గ్లోబల్ లాంచ్ కి ముందు Geekbench పై కనిపించిన Xiaomi 12T స్పెసిఫికేషన్స్

హైలైట్స్

• గ్లోబల్ లాంచ్ కి ముందు గీక్ బెంచ్ పై కనిపించిన Xiaomi 12T
• MediaTek Dimensity 8100 చిప్, 8జిబి ర్యామ్, 120హెర్ట్జ్ ఓఎల్ఈడీ డిస్ప్లే, 108ఎంపి కెమెరాతో వస్తున్న Xiaomi 12T
• రానున్న వారాల్లో గ్లోబల్ గా లాంచ్ అవ్వనున్న Xiaomi 12T

Xiaomi 12T త్వరలో గ్లోబల్ గా లాంచ్ అవ్వనుంది. ఈలోపు ఈ ఫోన్ బెంచ్ మార్కింగ్ సైట్ గీక్‌బెంచ్ పై దర్శనమిచ్చింది. Xiaomi 12T, Xiaomi 12T Pro త్వరలో గ్లోబల్ మార్కెట్స్ లోకి ఎంట్రీ ఇవ్వనున్నాయి. ఈ డివైజెస్ చైనాలో లాంచ్ అయిన Redmi K50S, K50S Pro ల యొక్క రీబ్యాడ్డ్జ్ వర్షన్స్ అని సమాచారం. Xiaomi 12T యొక్క లిస్టింగ్ బెంచ్‌మార్కింగ్ సైట్ గీక్ బెంచ్ పై కనిపించడంతో స్పెసిఫికేషన్స్, పెర్ఫామెన్స్ వివరాలు తెలిశాయి.

Xiaomi 12T Geekbench లిస్టింగ్ ద్వారా తెలిసిన ముఖ్య స్పెసిఫికేషన్స్

Xiaomi 12T డివైజ్ 22071212AG అనే మోడల్ నంబర్ తో గీక్ బెంచ్ పై కనిపించింది. Xiaomi 12T ఫోన్ మీడియాటెక్ డైమెన్సిటీ 8100 ప్రాసెసర్, మాలి G610 జీపీయూ, 8జిబి ర్యామ్, ఆండ్రాయిడ్ 12 ఓఎస్ తో రానుంది. Xiaomi 12T సింగిల్ కోర్ టెస్ట్ లో 753 పాయింట్లు, మల్టీ-కోర్ టెస్ట్ లో 2990 పాయింట్లు సాధించింది.

Xiaomi 12T స్పెసిఫికేషన్స్

Xiaomi 12T లో 6.67-ఇంచ్ ఓఎల్ఈడీ డిస్ప్లే, 2712*1220 రెజుల్యూషన్, 120 హెర్ట్జ్ రిఫ్రెష్ రేట్, సెంటర్ పంచ్ హోల్ కటౌట్, ఇన్-డిస్ప్లే ఫింగర్ ప్రింట్ సెన్సర్, మీడియాటెక్ డైమెన్సిటీ 8100 చిప్సెట్, మాలి జీ610 జీపీయూ, 8జిబి ర్యామ్, 256జిబి స్టోరేజీ వంటి ఫీచర్లు ఉన్నాయి.

Xiaomi 12T లో 3 రియర్ కెమెరాలు ఉన్నట్లు తెలుస్తోంది. వీటిలో 108 ఎంపి ప్రైమరీ సెన్సర్, 8ఎంపి అల్ట్రా-వైడ్ కెమెరా, 2ఎంపి డెప్త్ సెన్సర్ ఉన్నాయి. సెల్ఫీలు, వీడియో కాల్స్ కోసం ముందు వైపున 20ఎంపి కెమెరా ఉంది. Xiaomi 12T లో 5000 ఎంఏహెచ్ బ్యాటరీ ఉండనుంది. ఇది 120 వాట్ ఫాస్ట్ చార్జింగ్ కి సపోర్ట్ చేస్తుంది. Xiaomi 12T ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది.

ఇక షావోమీ 12టీ ప్రో స్మార్ట్ ఫోన్ లో స్నాప్ డ్రాగన్ 8+ జెన్ 1 చిప్సెట్ అమర్చనున్నట్లు సమాచారం. షావోమీ 12టీ ప్రో రెండు స్టోరేజీ వేరియంట్లో లభ్యం కానుంది. అవి: 8జిబి + 256జిబి, 12జిబి + 256జిబి. షావోమీ 12టీ ప్రో కాస్మిక్ బ్లాక్, లునార్ సిల్వర్, క్లియర్ బ్లూ కలర్ ఆప్షన్స్ లో లభించనుంది.

మరోవైపు, షావోమీ 12టీ 8జిబి + 128జిబి మోడల్ తో పాటు, 8జిబి + 256జిబి స్టోరేజీ వేరియంట్లో లభించనుంది. ఈ ఫోన్ కూడా కాస్మిక్ బ్లాక్, లునార్ సిల్వర్, క్లియర్ బ్లూ కలర్ ఆప్షన్స్ లో లభించనుంది.