ప్రముఖ స్మార్ట్ఫోన్ బ్రాండ్ Vivo నుంచి త్వరలో వై-సిరీస్ లో ఒక కొత్త ఫోన్ లాంచ్ కానుంది. Vivo Y300 Pro 5G పేరుతో ఈ ఫోన్ మార్కెట్ లోకి వస్తోంది. అయితే అధికారికంగా ఈ ఫోన్ వివరాలు వెల్లడి కాలేదు. కానీ తాజాగా ఒక లీక్ ద్వారా మోడల్ నంబర్ మరియు పేరు రివీల్ అయ్యాయి. Vivo Y200 Pro 5G కి సక్సెసర్ గా ఈ ఫోన్ వస్తోంది. ఓసారి పూర్తి వివరాలు తెలుసుకుందాం.
Vivo Y300 Pro 5G వివరాలు
Vivo Y300 Pro 5G డివైజ్ కి సంబంధించిన సమాచారాన్ని Gizmochina వెబ్సైట్ రివీల్ చేసింది.
లీక్ ప్రకారం, Vivo Y300 Pro 5G స్మార్ట్ఫోన్ V2402 అనే మోడల్ నంబర్ను కలిగి ఉంది. ఇది గత మోడల్ Vivo Y200 Pro 5G మోడల్ నంబర్ V2401 మాదిరి ఉంది.
క్రింద అందించిన ఇమేజ్ లో మీరు స్పష్టంగా డివైజ్ పేరు మరియు మోడల్ నంబర్ను చూడవచ్చు.
లిస్టింగ్ పై డివైజ్ కి సంబంధించిన ఇతర వివరాలు పేర్కొనబడలేదు. అయితే మిడ్-బడ్జెట్ లో Vivo Y300 Pro 5G లాంచ్ కానుందని అర్థమవుతోంది.
ఇప్పుడు ఒకసారి గత మోడల్ Vivo Y200 Pro 5G యొక్క స్పెసిఫికేషన్స్ తెలుసుకుందాం.
Vivo Y200 Pro 5G స్పెసిఫికేషన్స్
డిస్ప్లే: Vivo Y200 Pro 5G లో 6.78-ఇంచ్ ఫుల్ హెచ్డీ 3డీ కర్వ్డ్ స్క్రీన్, అమోలెడ్ ప్యానెల్, 120 హెర్ట్జ్ రిఫ్రెష్ రేట్, 1300 నిట్స్ బ్రైట్నెస్, 2400*1080 పిక్సెల్ రెజుల్యూషన్ ఉన్నాయి.
ప్రాసెసర్: Vivo Y200 Pro 5G లో క్వాల్కమ్ స్నాప్డ్రాగన్ 695 చిప్సెట్ వాడారు. ఇది 5జీ ప్రాసెసర్.
ర్యామ్, స్టోరేజీ: Vivo Y200 Pro 5G స్మార్ట్ఫోన్ లో 8జిబి ర్యామ్, 128జిబి స్టోరేజీ, 8జిబి ఎక్స్టెండెడ్ ర్యామ్ ఉన్నాయి.
కెమెరా: Vivo Y200 Pro 5G లో డ్యూయల్ రియర్ కెమెరా సెటప్ ఉంది. ఇందులో 64ఎంపి ఓఐఎస్ ప్రైమరీ కెమెరా, 2ఎంపి బొకే లెన్స్ ఉన్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంది.
బ్యాటరీ: Vivo Y200 Pro 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
ఓఎస్: Vivo Y200 Pro 5G డివైజ్ ఆండ్రాయిడ్ 14 ఓఎస్ ఆధారిత ఫన్టచ్ఓఎస్ 14 కస్టమ్ స్కిన్ పై పని చేస్తుంది.
కనెక్టివిటీ: Vivo Y200 Pro 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉన్నాయి.