చైనీస్ స్మార్ట్ ఫోన్ బ్రాండ్ వివో త్వరలో వై-సిరీస్ లో ఒక కొత్త ఫోన్ ని లాంచ్ చేయనుందని సమాచారం. అసలైతే, మహేశ్ టెలీకామ్ తన ట్విట్టర్ ఖాతా ద్వారా Vivo Y100A లాంచ్ గురించి తెలిపింది. అఫీషియల్ లాంచ్ కి ముందు Vivo Y100A 5G ధర, స్పెసిఫికేషన్స్ కూడా రివీల్ అయ్యాయి. ఇక ఇటీవలె వివో సంస్థ Vivo Y100 ఫోన్ ని మార్కెట్ లోకి తీసుకొచ్చింది. సరే, ఓసారి Vivo Y100A 5G యొక్క వివరాలను తెలుసుకుందాం పదండి.
Vivo Y100A 5G ధర
రిపోర్ట్ ని బట్టి Vivo Y100A 5G డివైజ్ 8జిబి ర్యామ్ + 256జిబి స్టోరేజీ వేరియంట్ లో లాంచ్ కానుంది. ఈ వేరియంట్ ధర భారత్ లో రూ.26,999 గా ఉండే అవకాశం ఉంది. కానీ, లాంచ్ సమయంలో ఈ ఫోన్ తక్కువ ర్యామ్ మరియు స్టోరేజీతో ఎంట్రీ ఇచ్చే చాన్స్ ఉంది. స్టోరేజీని పెంచుకునేందుకు ఈ ఫోన్ లో మైక్రోఎస్డీ కార్డ్ ఫెసిలీటీ ఇస్తున్నారు.
Vivo Y100A స్పెసిఫికేషన్స్ (అంచనా)
- 6.38-ఇంచ్ డిస్ప్లే
- మీడియాటెక్ డైమెన్సిటీ 920 5జీ చిప్
- 64ఎంపి ట్రిపుల్ రియర్ కెమెరా
- 16ఎంపి ఫ్రంట్ కెమెరా
- 8జిబి ర్యామ్, 256జిబి స్టోరేజీ
- 4500 ఎంఏహెచ్ బ్యాటరీ
- 44 వాట్ ఫాస్ట్ చార్జింగ్
Vivo Y100A 5G డివైజ్ 6.38-ఇంచ్ ఫుల్ హెచ్డీ+ అమోలెడ్ డిస్ప్లే ని కలిగి ఉంటుంది. మీడియాటెక్ డైమెన్సిటీ 920 ప్రాసెసర్ ని ఈ ఫోన్ లో వాడారు. ఈ ఫోన్ 8జిబి ర్యామ్, 256జిబి స్టోరేజీ ఆప్షన్ లో లభిస్తుంది. ఈ డివైజ్ మీడియాటెక్ స్మార్ట్ అడాప్టివ్ డిస్ప్లే అనే ఫీచర్ కి సపోర్ట్ చేస్తుంది.
Vivo Y100A 5G లో ట్రిపుల్ రియర్ కెమెరా సెటప్ ఉంటుంది. ఇందులో 64ఎంపి మెయిన్ కెమెరా, 2ఎంపి డెప్త్ సెన్సర్, 2ఎంపి మ్యాక్రో లెన్స్ ఉంటాయి. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఉంటుంది. పవర్ బ్యాకప్ కోసం ఈ డివైజ్ లో 4500 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
భారత్ లో Vivo Y100A 5G ఎప్పుడు లాంచ్ అవుతుంది?
ప్రస్తుతం వివో సంస్థ Vivo Y100A 5G ఫోన్ వివరాలను ఇంకా పంచుకోలేదు. కానీ, ఈ నెలలోనే డివైజ్ ని అఫీషియల్ గా లాంచ్ చేయనున్నట్లు సమాచారం. అయితే, ఈ ఫోన్ ని కంపెనీ సీక్రెట్ గా తన వెబ్ సైట్ లో లిస్ట్ చేసే అవకాశం ఉంది. డివైజ్ కి సంబంధించిన సమాచారం రాగానే మీకు అప్డేట్ అందిస్తాం.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
