ప్రముఖ స్మార్ట్ ఫోన్ బ్రాండ్ వివో త్వరలోనే ఓ కొత్త ఫోన్ ని లాంచ్ చేయనున్నట్లు తెలుస్తోంది. Vivo Y27 4G పేరుతో భారతీయ మార్కెట్లోకి ప్రవేశించే ‘Y’ సిరీస్లోని కొత్త స్మార్ట్ఫోన్పై వివో పని చేస్తున్నట్లు వార్తలు వస్తున్నాయి. కంపెనీ ఇంకా అధికారిక సమాచారం ఇవ్వనప్పటికీ, కొత్త లీక్ ద్వారా Vivo Y27 4G ధర, మెమరీ వేరియంట్లు మరియు లాంచ్ వివరాలు బయటకు వచ్చాయి. ఆ విశేషాలేంటో తెలుసుకుందాం పదండి.
లీకైన Vivo Y27 4G వివరాలు
ధర శ్రేణి
Vivo Y27 4G కనెక్టివిటీతో వచ్చే మిడ్-బడ్జెట్ ఫోన్. లీక్లో, ఈ ఫోన్ ధర సుమారు రూ. 16,000 అని చెప్పబడింది. ఇది ఫోన్ యొక్క ప్రారంభ ధర కావచ్చు. లీక్ ప్రకారం, ఈ Vivo ఫోన్ నలుపు, ఆకుపచ్చ మరియు ముదురు ఎరుపు రంగులలో విక్రయించబడుతుంది.
మెమొరీ వేరియంట్స్
Vivo Y27 4G ఫోన్ను రెండు మెమరీ వేరియంట్లలో లాంచ్ చేయవచ్చు. దాని బేస్ వేరియంట్లో, 4 GB RAMతో 64 GB ఇంటర్నల్ స్టోరేజ్ ఉండవచ్చు. పెద్ద వేరియంట్లో 6 GB RAM, 128 GB స్టోరేజీ ఉండవచ్చు. ఈ ఫోన్ గరిష్ట ధర దాదాపు రూ.18 వేలు.
లాంచ్ టైమ్లైన్
కొత్త వివో ఫోన్ ని భారతదేశంలో సదరు కంపెనీ జులై నెలలో లాంచ్ చేయనుందని లీక్ ద్వారా తెలుస్తోంది. ఇది భారతీయ మార్కెట్తో సహా గ్లోబల్ మార్కెట్లో లాంచ్ కానుంది. జూలై మొదటి వారంలోనే ఈ స్మార్ట్ ఫోన్ మార్కెట్ లోకి ఎంట్రీ ఇస్తుందని భావిస్తున్నారు.
Vivo Y27 4G స్పెసిఫికేషన్స్ (లీక్)
- డిస్ప్లే: Vivo Y27 4G స్మార్ట్ ఫోన్ లో 6.5-ఇంచ్ హెచ్డీ+ డిస్ప్లే, 1600*720 పిక్సెల్ రెజుల్యూషన్, ఐపీఎస్ ఎల్సీడీ డిస్ప్లే, 60 హెర్ట్జ్ రిఫ్రెష్ రేట్ ఉంటాయి.
- చిప్సెట్: Vivo Y27 4G డివైజ్ లో మీడియాటెక్ హీలియో జీ82 ప్రాసెసర్ ఉంటుందని సమాచారం. ఈ స్మార్ట్ ఫోన్ ఆండ్రాయిడ్ 13 ఓఎస్ ఆధారిత ఫన్టచ్ఓఎస్ 13 కస్టమ్ స్కిన్ పై పని చేస్తుంది.
- కెమెరా: Vivo Y27 4G స్మార్ట్ ఫోన్ లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా సెన్సర్ ఉంటుంది. మరో సెన్సర్ వివరాలు తెలియలేదు. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
- బ్యాటరీ: Vivo Y27 4G స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.