Vivo తన మిడ్రేంజ్ 5G ఫోన్ Y56ని 2023 ఆరంభంలో భారతదేశంలో విడుదల చేసింది. ఈ మొబైల్ 8 GB RAMతో మార్కెట్లోకి తీసుకురాబడింది. దీని ధర రూ. 19,999. ఇప్పుడు కంపెనీ భారతదేశంలో Vivo Y56 5G యొక్క సరసమైన వేరియంట్ను కూడా విడుదల చేసింది. కొత్త మోడల్లో 4 GB RAMతో 128 GB ఇంటర్నల్ స్టోరేజీతో మార్కెట్ లోకి వచ్చింది. బడ్జెట్ కొనుగోలుదారులకు ఇది ఎంతో ఉపయుక్తం కానుంది. సరే, ఓసారి వివో వై56 5జీ 4జిబి వేరియంట్ ధర, స్పెసిఫికేషన్స్ తదితర వివరాలు తెలుసుకుందాం పదండి.
Vivo Y56 5G ధర
Vivo Y56 5G లో ప్రత్యేకత ఏంటంటే, ఈ డివైజ్ లో 8జిబి వర్చువల్ ర్యామ్ ఫీచర్ ఉంది. దీంతో యూజర్ కి గరిష్టంగా 16జిబి వరకు ర్యామ్ పవర్ లభిస్తుంది. గేమింగ్ మరియు ఎక్కువ యాప్స్ వాడుతున్నప్పుడు, మల్టీ టాస్కింగ్ సమయంలో ఇది ఎంతగానో ఉపయోగపడనుంది. Vivo Y56 5G యొక్క రెండు వేరియంట్లలో మైక్రోఎస్డీ కార్డ్ స్లాట్ సదుపాయం ఉంది. దీంతో మెమొరీని మరింతగా పెంచుకునే అవకాశం యూజర్ కి లభిస్తుంది. ఈ ఫోన్ బ్లాక్ ఇంజన్ మరియు ఆరెంజ్ షిమ్మర్ రంగులలో అమ్మకానికి అందుబాటులో ఉంది. సరే, ఓసారి వివో వై56 5జీ యొక్క స్పెసిఫికేషన్స్ పై కన్నేద్దాం పదండి.
Vivo Y56 5G స్పెసిఫికేషన్స్
వివో వై56 5జీ యొక్క 8జిబి మరియు 4జిబి ర్యామ్ వేరియంట్స్ లో స్పెసిఫికేషన్స్ ఒకే విధంగా ఉంటాయి. ర్యామ్, స్టోరేజీల్లో మాత్రమే మార్పు ఉంటుంది. Vivo Y56 5G లో మీడియాటెక్ డైమెన్సిటీ 700 చిప్, డ్యూయల్ రియర్ కెమెరా సెటప్, ఫుల్ హెచ్డీ+ డిస్ప్లే, టైప్-సీ పోర్ట్, 16ఎంపి ఫ్రంట్ కెమెరా, 50ఎంపి రియర్ కెమెరా, 18 వాట్ ఫాస్ట్ చార్జింగ్ సపోర్ట్ వంటి స్పెసిఫికేషన్స్ ఉంటాయి. సరే, పూర్తి స్పెసిఫికేషన్స్ క్రింద అందిస్తున్నాం ఓసారి చూడండి.
- స్క్రీన్: Vivo Y56 5G లో 6.58-ఇంచ్ ఫుల్ హెచ్డీ+ డిస్ప్లే, 2408*1080 పిక్సెల్ రెజుల్యూషన్, 60 హెర్ట్జ్ రిఫ్రెష్ రేట్ ఉంటాయి.
- ప్రాసెసర్: Vivo Y56 5G లో మీడియాటెక్ డైమెన్సిటీ 700 ఆక్టా-కోర్ చిప్ వాడారు.
- కెమెరా: Vivo Y56 5G లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 2ఎంపి సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఇచ్చారు.
- బ్యాటరీ: Vivo Y56 5G లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.
- ఇతర ఫీచర్లు: Vivo Y56 5G లో 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ ఉంటాయి.