వచ్చే నెలలో భారత్ లో Vivo Y100 స్మార్ట్ ఫోన్ లాంచ్ కానుంది. దీంతో పాటు వివో వై56 ఫోన్ కూడా లాంచ్ అవుతుందని అంచనా. ఇప్పుడు 91మొబైల్స్ మీకోసం ఎక్స్క్లూజివ్ గా Vivo Y100 ఫోన్ యొక్క స్పెసిఫికేషన్స్, హార్డ్వేర్ వివరాలను తీసుకొచ్చింది. అలాగే లీక్ ద్వారా Vivo Y100 అంచనా ధర కూడా తెలిసింది. ఈ ఫోన్ మీడియాటెక్ డైమెన్సిటీ చిప్సెట్, ఆండ్రాయిడ్ 13 ఓఎస్ తో వస్తున్నట్లు తెలిసింది.
Vivo Y100 స్మార్ట్ ఫోన్ సన్నని, తక్కువ బరువు కలిగిన బాడీ డిజైన్, ఇంకా కలర్ చేంజింగ్ బ్యాక్ ప్యానెల్ తో వస్తోంది. టూ-కలర్-చేంజింగ్ వేరియంట్స్ లో వస్తోన్న మొదటి ఫోన్ ఇదే కావడం విశేషం. ఇదివరకు Vivo V23 Pro, Vivo V25 Pro ఫోన్లు కలర్ చేంజింగ్ డిజైన్ తో వచ్చినప్పటికీ, అవి కేవలం సింగిల్ కలర్ వేరియంట్ లోనే లభించాయి.
భారత్ లో Vivo Y100 5G ధర (అంచనా)
ధర విషయానికి వస్తే, భారత్ లో Vivo Y100 ధర దాదాపు రూ.27,000 గా ఉండే అవకాశం ఉంది. అయితే దీని కంటే ఇంకాస్త తక్కువ ధరలో కూడా ఉండే చాన్సెస్ ఉన్నాయి. వచ్చే నెలలో ఫోన్ లాంచ్ అయ్యాక అసలైన ధర ఏంటో తెలియనుంది.
Vivo Y100 స్పెసిఫికేషన్స్
Vivo Y100 స్మార్ట్ ఫోన్ అమోలెడ్ డిస్ప్లే, హెచ్డీఆర్ 10+, 1300 నిట్స్ పీక్ బ్రైట్నెస్ తో వస్తోంది. డిస్ప్లే సైజ్ ఇంకా రివీల్ కాలేదు. ఈ హ్యాండ్సెట్ మీడియాటెక్ డైమెన్సిటీ 900 చిప్సెట్, ఏఆర్ఎం మాలి-జీ68 ఎంపీ4 (900MHz) జీపీయూ తో రానుంది. 6జిబి ర్యామ్, 128జిబి స్టోరేజీ వేరియంట్ లో ఫోన్ లభించనుంది.
ఇప్పుడు Vivo Y100 యొక్క కెమెరా విభాగం ఎలా ఉండనుందో తెలుసుకుందాం. ఈ ఫోన్ 64ఎంపి మెయిన్ కెమెరాతో వస్తోంది. ఇది ఆప్టికల్ ఇమేజ్ స్టెబిలైజేషన్ (OIS) సపోర్ట్ తో వస్తోంది. దీని బట్టి, మెయిన్ కెమెరా రిజల్ట్స్ బాగుంటాయని అంచనా వేయవచ్చు. Vivo Y100 ఫోన్ 5జీ కనెక్టివిటీతో వస్తోంది. ప్రస్తుతానికి Vivo Y100 కి సంబంధించి ఇవే వివరాలు అందుబాటులో ఉన్నాయి.
Vivo Y100 స్పెసిఫికేషన్స్ చూస్తే బాగున్నాయనిపిస్తోంది. ఓఐఎస్ మెయిన్ కెమెరా, అమోలెడ్ డిస్ప్లే, మీడియాటెక్ డైమెన్సిటీ 900 చిప్సెట్ వంటి ఫీచర్లు ప్రస్తుతానికి హైలైట్ గా నిలుస్తున్నాయి. ధర శ్రేణి కూడా రూ.27,000 గా ఉండనుందని అంచనాలు వ్యక్తమవుతుండటం శుభపరిణామం. త్వరలోనే పూర్తి వివరాలు వెల్లడికానున్నాయి.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
