ప్రముఖ స్మార్ట్ఫోన్ బ్రాండ్ Vivo త్వరలో భారతీయ మార్కెట్ లో Vivo Y200 డివైజ్ ని లాంచ్ చేయనుంది. ఈ ఫోన్ ధర రూ.25,000 లోపు ఉంటుందని అంచనా వేస్తున్నారు. ఆరా లైట్ ఓఐఎస్ పొట్రెయిట్ ప్రధాన ఫీచర్ గా ఈ ఫోన్ మార్కెట్ లోకి రానుంది. తాజాగా ఈ ఫోన్ భారత మార్కెట్ ధర, ఆఫర్స్ వివరాలు లీక్ అయ్యాయి. సరే, ఓసారి ఆ విశేషాలేంటో తెలుసుకుందాం పదండి.
Vivo Y200 లాంచ్ ఆఫర్స్
- Appuals ప్రచురించిన కథనం ప్రకారం, Vivo Y200 డివైజ్ 8జిబి ర్యామ్ మరియు 128జిబి స్టోరేజీ వేరియంట్ ధర రూ.21,999 గా ఉంటుందని తెలుస్తోంది. క్రింద ఇవ్వబడిన ఆఫర్స్ చెక్ చేయండి.
- Vivo Y200 కొనుగోలు చేసే వారికి ఎస్బీఐ, ఇండస్ఇండ్, బీవోబీ బ్యాంక్ కార్డ్స్ ఈఎంఐ ట్రాన్సాక్షన్స్ పై రూ.2,500 వరకు క్యాష్బ్యాక్ లభిస్తుంది. 2023 అక్టోబర్ 31 వరకు మాత్రమే ఈ ఆఫర్ అందుబాటులో ఉంటుంది.
- ఇకపోతే వివో వీ-షీల్డ్ ప్లాన్ క్రింద 40 శాతం వరకు డిస్కౌంట్ కూడా లభిస్తుంది. వీ-షీల్డ్ అనేది యాక్సిడెంటల్ డ్యామేజ్ ప్రొటెక్షన్ ప్లాన్. ఫిజికల్ మరియు ఫ్లూయిడ్ డ్యామేజెస్ కి వర్తిస్తుంది.
Vivo Y200 స్పెసిఫికేషన్స్
- స్క్రీన్: Vivo Y200 5G లో 6.67-ఇంచ్ డిస్ప్లే, అమోలెడ్ ప్యానెల్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Vivo Y200 5G లో క్వాల్కమ్ స్నాప్ డ్రాగన్ 4 జెన్ 1 చిప్సెట్ వాడనున్నారు. ఇది 5జీ ప్రాసెసర్.
- ఓఎస్: Vivo Y200 5G డివైజ్ ఆండ్రాయిడ్ 13 ఓఎస్ ఆధారిత ఫన్టచ్ ఓఎస్ 13 కస్టమ్ స్కిన్ పై పని చేస్తుంది.
- మెమొరీ: Vivo Y200 5G లో 8జిబి ర్యామ్, 128జిబి స్టోరేజీ ఉంటాయి. ఇతర ర్యామ్, స్టోరేజీ ఆప్షన్స్ ఉండే అవకాశం ఉంది. ఈ డివైజ్ వర్చువల్ ర్యామ్ ఫీచర్ తో వస్తోంది. దీని ద్వారా 8జిబి వరకు ర్యామ్ ని పెంచుకునే వీలుంది. దీంతో యూజర్ కి 16జిబి వరకు ర్యామ్ పవర్ లభిస్తుంది.
- రియర్ కెమెరా: Vivo Y200 5G లో డ్యూయల్ రియర్ కెమెరా సెటప్ ఉంటుంది. ఇందులో 64ఎంపి ఓఐఎస్ మెయిన్ కెమెరా, 2ఎంపి బొకే లెన్స్ ఉంటాయి. వీటికి తోడు ఒక స్మార్ట్ ఆరా లైట్ ఫ్లాష్ ఉంటుంది.
- ఫ్రంట్ కెమెరా: Vivo Y200 5G లో సెల్ఫీస్, వీడియో కాల్స్ కోసం 16ఎంపి మెయిన్ కెమెరా ఉంటుంది.
- బ్యాటరీ: Vivo Y200 5G లో పవర్ బ్యాకప్ కోసం 4,800 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- కనెక్టివిటీ: Vivo Y200 5G లో 5జీ, 4జీ, డ్యూయల్ సిమ్, వై-ఫై 6, బ్లూటూత్ 5.2, జీపీఎస్ వంటి కనెక్టివిటీ ఆప్షన్స్ ఉంటాయి.
- ఇతర ఫీచర్లు: Vivo Y200 5G లో భద్రత కోసం ఇన్-డిస్ప్లే ఫింగర్ ప్రింట్ స్కానర్ అందిస్తున్నారు. ఇంకా ఈ ఫోన్ స్లిమ్ బాడీ కలిగి ఉంటుందని తెలుస్తోంది. Vivo Y200 5G డివైజ్ 7.69 మి.మీ మందం మాత్రమే ఉంటుందని సమాచారం.