ప్రముఖ స్మార్ట్ ఫోన్ బ్రాండ్ Vivo తన వై-సిరీస్ ని విస్తరిస్తూ పోతోంది. ఇటీవలె కంపెనీ Vivo Y78+ (T1) అనే డివైజ్ ని లాంచ్ చేసింది. తాజాగా వివో Vivo Y77t అనే మరో ఫోన్ ని తీసుకొచ్చింది. చైనా మార్కెట్ లో ఈ డివైజ్ 3 కలర్ ఆప్షన్స్ లో అందుబాటులో ఉంటుంది. ఈ స్మార్ట్ ఫోన్ లో 6.64-ఇంచ్ డిస్ప్లే, మీడియాటెక్ డైమెన్సిటీ 7020 చిప్సెట్ ఉంటాయి. సరే, ఇతర స్పెసిఫికేషన్స్, ధర తదితర వివరాలు తెలుసుకుందాం.
Vivo Y77t ధర, లభ్యత
- Vivo Y77t స్మార్ట్ ఫోన్ రెండు స్టోరేజీ ఆప్షన్స్ లో లభిస్తుంది.
- Vivo Y77t డివైజ్ 8జిబి ర్యామ్ + 128జిబి స్టోరేజీ వేరియంట్ ధర RMB 1,399 (సుమారు రూ.16,000) గా ఉంది.
- 12జిబి ర్యామ్ + 256జిబి స్టోరేజీ ఆప్షన్ ధర RMB 1,599 (సుమారు రూ.18,250) గా ఉంది.
- Vivo Y77t స్మార్ట్ ఫోన్ బ్లాక్, బ్లూ, గోల్డెన్ కలర్ ఆప్షన్స్ లో లభిస్తుంది. ఇప్పటికే ఈ స్మార్ట్ ఫోన్ సేల్ చైనాలో మొదలైంది.
Vivo Y77t స్పెసిఫికేషన్స్
- స్క్రీన్: Vivo Y77t లో 6.64-ఇంచ్ ఫుల్ హెచ్డీ+ డిస్ప్లే, ఐపీఎస్ ఎల్సీడీ ప్యానెల్, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, పంచ్-హోల్ కటౌట్ ఉన్నాయి.
- ప్రాసెసర్: Vivo Y77t స్మార్ట్ ఫోన్ లో మీడియాటెక్ డైమెన్సిటీ 7020 ప్రాసెసర్ వాడారు. ఇది 6 నానోమీటర్ ప్రాసెస్ పై తయారైన చిప్. ఇది 2.2 గిగాహెర్ట్జ్ క్లాక్ స్పీడ్ కలిగి ఉంటుంది.
- స్టోరేజీ: Vivo Y77t స్మార్ట్ ఫోన్ లో డ్యూయల్ రియర్ కెమెరా సెటప్ ఉంది. ఇందులో 50ఎంపి ప్రైమరీ కెమెరా, 2ఎంపి డెప్త్ సెన్సర్, ఒక ఎల్ఈడీ ఫ్లాష్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- బ్యాటరీ: Vivo Y77t స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంది. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo Y77t డివైజ్ ఆండ్రాయిడ్ 13 ఓఎస్ ఆధారిత ఒరిజిన్ ఓఎస్ 3 కస్టమ్ స్కిన్ పై పని చేస్తుంది.
- కనెక్టివిటీ: Vivo Y77t లో డ్యూయల్ సిమ్, 5జీ, 4జీ వొల్టీ, వై-ఫై 6, బ్లూటూత్ 5.2, యూఎస్బీ టైప్-సీ పోర్ట్, 3.5ఎంఎం ఆడియో జాక్, ఫింగర్ ప్రింట్ స్కానర్ ఉన్నాయి.