ప్రముఖ స్మార్ట్ఫోన్ బ్రాండ్ Vivo త్వరలో ఒక కొత్త వై-సిరీస్ ఫోన్ని లాంచ్ చేయనుంది. Vivo Y38 5G పేరుతో ఈ డివైజ్ మార్కెట్ లోకి రానుంది. తాజాగా ఈ ఫోన్ బ్లూటూత్ ఎస్ఐజీ మరియు సీక్యూసీ (చైనా క్వాలిటీ సర్టిఫికేషన్) వెబ్సైట్స్ పై లిస్ట్ అయ్యింది. దీంతో లాంచ్ త్వరలోనే ఉంటుందని తెలుస్తోంది. సరే, ఓసారి Vivo Y38 5G యొక్క సర్టిఫికేషన్ వివరాలను తెలుసుకుందాం పదండి.
Vivo Y38 5G బ్లూటూత్ ఎస్ఐజీ, సీక్యూసీ లిస్టింగ్స్
Vivo Y38 5G డివైజ్ సర్టిఫికేషన్ ప్లాట్ఫామ్స్ బ్లూటూత్ ఎస్ఐజీ మరియు సీక్యూసీ లపై V2343 అనే మోడల్ నంబర్ తో లిస్ట్ అయ్యింది.
Vivo Y38 5G బ్లూటూత్ 5.1 కనెక్టివిటీతో వస్తున్నట్లు లిస్టింగ్ ద్వారా రివీల్ అయ్యింది.
ఈ ఫోన్ 44 వాట్ ఫాస్ట్ చార్జింగ్ సపోర్ట్ తో వస్తోంది. లిస్టింగ్ ద్వారా ఇతర స్పెసిఫికేషన్స్ ఇంకా తెలియలేదు.
Vivo Y38 5G స్పెసిఫికేషన్స్ (గీక్బెంచ్)
Vivo Y38 5G డివైజ్ బెంచ్మార్కింగ్ ప్లాట్ఫామ్ గీక్బెంచ్ పై V2343 అనే మోడల్ నంబర్ తో లిస్ట్ అయ్యింది.
Vivo Y38 5G సింగిల్-కోర్ టెస్ట్ లో 3,092 పాయింట్లు, మల్టీ-కోర్ టెస్ట్ లో 7,035 పాయింట్లు స్కోర్ చేసింది.
Vivo Y38 5G లో ఆక్టా-కోర్ ప్రాసెసర్, అడ్రెనో 613 జీపీయూ ఉంటాయని రివీల్ అయ్యింది.
గీక్బెంచ్ వివరాలను బట్టి, Vivo Y38 5G లో క్వాల్కమ్ స్నాప్డ్రాగన్ 4 జెన్ 2 చిప్సెట్ ఉంటుందని తెలుస్తోంది.
Vivo Y38 5G ఫోన్ 8జిబి ర్యామ్ తో వస్తున్నట్లు గీక్బెంచ్ లిస్టింగ్ ద్వారా వెల్లడైంది. Vivo Y38 5G డివైజ్ ఆండ్రాయిడ్ 14 ఓఎస్ తో లాంచ్ అవ్వనుంది.