ప్రముఖ టెక్ బ్రాండ్ Vivo రీసెంట్ గా భారతీయ మార్కెట్ లో Vivo Y100 మరియు Vivo Y100A ఫోన్ల ధరలను తగ్గించింది. ఈలోపు తన కొత్త డివైజ్ Vivo Y200 ని లాంచ్ చేసేందుకు వివో సన్నద్ధమవుతోంది. ఇటీవలె Vivo Y200 గురించి లీక్స్ రావడం ప్రారంభమైంది. తాజాగా వివో కంపెనీ అధికారికంగా Vivo Y200 భారత లాంచ్ ని టీజర్ ద్వారా కన్ఫర్మ్ చేసింది. అయితే వివో ఇంకా కచ్చితమైన లాంచ్ తేదీని ప్రకటించాల్సి ఉంది. సరే, ఓసారి Vivo Y200 ఇండియా లాంచ్ టైమ్లైన్ వివరాలు, అంచనా స్పెసిఫికేషన్స్ తెలుసుకుందాం పదండి.
Vivo Y200 అఫీషియల్ టీజర్
Get set to spread your aura.
Coming Soon.#SpreadYourAura #vivoY200 #ItsMyStyle #5G #vivo #vivoYSeries pic.twitter.com/IpkTFGakza
— vivo India (@Vivo_India) October 9, 2023
స్టైల్ గెట్స్ అండ్ అప్గ్రేడ్ అనే క్యాప్షన్ తో వివో ఇండియా Vivo Y200 టీజర్ షేర్ చేసింది. గత మోడల్ తో పోల్చితే Vivo Y200 అప్డ్రేడెడ్ డిజైన్ తో రానున్నట్లు స్పష్టమవుతోంది. ఇంకా మరే విషయాలను వివో వెల్లడించలేదు.
కానీ, కొన్ని రోజుల క్రితం Vivo Y200 స్పెసిఫికేషన్స్ ఇవేనంటూ ఓ వార్త బయటకు వచ్చింది. మరి, ఆ లీకైన స్పెసిఫికేషన్స్ ఏంటో తెలుసుకుందాం.
Vivo Y200 స్పెసిఫికేషన్స్
- స్క్రీన్: Vivo Y200 లో 6.67-ఇంచ్ అమోలెడ్ డిస్ప్లే, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉండే అవకాశం ఉంది.
- ప్రాసెసర్: Vivo Y200 లో క్వాల్కమ్ స్నాప్ డ్రాగన్ 4 జెన్ 1 చిప్ వాడనున్నారు. గ్రాఫిక్స్ కోసం అడ్రెనో 619 జీపీయూ వినియోగించే అవకాశం ఉంది.
- మెమొరీ: Vivo Y200 లో 8జిబి ర్యామ్, 8జిబి వర్చువల్ ర్యామ్, 128జిబి స్టోరేజీ ఉంటాయి.
- సాఫ్ట్వేర్: Vivo Y200 ఆండ్రాయిడ్ 13 ఓఎస్ ఆధారిత ఫన్టచ్ఓఎస్ 13 కస్టమ్ స్కిన్ పై పని చేస్తుంది.
- కెమెరా: Vivo Y200 లో డ్యూయల్ రియర్ కెమెరా సెటప్ ఉంటుంది. ఇందులో 64ఎంపి ఓఐఎస్ మెయిన్ కెమెరా, 2ఎంపి డెప్త్ సెన్సర్ ఉంటాయి. స్మార్ట్ ఆరా లైట్ ఫ్లాష్ ని ఈ ఫోన్ లో అందించనున్నారు. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
- బ్యాటరీ: Vivo Y200 లో పవర్ బ్యాకప్ కోసం 4,800 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్ఫర్ కోసం ఈ ఫోన్ లో యూఎస్బీ టైప్-సీ చార్జింగ్ పోర్ట్ అందిస్తున్నారు.
- సెక్యూరిటీ: భద్రత కోసం ఈ ఫోన్ లో ఇన్-డిస్ప్లే ఫింగర్ ప్రింట్ స్కానర్ అందిస్తున్నారు.
- బరువు, మందం: Vivo Y200 డివైజ్ 190 గ్రాముల బరువు, 7.69 మి.మీ మందం ఉంటుంది.
- కనెక్టివిటీ: Vivo Y200 లో 5జీ, 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి ఆప్షన్స్ ఉంటాయి.