2022 నవంబర్ లో చైనాలో లాంచైన Vivo X90 సిరీస్ తాజాగా గ్లోబల్ గా లాంచైంది. ఈ లైనప్ లో మొత్తం 3 ఫోన్లు ఉన్నాయి. అవి: Vivo X90, Vivo X90 Pro, Vivo X90 Pro+. అయితే Vivo X90 Pro+ మోడల్ మాత్రం చైనాకు మాత్రమే పరిమితం కానుంది.
ఇక Vivo X90, Vivo X90 Pro విషయానికి వస్తే, ఈ ఫోన్లు హై-గ్రేడ్ కెమెరాలు, ఫ్లాగ్షిప్ చిప్సెట్స్, అల్ట్రా-ఫాస్ట్ చార్జింగ్ కెపాసిటీస్ తో వస్తోంది. రెండు డివైజెస్ కూడా వివిధ యూరోపియన్, ఏషియన్ మార్కెట్స్ తో పాటు ఇండియాలో కూడా లాంచ్ కానున్నాయి.
Vivo X90, Vivo X90 Pro ఫోన్లు అమోలెడ్ డిస్ప్లే, మీడియాటెక్ డైమెన్సిటీ 9200 చిప్సెట్, 50ఎంపి జీస్ ప్రైమరీ కెమెరాలు, డెడికేటెడ్ వీ2 చిప్, 120 వాట్ ఫాస్ట్ చార్జింగ్ సపోర్ట్ తో వచ్చాయి. సరే, ఓసారి Vivo X90, Vivo X90 Pro స్మార్ట్ ఫోన్ల యొక్క ధరలు, స్పెసిఫికేషన్స్, లభ్యత తదితర వివరాలను తెలుసుకుందాం పదండి.
Vivo X90, Vivo X90 Pro ధరలు, లభ్యత
Vivo X90, Vivo X90 Pro స్మార్ట్ ఫోన్లు నేడు మలేషియాలో లాంచ్ అయ్యాయి. అయితే 12జిబి ర్యామ్, 256జిబి స్టోరేజీ గల సింగిల్ వేరియంట్ లో మాత్రమే వచ్చాయి. వీటి ధరలు ఎలా ఉన్నాయో చూద్దాం. Vivo X90 ధర MYR 3,699 (సుమారు రూ.70,000) గా ఉంది. Vivo X90 Pro ధర MYR 4,999 (సుమారు రూ.95,000) గా ఉంది. Vivo X90 బ్రీజ్ బ్లూ, ఆస్టరాయిడ్ బ్లాక్ కలర్ ఆప్షన్స్ లో లభించనుండగా, Vivo X90 Pro డివైజ్ కేవలం లెజెండ్ బ్లాక్ కలర్ ఆప్షన్ లో లభించనుంది.
ముందుగా ఫోన్లను బుక్ చేసుకునే వారికి ఉచితంగా Vivo TWS Air ఇయర్ బడ్స్ తో పాటు, ప్రొటెక్షన్ ప్లస్ ప్లాన్ లభించనుంది. ఈ ప్రొటెక్షన్ ప్లాన్ ద్వారా ఒక ఏడాది ఎక్స్టెండెడ్ ఫోన్ వ్యారంటీ, ఒక ఏడాది స్క్రీన్ క్రాక్ ప్రొటెక్షన్, ఒక ఏడాది బ్యాటరీ వ్యారంటీ లభించనుంది.
భారతదేశంలో Vivo X90, Vivo X90 Pro డివైజెస్ లాంచ్ అయిన తర్వాత ధరల వివరాలు తెలియనున్నాయి.
Vivo X90 స్పెసిఫికేషన్స్
Vivo X90 స్మార్ట్ ఫోన్ లో 6.78-ఇంచ్ కర్వ్డ్ ఫుల్ హెచ్డీ+ క్యూ9 అల్ట్రా-విజన్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, పంచ్-హోల్ కటౌట్, 32ఎంపి సెల్ఫీ కెమెరా, హెచ్డీఆర్10+, 2800*1260 పిక్సెల్స్ రెజుల్యూషన్ ఉన్నాయి. ఈ ఫోన్ మీడియాటెక్ డైమెన్సిటీ 9200 చిప్సెట్ ని కలిగి ఉంది. 12జిబి ఎల్పీడీడీఆర్5 ర్యామ్, 256జిబి 4.0 స్టోరేజీ ఈ ఫోన్ లో ఉన్నాయి.
Vivo X90 డివైజ్ లో ట్రిపుల్ రియర్ కెమెరా సెటప్ ఉంది. ఇందులో ఓఐఎస్ తో కూడిన 50ఎంపి సోని ఐఎంఎక్స్866 మెయిన్ సెన్సర్, 12ఎంపి సోని ఐఎంఎక్స్663 అల్ట్రావైడ్ ఓఐఎస్ లెన్స్, 12ఎంపి 2x పొట్రెయిట్ లెన్స్ ఉన్నాయి.
Vivo X90 స్మార్ట్ ఫోన్ లో 5జీ, 4జీ ఎల్టీఈ, డ్యూయల్ బ్యాండ్ వై-ఫై 6, బ్లూటూత్ 5.2, జీపీఎస్, యూఎస్బీ టైప్-సీ 2.0 పోర్ట్ ఉన్నాయి. ఈ ఫోన్ లో పవర్ బ్యాకప్ కోసం 4810mAh బ్యాటరీ ఇచ్చారు. ఇది 120 వాట్ డ్యూయల్ సెల్ ఫ్లాష్ చార్జింగ్ సపోర్ట్ తో వస్తోంది. ఈ ఫోన్ ఐపీ64 వాటర్ అండ్ డస్ట్ రెసిస్టన్స్ రేటింగ్ తో వస్తోంది.
Vivo X90 డివైజ్ 164 మిల్లీ మీటర్ల పొడవు, 74.4 మిల్లీ మీటర్ల వెడల్పు, 8.4 మిల్లీ మీటర్ల మందం, 200 గ్రాముల బరువు ఉంటుంది. భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ ఇచ్చారు. ఈ డివైజ్ ఆండ్రాయిడ్ 13ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేయనుంది.
Vivo X90 Pro స్పెసిఫికేషన్స్
Vivo X90 Pro స్మార్ట్ ఫోన్ లో 6.78-ఇంచ్ కర్వ్డ్ ఫుల్ హెచ్డీ+ క్యూ9 అల్ట్రా-విజన్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, పంచ్-హోల్ కటౌట్, 1300 నిట్స్ పీక్ బ్రైట్నెస్ ఉన్నాయి. ఈ ఫోన్ లో మీడియాటెక్ డైమెన్సిటీ 9200 చిప్సెట్ వాడారు. ఫోన్ బ్యాక్ ప్యానెల్ పై సర్క్యులర్ మాడ్యూల్ లో ట్రిపుల్ కెమెరాలు ఉంటాయి. వీ2 ఐఎస్పీ చిప్ తో ఈ ఫోన్ వస్తోంది. 12జిబి ఎల్పీడీడీఆర్5 ర్యామ్, 256జిబి యూఎఫ్ఎస్ 4.0 స్టోరేజీ ఈ ఫోన్ లో ఉన్నాయి.
Vivo X90 Pro డివైజ్ లో 1-ఇంచ్ 50ఎంపి సోని ఐఎంఎక్స్989 ప్రైమరీ కెమెరా సెన్సర్, 12ఎంపి సోని ఐఎంఎక్స్663 అల్ట్రావైడ్ కెమెరా, 50ఎంపి సోని ఐఎంఎక్స్758 పొట్రెయిట్ సెన్సర్ ఉంటాయి. సెల్ఫీస్, వీడియో కాల్స్ కోసం ఇందులో 32 ఎంపి కెమెరా ఇచ్చారు.
Vivo X90 Pro లో పవర్ బ్యాకప్ కోసం 4870mAh బ్యాటరీ ఇచ్చారు. ఇది 120 వాట్ ఫ్లాష్ చార్జింగ్ కి సపోర్ట్ చేస్తుంది. 0 నుంచి 50 శాతం చార్జ్ అయ్యేందుకు 8 నిమిషాల సమయం పడుతుంది. ఈ ఫోన్ 50 వాట్ వైర్లెస్ చార్జింగ్ తో వస్తోంది. ఈ ఫోన్ లో 5జీ, 4జీ ఎల్టీఈ, ఎన్ఎఫ్సీ, డ్యూయల్-బ్యాండ్ వై-ఫై 6, బ్లూటూత్ 5.3, జీపీఎస్, యూఎస్బీ టైప్-సీ పోర్ట్ ఉంటాయి.
Vivo X90 Pro డివైజ్ 164 మిల్లీ మీటర్ల పొడవు, 74.5 మిల్లీ మీటర్ల వెడల్పు, 9.3 మిల్లీ మీటర్ల మందం, 214.85 గ్రాముల బరువు ఉంటుంది. ఈ ఫోన్ లో భద్రత కోసం ఇన్-డిస్ప్లే ఫింగర్ ప్రింట్ స్కానర్ ఇచ్చారు. ఈ ఫోన్ ఆండ్రాయిడ్ 13 ఓఎస్ ఆధారిత ఒరిజిన్ఓఎస్ 3 కస్టమ్ స్కిన్ పై పని చేస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.