హైలైట్స్
- గ్లోబల్ గా లాంచ్ అయిన Vivo Y02 స్మార్ట్ ఫోన్
- మీడియాటెక్ చిప్సెట్, 5000 ఎంఏహెచ్ బ్యాటరీ, 3జిబి ర్యామ్ తో వచ్చిన Vivo Y02
- త్వరలోనే ఇతర ఆసియా దేశాల్లో లాంచ్ కానున్న Vivo Y02
ప్రముఖ స్మార్ట్ ఫోన్ తయారీదారు వివో తాజాగా బడ్జెట్ ఫ్రెండ్లీ ఫోన్ Vivo Y02 ని లాంచ్ చేసింది. ప్రస్తుతం Vivo Y02 ఇండోనేషియా మార్కెట్ కే పరిమితం కానుంది. త్వరలోనే ఇతర ఆసియా మార్కెట్స్ లో లాంచ్ కానుంది. ఎటువంటి హడావుడి లేకుండా Vivo Y02 ని తన గ్లోబల్ వెబ్ సైట్ ద్వారా వివో లాంచ్ చేసింది. 3జిబి ర్యామ్, మీడియాటెక్ చిప్సెట్, 5000 ఎంఏహెచ్ బ్యాటరీ తో ఈ ఫోన్ ఎంట్రీ ఇచ్చింది. ఇతర వివరాలు ఎలా ఉన్నాయో తెలుసుకుందాం పదండి.
Vivo Y02 స్పెసిఫికేషన్స్
2.5డి యూనిబాడీ డిజైన్ పై Vivo Y02 స్మార్ట్ ఫోన్ తయారైంది. 6.51-ఇంచ్ హెచ్డీ+ ఐపీఎస్ ఎల్సీడీ డిస్ప్లే, 1600*720 పిక్సెల్ రెజుల్యూషన్, వాటర్ డ్రాప్ నాచ్ ఈ ఫోన్ లో ఉన్నాయి. ఫోన్ డిస్ప్లే మూడు వైపులా బెజెల్స్ లేకుండా, క్రింద భాగాన మందపాటి చిన్ ని కలిగి ఉంది. Vivo Y02 డివైజ్ 163.99 మిల్లీ మీటర్ల పొడవు, 75.63 మిల్లీ మీటర్ల వెడల్పు, 8.49 మిల్లీ మీటర్ల మందం, 186 గ్రాముల బరువు ఉంటుంది.
Vivo Y02 స్మార్ట్ ఫోన్ ఆండ్రాయిడ్ 12 గో ఎడిషన్ ఓఎస్ ఆధారిత ఫన్టచ్ ఓఎస్ 12 పై పని చేస్తుంది. గూగుల్ గో యాప్స్ ని ఈ ఫోన్ లో ఇన్స్టాల్ చేసి వాడుకోవచ్చు. తక్కువ ర్యామ్ ని మాత్రమే వాడుకుని ఈ గూగుల్ గో యాప్స్ పని చేస్తాయి. అలాగే ఈ యాప్స్ తక్కువ స్టోరేజీని తీసుకోవడంతో పాటు, తక్కువ ఇంటర్నెట్ డేటాను వాడుకుంటాయి. Vivo Y02 లో మీడియాటెక్ ప్రాసెసర్ వాడారు. అయితే కంపెనీ చిప్సెట్ పేరు తెలపలేదు.
Vivo Y02 స్మార్ట్ ఫోన్ కెమెరా విభాగం గురించి తెలుసుకుందాం. Vivo Y02 లో 8 మెగా పిక్సెల్ సింగిల్ రియర్ కెమెరా, ఎల్ఈడీ ఫ్లాష్ ఉంటాయి. సెల్ఫీలు, వీడియో కాల్స్ కోసం 5 మెగా పిక్సెల్ ఫ్రంట్ కెమెరా ఉంటుంది.
Vivo Y02 డ్యూయల్ సిమ్ ఫోన్. మైక్రోఎస్డీ కార్డ్ సాయంతో మెమొరీని 1 టెరాబైట్ వరకు పెంచుకోవచ్చు. భద్రత కోసం ఈ ఫోన్ లో ఫేస్ అన్లాక్ ఫీచర్ అందించారు. పవర్ బ్యాకప్ కోసం, Vivo Y02 లో 5000 ఎంఏహెచ్ బ్యాటరీ ఇచ్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.
Vivo Y02 ధర
Vivo Y02 స్మార్ట్ ఫోన్ వివో గ్లోబల్ వెబ్ సైట్ లో రెండు ర్యామ్ వేరియంట్స్ లో కనిపిస్తోంది. బేస్ వేరియంట్ 2జిబి ర్యామ్ తో వస్తుండగా, మరొక వేరియంట్ 3జిబి ర్యామ్ తో వస్తోంది. రెండు వేరియంట్లు కూడా 32జిబి ఇంటర్నల్ స్టోరేజీని కలిగి ఉన్నాయి. Vivo Y02 ఆర్కిడ్ బ్లూ, కాస్మిక్ గ్రే కలర్ ఆప్షన్స్ లో లభిస్తుంది.
Vivo Y02 ధర IDR 14,99,000 (సుమారు రూ.7,700). భారత్ లో ఈ ఫోన్ లాంచ్ అయ్యాక ధరలో మార్పు ఉండే అవకాశం ఉంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.