ప్రముఖ చైనీస్ స్మార్ట్ ఫోన్ మేకర్ వివో, కొత్త వై-సిరీస్ స్మార్ట్ ఫోన్లు Vivo Y35+ 5G, Y35m+ 5G ని లాంచ్ చేసింది. ఈ రెండు ఫోన్లు కలర్ ఆప్షన్స్, ర్యామ్, స్టోరేజీ విషయాల్లో తప్పితే ఒకే విధమైన స్పెసిఫికేషన్స్ ని కలిగి ఉన్నాయి. Vivo Y35+ 5G, Y35m+ 5G స్మార్ట్ ఫోన్లలో 6.64-ఇంచ్ ఐపీఎస్ ఎల్సీడీ డిస్ప్లే, ఫుల్ హెచ్డీ+ రెజుల్యూషన్, 60 హెర్ట్జ్ రిఫ్రెష్ రేట్, మీడియాటెక్ డైమెన్సిటీ 6020 చిప్సెట్, 8జిబి ర్యామ్, 256జిబి స్టోరేజీ ఉన్నాయి.
Vivo Y35+ 5G, Y35m+ 5G ధరలు, లభ్యత
Vivo Y35+ 5G డివైజ్ స్టార్ రింగ్ బ్లాక్, సాల్ట్ లేక్ బ్లూ మరియు నెబులా పర్పుల్ కలర్ ఆప్షన్స్ లో లభిస్తుంది. Vivo Y35+ 5G బేస్ మోడల్ 6జిబి ర్యామ్, 128జిబి స్టోరేజీ వేరియంట్ ధర CNY 1,399 (సుమారు రూ.16,400) గా ఉంది. ఇక 8జిబి ర్యామ్, 128జిబి స్టోరేజీ వేరియంట్ ధర CNY 1,599 (సుమారు రూ.18,700) గా ఉంది. టాప్ మోడల్ 8జిబి ర్యామ్, 256జిబి స్టోరేజీ మోడల్ ధర CNY 1,799 (సుమారు రూ.21,000) గా ఉంది. ఈ ఫోన్ ని వివో అఫీషియల్ వెబ్సైట్ ద్వారా చైనాలో కొనుగోలు చేయవచ్చు.
Vivo Y35m+ 5G స్టార్ రింగ్ బ్లాక్, రిపుల్ గ్రీన్ కలర్ ఆప్షన్స్ లో లభిస్తుంది. 8జిబి ర్యామ్, 128జిబి/256జిబి స్టోరేజీ వేరియంట్స్ ధరలు వరుసగా CNY 1599 (సుమారు రూ.18,700) మరియు CNY 1799 (సుమారు రూ.21,000) గా ఉన్నాయి. అయితే వివో సంస్థ ఈ డివైజెస్ యొక్క ఇతర మార్కెట్స్ లభ్యత గురించి ప్రకటన చేయలేదు.
Vivo Y35+ 5G, Y35m+ 5G స్పెసిఫికేషన్స్
డిస్ప్లే
- 6.44-ఇంచ్ డిస్ప్లే
- ఐపీఎస్ ప్యానెల్
Vivo Y35+ 5G, Y35m+ 5G ఫోన్లలో 6.44-ఇంచ్ ఐపీఎస్ ఎల్సీడీ డిస్ప్లే, ఫుల్ హెచ్డీ+ (2388*1080 పిక్సెల్ రెజుల్యూషన్), 19:9 యాస్పెక్ట్ రేషియో, 60 హెర్ట్జ్ రిఫ్రెష్ రేట్ ఉన్నాయి.
ప్రాసెసర్
- డైమెన్సిటీ 7020 చిప్
Vivo Y35+ 5G, Y35m+ 5G స్మార్ట్ ఫోన్లలో మీడియాటెక్ డైమెన్సిటీ 6020 చిప్సెట్, మాలి జీ57 జీపీయూ వాడారు.
ర్యామ్, స్టోరేజీ
- 8జిబి
- 128జిబి/256జిబి
Vivo Y35+ 5G, Y35m+ 5G స్మార్ట్ ఫోన్లలో 8జిబి ఎల్పీడీడీఆర్4ఎక్స్ ర్యామ్, 128జిబి/256జిబి యూఎఫ్ఎస్2.2 స్టోరేజీ ఉన్నాయి.
కెమెరా విభాగం
- 50ఎంపి రియర్ కెమెరా
- 8ఎంపి ఫ్రంట్ కెమెరా
Vivo Y35+ 5G, Y35m+ 5G ఫోన్లలో 50ఎంపి ప్రైమరీ కెమెరా, ఎల్ఈడీ ఫ్లాష్, 10ఎక్స్ డిజిటల్ జూమ్ ఉన్నాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా అందించారు.
బ్యాటరీ
- 5000 ఎంఏహెచ్
- 15 వాట్
ఈ ఫోన్లలో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇవి 15 వాట్ ఫాస్ట్ చార్జింగ్ సపోర్ట్ తో వచ్చాయి.