ప్రముఖ స్మార్ట్ఫోన్ బ్రాండ్ Vivo తన వై-సిరీస్ని మరింత విస్తృతం చేయబోతోంది. అందులో భాగంగా Vivo Y200 డివైజ్ ని చైనాలో లాంచ్ చేయనుంది. అయితే ఇంతవరకు దీనికి సంబంధించి అధికార ప్రకటన బయటకు రాలేదు. కానీ, ఈలోపు Vivo Y200 గీక్బెంచ్ మరియు 3సీ సర్టిఫికేషన్ సైట్స్ పై లిస్ట్ అయ్యింది. దీంతో డివైజ్ యొక్క ప్రధాన స్పెసిఫికేషన్స్ రివీల్ అయ్యాయి. ఓసారి ఆ విశేషాలను తెలుసుకుందాం.
Vivo Y200 గీక్బెంచ్ లిస్టింగ్
బెంచ్మార్కింగ్ వెబ్సైట్ గీక్బెంచ్ పై ఓ కొత్త Vivo ఫోన్ V2343A అనే మోడల్ నంబర్ తో లిస్ట్ అయ్యింది. ఇది Vivo Y200 అయ్యుంటుందని భావిస్తున్నారు.
సింగిల్-కోర్ట్ టెస్ట్ లో 931 పాయింట్లు, మల్టీ-కోర్ట్ టెస్ట్ లో 2846 పాయింట్లు స్కోర్ చేసింది.
ఈ ఫోన్ క్వాల్కమ్ స్నాప్డ్రాగన్ 6 జెన్ 1 చిప్సెట్ తో గీక్బెంచ్ పై లిస్ట్ అయ్యింది.
ఆండ్రాయిడ్ 14 ఓఎస్, 12జిబి ర్యామ్ తో Vivo Y200 డివైజ్ వస్తున్నట్లు గీక్బెంచ్ ద్వారా వెల్లడైంది.
Vivo Y200 3సీ లిస్టింగ్
Vivo కంపెనీకి చెందిన కొత్త ఫోన్ 3సీ సర్టిఫికేషన్ వెబ్సైట్ పై V2343A అనే మోడల్ నంబర్ తో లిస్ట్ అయ్యింది.
3సీ ప్లాట్ఫామ్ ప్రకారం, Vivo Y200 ఫోన్ 80 వాట్ ఫాస్ట్ చార్జింగ్ తో వస్తున్నట్లు అర్థమవుతోంది.
3సీ లిస్టింగ్ పై V8073L0A1-CN, V8073L0E0-CN, V8073L0B0-CN, V8073L0D0-CN అనే మోడల్ నంబర్లు గల ఛార్జర్లను Vivo Y200 టెస్టింగ్ కోసం వాడారు.
3సీ లిస్టింగ్ పై 10W (5V/2A), 15W (5V/3A), 18W (9V/2A), 80W (11V/7.3A) చార్జింగ్ సపోర్ట్ వివరాలు కనిపించాయి.
Vivo Y200 5G స్పెసిఫికేషన్స్
డిస్ప్లే: Vivo Y200 5G లో 6.67-ఇంచ్ ఫుల్ హెచ్డీ+ స్క్రీన్, అమోలెడ్ ప్యానెల్, 2400*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, 800 నిట్స్ బ్రైట్నెస్ ఉంటాయి.
ప్రాసెసర్: Vivo Y200 5G లో క్వాల్కమ్ స్నాప్డ్రాగన్ 4 జెన్ 1 చిప్సెట్ ఉంటుంది. ఇది 6 నానోమీటర్ ఫ్యాబ్రికేషన్ పై తయారైంది. గ్రాఫిక్స్ కోసం అడ్రెనో జీపీయూ ఉంటుంది.
ర్యామ్, స్టోరేజీ: Vivo Y200 5G డివైజ్ 8జిబి ఎల్పీడీడీఆర్4ఎక్స్ ర్యామ్, 128జిబి/ 256జిబి స్టోరేజీ ఆప్షన్స్ లో లాంచ్ అయ్యే అవకాశం ఉంది.
కెమెరా: Vivo Y200 5G లో డ్యూయల్ రియర్ కెమెరా సెటప్ ఉంది. ఇందులో 64ఎంపి ప్రైమరీ కెమెరా, ఆరా ఎల్ఈడీ ఫ్లాష్, 2ఎంపి పొట్రెయిట్ సెన్సర్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
బ్యాటరీ: Vivo Y200 5G లో పవర్ బ్యాకప్ కోసం 4,800 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.