే అవకాశముంది.
ఇటీవలె వివో ఎక్స్80 ప్రో ఆండ్రాయిడ్ 13 అప్డేట్ పొందింది. దీంతో, రాబోవు వివో ఎక్స్80 ప్రో+ లేటెస్ట్ ఆండ్రాయిడ్ ఓఎస్ తో లాంచ్ అయ్యే అవకాశముంది. లేదంటే, లాంచ్ అయిన వెనువెంటనే అప్డేట్ వస్తుందేమో చూడాలి. ఇవి కాకుండా, ఇంకా ఈ ఫోన్ లో అమోలెడ్ ప్యానెల్ ఉండనుంది. వివో ఎక్స్80 ప్రో+ స్పెసిఫికేషన్స్ ఇంకా రహస్యంగానే ఉన్నాయి. అయితే రానున్న రోజుల్లో వివో ఎక్స్80 ప్రో+ స్మార్ట్ ఫోన్ కి సంబంధించిన మరింత సమాచారం తెలిసే అవకాశముంది.
లేెటెస్ట్ స్మార్ట్ ఫోన్, ఆటోమొబైల్, టెలీకామ్, ఓటీటీ సమాచారం కోసం 91మొబైల్స్ తెలుగు వెబ్ సైట్ ని విజిట్ చేయండి.
