ప్రముఖ చైనీస్ స్మార్ట్ఫోన్ బ్రాండ్ Vivo త్వరలో ఒక బడ్జెట్ స్మార్ట్ఫోన్ని లాంచ్ చేయనుంది. Vivo Y03 పేరుతో ఈ డివైజ్ మార్కెట్ లోకి రానుంది. తాజాగా ఈ ఫోన్ సర్టిఫికేషన్ వెబ్సైట్ ఎన్బీటీసీ పై లిస్ట్ అయ్యింది. అలాగే ఫోన్ డిజైన్, ధర, స్పెసిఫికేషన్స్ మరో లీక్ ద్వారా రివీల్ అయ్యాయి. వివో వై03 డివైజ్ మీడియాటెక్ హీలియో జీ85 ప్రాసెసర్, 6.56-ఇంచ్ ఎల్సీడీ డిస్ప్లే, 13ఎంపి ప్రైమరీ కెమెరా వంటి స్పెసిఫికేషన్స్ తో వస్తోంది. సరే, ఓసారి లీకైన వివరాలు తెలుసుకుందాం పదండి.
Vivo Y03 డిజైన్ (లీక్)
Vivo Y03 స్మార్ట్ఫోన్ కి సంబంధించిన కొత్త లీక్ను Appuals షేర్ చేసింది. ఈ లీక్ ద్వారా స్పెసిఫికేషన్స్ మరియు డిజైన్ రివీల్ అయ్యాయి.
డిజైన్ విషయానికి వస్తే, ఈ ఫోన్ ఫ్లాట్, మ్యాట్ ఫినిష్ బ్యాక్ ప్యానెల్ కలిగి ఉంది. బ్యాక్ ప్యానెల్ పై డ్యూయల్ కెమెరా యూనిట్, ఎల్ఈడీ ఫ్లాష్ ఉన్నాయి. కెమెరా లెన్స్ చుట్టూ గోల్డెన్ రింగ్ ఉంది.
Vivo Y03 స్మార్ట్ఫోన్ గ్రీన్ మరియు బ్లాక్ కలర్ ఆప్షన్స్ లో లభిస్తుందని ఇమేజెస్ ద్వారా తెలుస్తోంది.
Vivo Y03 డివైజ్ ముందువైపు టియర్డ్రాప్ నాచ్ కటౌట్ ఉంది.
Vivo Y03 ధర (లీక్)
లీకైన రిపోర్ట్స్ ప్రకారం, Vivo Y03 స్మార్ట్ఫోన్ ధర 100 డాలర్లు గా ఉంటుందని తెలుస్తోంది. అంటే భారతీయ కరెన్సీలో రూ.8,280 అని చెప్పవచ్చు. లాంచ్ ప్రకటన త్వరలోనే వచ్చే అవకాశం ఉంది.
Vivo Y03 స్పెసిఫికేషన్స్ (లీక్)
- డిస్ప్లే: లీక్ ప్రకారం, Vivo Y03 లో 6.56-ఇంచ్ ఐపీఎస్ ఎల్సీడీ స్క్రీన్, హెచ్డీ+ రెజుల్యూషన్, 90 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: Vivo Y03 లో మీడియాటెక్ హీలియో జీ85 చిప్సెట్ ఉంటుంది. ఇది ఆక్టా-కోర్ ప్రాసెసర్.
- ర్యామ్, స్టోరేజీ: Vivo Y03 డివైజ్ 4జిబి ర్యామ్ + 64జిబి స్టోరేజీ మరియు 4జిబి ర్యామ్ + 128జిబి స్టోరేజీ ఆప్షన్స్ లో లభించనుంది. ఈ ఫోన్ 4జిబి ఎక్స్టెండెడ్ ర్యామ్ ఫీచర్ తో వస్తోంది.
- కెమెరా: Vivo Y03 లో డ్యూయల్ రియర్ కెమెరా సెటప్ ఉంటుంది. ఇందులో 13ఎంపి మెయిన్ కెమెరా, 0.08ఎంపి క్యూవీజీఏ సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఉంటుంది.
- బ్యాటరీ: Vivo Y03 లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ కోసం యూఎస్బీ టైప్-సీ పోర్ట్ అందించనున్నారు.
- ఓఎస్: Vivo Y03 ఆండ్రాయిడ్ 14 ఓఎస్ ఆధారిత ఫన్టచ్ ఓఎస్ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Vivo Y03 లో డ్యూయల్ సిమ్, 4జీ, వై-ఫై, బ్లూటూత్, ఐపీ54 రేటింగ్ ఉంటాయి.
Vivo Y03 ఎన్బీటీసీ లిస్టింగ్ వివరాలు
Vivo Y03 స్మార్ట్ఫోన్ సర్టిఫికేషన్ వెబ్సైట్ ఎన్బీటీసీ పై V2332 మోడల్ నంబర్ తో లిస్ట్ అయ్యింది.
Vivo Y03 డివైజ్ ఎల్టీఈ కనెక్టివిటీతో రానుందని ఎన్బీటీసీ లిస్టింగ్ ద్వారా తెలిసింది. మిగతా వివరాలేవీ లిస్టింగ్ ద్వారా తెలియలేదు.
