ప్రముఖ స్మార్ట్ఫోన్ బ్రాండ్ Vivo త్వరలో Y200e 5G అనే స్మార్ట్ఫోన్ ని భారత్ లో లాంచ్ చేయనుంది. వివో ఫ్యాన్స్ ఈ ఫోన్ లాంచ్ కోసం ఆసక్తిగా ఎదురు చూస్తున్నారు. ఈలోపు వివో Vivo Y200e 5G లాంచ్ టీజర్ ను షేర్ చేసింది. దీంతో అతి త్వరలో లాంచ్ ఉంటుందని తెలుస్తోంది. Vivo Y200e 5G డివైజ్ ఇకో ఫైబర్ లెదర్, 3డీ ఎంబాస్డ్ లైన్ టెక్షర్ తో కూడిన బ్యాక్ ప్యానెల్ తో వస్తోంది. సరే, ఓసారి టీజర్ విశేషాలతో పాటు, అంచనా స్పెసిఫికేషన్స్ గురించి తెలుసుకుందాం పదండి.
Vivo Y200e 5G టీజర్ వివరాలు
Get set to carry your style.
Coming Soon.#vivoY200e5G #vivoYSeries #ItsMyStyle pic.twitter.com/dRr4ecrxmq
— vivo India (@Vivo_India) February 15, 2024
- Vivo కంపెనీ త్వరలో రాబోవు Y200e 5G యొక్క టీజర్ను షేర్ చేసింది. దీని ప్రకారం, ఈ ఫోన్ భారత్ లో ఫిబ్రవరి ఆఖర్లో లాంచ్ అయ్యే అవకాశం ఉంది.
- Vivo Y200e 5G టీజర్ ని గమనిస్తే, బ్యాక్ ప్యానెల్ లెదర్ ఫినిషింగ్ తో కనిపిస్తోంది. చూడటానికి డివైజ్ ఎంతో అట్రాక్టివ్ గా ఉంది.
- రీసెంట్ గా Vivo Y200e 5G డివైజ్ సర్టిఫికేషన్ వెబ్సైట్ బీఐఎస్ పై V2336 అనే మోడల్ నంబర్ తో లిస్ట్ అయ్యింది.
- Vivo Y200e 5G ధర టిప్స్టర్ అభిషేక్ యాదవ్ ప్రకారం, రూ.20,000 లోపు ఉండే అవకాశం ఉంది.
Vivo Y200e 5G ధర, స్పెసిఫికేషన్స్ (అంచనా)
Vivo Y200e 5G స్మార్ట్ఫోన్ ధర భారతీయ మార్కెట్ లో రూ.20,000 లోపు ఉంటుందని టిప్స్టర్ అభిషేక్ యాదవ్ ద్వారా తెలుస్తోంది.
టిప్స్టర్ ద్వారా Vivo Y200e 5G యొక్క పూర్తి స్పెసిఫికేషన్స్ రివీల్ అయ్యాయి. ఆ ఓసారి అవెలా ఉన్నాయో చూద్దాం.
- డిస్ప్లే: Vivo Y200e 5G లో 6.67-ఇంచ్ ఫుల్ హెచ్డీ+ అమోలెడ్ స్క్రీన్, 120 హెర్ట్జ్ రిఫ్రెష్ రేట్, 1200 నిట్స్ పీక్ బ్రైట్నెస్ ఉంటాయి.
- ప్రాసెసర్: Vivo Y200e 5G లో క్వాల్కమ్ స్నాప్డ్రాగన్ 4 జెన్ 2 చిప్సెట్ ఉంటుంది.
- ర్యామ్, స్టోరేజీ: Vivo Y200e 5G లో 8ిజబి ర్యామ్, 8జిబి వర్చువల్ ర్యామ్, 128జిబి స్టోరేజీ ఉంటాయి.
- బ్యాటరీ: Vivo Y200e 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంటుంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- కెమెరా: Vivo Y200e 5G లో ట్రిపుల్ రియర్ కెమెరా సెటప్ ఉండవచ్చు. ఇందులో 50ఎంపి మెయిన్ కెమెరా, రెండు ఇతర సెన్సర్ ఉంటాయని సమాచారం. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉండే అవకాశం ఉంది.
- ఓఎస్: Vivo Y200e 5G డివైజ్ ఆండ్రాయిడ్ 14 ఓఎస్ ఆధారిత ఫన్టచ్ ఓఎస్ కస్టమ్ స్కిన్ తో లాంచ్ కానుంది.
- కనెక్టివిటీ: Vivo Y200e 5G లో డ్యూయల్ సిమ్, 5జీ, 4జీ, బ్లూటూత్, వై-ఫై, జీపీఎస్ వంటి ఆప్షన్స్ ఉంటాయి.